مجدى الطيب بابكر -ضيفا على الكرسى الساخن

المشاركة الأصلية كتبت بواسطة أحمد إمام العالم

الأخ والخال العزيز مجدي الطيب كيف صحتك وكيف عامل مع الغربة
نرجو منك ان تحكي لينا المواقف والطرائف التي مرت بك اثناء فترة
الدراسة وكيف كان تعامل الطلبة ليك باعتبارك كنت ضابط في الحربية
وكمان ماتنسي تحكي طرائف فترة التدريس في ابوفروع وكابوالجداد
"ولك مني فائق تقديري واحترامي "

هلا بالغالى ابننا احمد
كيفك ؟ واحوالك

طبعا فى مواقف ابو فروع لابد من ذكر الاسماء وهذا ما يجلب الزعل ولكن ساحكى موقفا بدون اسماء ؛

ولى امر طلاب كل مرة ينادوه المدرسة عشان اولادو وهو مشغول دائما ولما كثرت عليه الاستدعاءات جاء وقال :
يا ناس انا مشغول شديد :
لكن :
اولادى ديل لو جو بدرى دقوهم وقولوا ليهم جيتو بدرى ليه
ولو جو متاخرين دقوهم وقولوا ليهم جيتو متاخرين ليه
ولو غلطوا دقوهم وقولوا ليهم غلطتوا ليه
ولو ماغلطو دقوهم وقولوا ليهم ليه ما غلطتوا

بس ما تنادونى

المصدر: :::: منتديات أبو فروع :::: - من قسم: منتدى الإهداءات والتعارف

الاخ مجدى او كما يحلو ان ينادى لك ابو اصطفاء حفظها الله . لك التحيه والود

الجماعه بارك الله فيهم ما خلو لينا حاجه . ودفاعك عن المراة ومعرفة قيمتها زاد من اسهمك عندى

واعلم ان لديك اطيب واحن ام على وجه هذه البسيطه .رعاها الله ومد فى ايامها . الخاله عجبت . واعلم

انها فى عداد الحريم المحسوبات على الايادى فى عدم ضيقها وسعت صدرها .لم تنهر طفلا قط ولم تدعى

على احدا فيكم الى ان اشتد عودكم رغم صعوبة تربية الاولاد .اريد ان تحكى لنا جانب فى معاملتها لكم

لعلمى انها مدرسة .