بسم الله الرحمن الرحيم
السلام عليكم و رحمة الله تعالى و بركاته
المطارحه الشعريه الظريفة ﺑﻴﻦ شاعرين بخصوص "الاكل السوداني"
******
ﻣﻼﺡ ﺍﻟﻮﻳﻜﻪ ﻳﺎﻭﺩ ﺑﺸﺮﻱ ﺷﺎﻏﻞ ﺑﺎﻟﻲ
ﻳﻮﻡ ﺃﻟﻘﺎﻫﻮ ﻓﻲ ﺍﻟﺼﻴﻨﻴﻪ ﺑﻌﺪﻝ ﺣﺎﻟﻲ
ﻋﺎﺟﺒﻨﻲ ﺍلمغبش ﻭﻟﺤﻤﺘﻮ ﺍﻟﻌﺠﺎﻟﻲ
ﻭﺍﻟﺼﺤﻦ ﺍﻟﻜﺒﻴﺮ ﻓﻲ ﻟﺤﻈﻪ ﺑﺼﺒﺢ خالى
*******
ﻋﺎﺟﺒﻨﻲ ﺍﻟﻜﺠﻴﻚ ﺗﺮﻛﻴﺰﻭ ﺩﺍﻳﻤﺎ ﻋﺎﻟﻲ
ﺟﺮﺑﻮ ﺑﺎﻟﻌﺼﻴﺪﺓ ﺑﺘﻠﻘﻰ ﻃﻌﻤﻮ ﺧﻴﺎﻟﻲ
ﻛﻞ ﻣﺎ ﻧﺸﺘﻬﻴﻚ ﻧﺠﺮﻱ ﻭﻧﺠﻴﻚ ﻃﻮﺍﻟﻲ
ﻣﺘﻮﻓﺮ ﺭﺧﻴﻴﺺ ﻣﺎﻙ ﺍﻟﻤﻜﻠﻒ ﻭﻏﺎﻟﻲ
*******
ﻋﺎﺟﺒﺎﻧﻲ ﺃﻡ ﺭﻗﻴﻘﻪ ﺍﻟﻄﺎﻋﻤﺔ ﻭﺍﻟﺘﻘﻠﻴﻪ
ﻭﺍﻟﻘﺮﺍﺻﻪ ﻛﺎﻥ ﻋﺎﺳﻮﻫﺎ ﺑﺎﻟﺒﺎﻛﺮﻳﻪ
ﻭﺍﻟﺸﻄﻪ ﺍﻟﺘﺨﻠﻲ ﺍﻟﺰﻭﻝ ﻳﻘﻮﻝ ﺃﺣﻴﻴﻴﺎ
ﻣﺎﺑﻨﺴﺎﻫﺎ ﻓﻲ ﻛﻮﻡ ﺍﻟﻤﺮﺍﺭﻩ ﺍﻟﻨﻴﻪ
*******
ﺿﺒﺤﻮﻟﻨﺎ ﺍﻟﻜﺒﺶ ﻗﺒﺎﻝ ﻃﻠﻮﻉ ﺍﺏ ﺭﻳﺎ
ﺟﺎﺑﻮﻟﻨﺎ ﺍﻟﻘﺪﺡ ﻣﻠﻴﺎﺍﺍﺍﻥ ﻣﺴﺘﻒ ﺷﻴﺔ
ﺻﺤﻦ ﺍﻟﺸﻄﺔ ﺩﺍﻙ ﺟﻨﺒﻮ ﺍﻟﻤﺮﺍﺭﺓ ﺍﻟﻨﻴﺔ
ﺑﻄﻠﻘﻮ ﻓﻴﻨﻲ ﻧﺎﺭ ﺍﻟﻠﻪ ﺍﻟﻤﻠﻬﻠﺒﺔ ﺣﻴﻴﺔ
******
ﻳﻮﻡ ﻗﻄﻌﻮﺍ ﺍﻟﻌﺼﻴﺪﻩ ﻭﺯﺑﻄﻮ ﺍﻟﻤﻔﺮﻭﻛﻪ
ﺑﺪﺭﻱ ﺩﻣﻮﻋﻲ ﺳﺎﻟﺖ ﻭﺳﺒﺖ ﺃﻛﻞ ﺍﻟﺸﻮﻛﻪ
ﻣﺎﺑﺘﺪﻱ ﺍﻟﻤﻌﺎﻙ ﻭﺍﻟﻠﻪ ﻟﻮ ﺧﻨﻘﻮﻛﺎ
ﻏﺎﻳﺘﻮ ﺗﺸﻴﻞ ﺗﺒﻠﻊ ﺑﺲ ﺗﻘﻮﻝ ﺧﻠﻌﻮﻛﺎ
*******
ﻗﺮﺍﺻﺔ ﺍﻟﺴﺮﻭﺭ ... ﺧﺘﻴﻬﺎ ﻳﺎ ﺍﻟﻤﺒﺮﻭﻛﺔ
ﻣﺎ ﺗﻨﺴﻰ ﺍﻟﺒﺼﻞ ﺑﻲ ﺷﻄﺘﻮ ﺍﻟﻤﺪﻛﻮﻛﺔ
ﻛﺎﻥ ﺿﻘﺖ ﺍﻟﻤﻼﺡ ﻣﺎﺍﺍ ﺑﺘﺪﻱ ﻣﻨﻮ ﺍﺧﻮﻛﺎ
ﺩﻣﻌﺔ ﺿﺎﻥ ﻣﻈﺒﻄﺔ ﺑﺎﻟﺒﺼﻞ ﻣﺴﺒﻮﻛﺔ
*******
ﻳﺎﺍﻟﻮﻳﻜﺎﺏ ﻛﺘﻴﺮ ﺟﻬﺠﻬﺖ ﻟﻲ ﺑﺎﻛﺎﺗﻲ
ﻳﻮﻡ ﻛﺒﻮ ﺍﻟﺴﻤﻦ ﺧﻠﻮﻧﺎ ﻟﻴﻬﻮ ﻧﺘﺎﺗﻲ
ﻣﺎﺑﻌﺰﻡ ﺃﺧﻮﻳﺎ ﻭﻻ ﻛﻤﺎﻥ ﺃﺧﻮﺍﺗﻲ
ﻭﻟﻮ ﺳﺒﻜﻮﻛﺎ ﺻﺎﺡ ﺃﻧﺎ ﺑﻨﻘﻠﺐ ﺑﻌﺎﺍﺍﺍﺗﻲ
******
ﻓﻴﻚ ﻳﺎ ﺍﻟﺮﻭﺏ ﺑﺮﺩﺩ ﻛﻞ ﻳﻮﻡ ﻧﻤﺎﺗﻲ
ﻭﺍﻟﻤﺪﺣﻚ ﻳﻤﻴﻦ ﻳﺎ ﺍﻟﺮﻭﺏ ﺑﻜﻮﻥ ﻣﻮ ﺧﺎﺍﺍﺗﻲ
ﺛﺎﺑﺖ ﻋﻨﺪﻱ ﻣﻦ ﺯﻣﻨﻲ ﺍﻟﻠﻲ ﻛﻨﺖ ﺑﺘﺎﺗﻲ
ﺻﺤﻨﻚ ﻓﻲ ﺍﻟﻔﻄﻮﺭ ﺳﻮﻳﺘﻮ ﻣﻦ ﻋﺎﺩﺍﺗﻲ
*******
ﺍﻟﺸﺎﻱ ﺍﻟﻤﻨﻌﻨﻊ ﺑﻴﻬﻮ ﺗﻢ ﺍﻟﻜﻴﻒ
ﻭﻟﻮ ﻓﻴﻬﻮ ﺍﻟﻘﺮﻧﻔﻞ ﺩﻕ ﺗﺤﻴﺔ ﻭﺃﻗﻴﻒ
ﺍﻻ ﺍﻟﻘﻬﻮﺓ ﺑﻨﺮﻳﺪﺍ ﻭﻣﺰﺍﺟﺎ ﻇﺮﻳﻒ
ﺩﻱ ﺍﻟﺒﻨﺠﻴﺒﺎ ﻣﻦ ﺑﻌﺪ ﺍﻟﻔﻄﻮﺭ ﻟﻠﻀﻴﻒ
*******
ﺍﻟﺸﺎﻱ ﺍﻟﻤﻨﻌﻨﻊ ﻓﻲ ﺣﺮﺍﺭﺓ ﺍﻟﺼﻴﻒ
ﺑﺸﻴﻞ ﻣﻨﻲ ﺍﻟﺼﺪﺍﻉ ﻭﻗﺘﻲ ﻭﺑﺘﻢ ﺍﻟﻜﻴﻒ
ﺍﻣﺎ ﺍﻟﺠﺒﻨﺔ ﻋﺎﺩ ﻗﺮﻳﺎﻓﺎ ﻣﺘﻞ ﺍﻟﺴﻴﻒ
ﺍﻛﺎﻥ ﻣﺎ ﺷﺮﺑﺘﻬﺎ ﺍﻟﺼﺒﺤﻴﺔ ﺍﻣﺮﻕ ﻛﻴﻒ ؟؟
منقول
lk hauhv hg/vthx
من اشعار الظرفاء
العرض العادي
