الشاعر عبدالرحمن الابنودى 00وعمته يامنه

الشاعر عبدالرحمن الابنودى 00وعمته يامنه

القصيده بلهجة الصعايده

والله وشبت ياعبدالرحمن
عجزت ياواد؟
ميتى وكيف؟عاد اللي يعجز فى بلاده
غير اللي يعجز ضيف
هلكوك النسوان؟ شفتك مره بالتلفزيون
ومره ورونى صورتك في الجورنال
قلت :كبر عبدالرحمن؟ امال انا على كده
مت بقى لي ميت حول
والله انا خايفه ياولدى القعدة تطول
مات الشيخ محمود 000وماتت فاطنه اب قنديل
واتباع كرم اب غبان00وانا لسه حية000وباين ح احي كمان وكمان
عشت كتير
عشت أل حد ماشفتك عجزت يا عبد الرحمن
وقالولى قال خلفت00
وانت عجوز خلفت ياخويا؟
وبنات كمان00؟
امال كنت بتعمل ايه
طيلة العمر الي فات؟
دلوقت مافقت؟
وجايبهم دلوك تعمل بيهم ايه؟
على كل000
أهى ريحة من ريحتك ع الارض
يونسوا بعض00
ماشى ياعبد الرحمن
اهو طلنا منك بصه وشمه
دلوك بس 00
ما فكرت فى يامنه00وقلت ياعمة
حبيبى انت ياعبدالرحمن وتتحب
على قد ماسارقاك الغربة
لكن ليك قلب
مش ذى ولاد الكلباللي نسيونا زمان
حلوه مرتك وعويلاتك؟
ولا شبهنا؟
سميتهم ايه؟
قالولي :ايه 000ونور
ماعرفتش تجيب لك حتة واد؟
والا اقولك:
يعنى اللى جبناهم نفعونا بايه؟
غيرش الانسان مغرور
ولسة يامنه حتعيش وحتلبس
لما جايب لي قطيفة وكستور؟
كنت اديتهمنى فلوس
اشترى للركبة دهان
أ با ي مامجلع قوى يأ عبد الرحمن
طب ده انا لى ست سنين
مزروعه فى ضهر الباب
لا طلوا عليا احبة ولا اغراب
خليهم 00ينفعوا 00اعملهم اكفان
كرمش00وشي
فاكر يامنه00وفاكر الوش؟
اوعى تصدقها الدنيا
غش ف غش
اذا جاك الموت ياولدى
موت على طول
اللى اتخطفوا فضلوا احباب
صاحيين فى القلب
كأن ماحدش غاب
واللى ماتوا حته 00حته ونشفوا
وهم لسه حيين
حتى سلام عليكم
مش بتعدى من بره الاعتاب
اول ما يجيك الموت افتح
اول ماينادى عليك 00اجلح
انت الكسبان00
اوعى تحسبها حساب
ولا واد 00ولابت
ده يوم ما يصدق كداب
سيبها لهم بالحال والمال و انفد
اوعى تبص وراك
الورث تراب
وحيطان الايام طين
وعيالك00بيك مش بيك عايشين000
يوووووووووه يازمان
مشوار طولان00
واللى يطول يوم عن يومه ياحبيبى حمار00
0000000000
الدواء عازاه لوجيعة الركبه
مش لطوالة العمر
أوعى تصدق الوانها صفر وحمر
مش كنت جميلة ياواد00
مش كنت00وكنت جدعه
تخاف منى الرجاله
لكن فين شفتونى
كنتوا عيال
بناتى رضيه ونجيه00ماتوا وراحوا
وانا اللى قعدت
طيب يازمان
اوعى تعيش يوم واحد بعد عيالك
اوعى ياعبدالرحمن
فى الدنيا هموم اشكال والوان
الناس ما بتعرفهاش00
لو حتتعيش بعد عيالك ماتموت
ساعتها بس00
حتعرف ايه هو الموت
اول مايجى لك نط
000000000000000000000
لسه بتحكى لهم بحرى
حكاية فاطنه وحراجى القط؟
ا با ى00ما كنت شقى وعفريت
من دون كل الوليدات
كنت مخالف00
براوى
وكنت مخبى فى عينيك السحراوى
تمللى حاجاتن
ذى الحدايه00
تخوى الحاجه وتطير
من صغرك ضوافرك واعره
ومناقير000
بس ماكنت كداب
وادينى استنيت بالدنيا
لما شعرك شاب 000
00000
قدم البيت
اتهدت قبله بيوت وبيوت
واصيل هوه
مستنينى لما اموت
حا تيجى العيد الجاى؟
ح تيجى لى جاى؟ وحاتشرب معاى الشاي؟
حاجي ياعمه
وجيت 0000000
لا لقيت يامنه ولا البيت
0000000000000000000000000000000000000000000

المصدر: :::: منتديات أبو فروع :::: - من قسم: منتدى الشعر والشعراء والأدب

---

hgahuv uf]hgvplk hghfk,]n 00,ulji dhlki