اجتازت التحدي ..وتفوقت ..حكاية ابنتي سحر

اجتازت التحدي ..وتفوقت ..حكاية ابنتي سحر

[COLOR="DarkRed"]ابنتي سحراحرزت (260][/COLOR]
نجاح ابنتي سحر له طعم خاص ..لانها امتحنت واحرزت 260 وهي لاول مرة في حياتها تدرس وتقراء منهج بالغة العربية..فترتة غرببتنا في تنزانيا والدراسة هناك بالنظام الانجليزي كل المواد ولا يعرفو/حتي العرب المقيمين من اللغة العربية غير (كلمة السلام عليكم )
وكما زكرت في الكرسي الساخن كل الاسرة السودانية يتركو اولادهم في السودان /او يتركو البلد خشيا ان يدرس ابناؤهم منهج قد لايستطيعو مواصلته في السودان..(ماديا" والاهم من لم يمتحن الصف الثامن سوداني لن يمتحن شهادة سودانية)
الا انا..رفضت ان اترك سحر عند اهلها في السودان..والظرفوف كانت تحتم ان نستمر في تنزانيا عدة سنوات وكل سنة ارجع السوان واهلي يقلقوني بالسؤال (سحر شاطرة ح تجهجيها وانتو ناوين تج ؟ما ح تقدر تلحق؟)
والعربي البتقولي بتدرسيها ليو براك في البيت دي ما بخليها تنافس المقرر كبيير والمنهج معقد
وانا مرات اقرب ارضخت لكلامه ..ولكن قلبي لا يطاوعني ان اتركها..وكمان خائفة اعمل اأثر علي مستقبلها الاكاديمي..
المهم نشيل اكتب اللغة العربية فقط ونقراءها في البيت..
ولما جينا السودان مشيت اسجلها في المدارس السودانية ومعظمهم يرفضو انها ما ح تقدر تندمج في منهج اول مرة تقراءه بالعربي .وان الصف الثامن مهم جدن ولن تقبل المدرسة طالبة احتمال نتيجتها تدنئ نسبة نجاح المدرسة..لن يقبلوها في ثامن الا صف سابع..وبالمناسبة هو سنها صف سابع بس مقرر سابع اصعب من ثامن..وانا عايزها (تنهي /تنط) المرة دي والثانوي مرحة جديدة /منفصلة بتتقدر
فقلت ليهم هو تحدي ..ماتقولو ما بتقدر امتحنوها (امتحان تحديد مسواء ونشوف ) وافقت مديرة مدرسة قريبتنا وححدت بعد ثلاثة اشهر موعد الاامتحان..وكرست سحر كل وقتها للدراسة وركزت علي الاشياء المهمة فقط في المنهج..وجاء يوم امتحان تحديد المستواء .(او تحديد المصير علي قولها.) يا تنجح وتدخل نظام عربي ..رغبتها..او نتصرف ونتواصل في النظام الاجنبي..برغم الصعوبات
والحمد الله رفعت راسي اجتازت امتحان تحديد المستواء بنسبة 88% واليوم اجتازت امتحان شهاة الاساس بنسبة (260)
فمليييون مبارك لها...(ولي .)..ولكم نجاح ابنتكم....

المصدر: :::: منتديات أبو فروع :::: - من قسم: منتدى الإهداءات والتعارف

---

h[jh.j hgjp]d >>,jt,rj >>p;hdm hfkjd spv

ألالاف التبريكات والتهاني بمناسبة النجاح والحصول على النسبة المشرفة للابنة سحر

وماشاء الله تبارك الله
ومن نجاح لنجاح

السلام عليكم ورحمة الله وبركاته
الف مبروك النجاح وعقبال ماتفرحى بيها عروسه
بعد ما تكمل الجامعه

نعم الاله على العباد كثيره
واجلهن نجابه الابناء
الف الف مبروك ياساره والله فرحته من جوه قلبى
ونتمنى ليها التوفيق فى باقى المراحل
والله التعليم فى الغربه مشكله كبيره وماعارفين الحل شنو؟
المهم ربنا يوفق الجميع

اسعدنى كثيرا والله نجاح الابنه سحر . والف مليون مبروك وهنيئا لكى اختى ساره واعزرينا عرفت متاخره البركه فى اختنا تيسير عقبالها فى ابنائها يارب . برجع بهنى ابنتى الحبيه سحر

السلام عليكم ورحمة الله اختي ساره الغاليه والعزيزه وكل التهاني لا بنتنا الغاليه وعقبال الجامعه والحمد لله انتي حصلتي الكلام نحنا ومفروض الجماعه ديل استثنو بتك واعتبروها جابت فوق 273 واكرموها معاهم لانها تستاهل تكريمين والف مبرووووووك

الف الف مبروك لسحر وعقبال الجامعة وربنا يوفقها

نرسل التهاني لبنتنا سارة بمناسبة النجاح الباهر لابنتها سحر رغم الظروف التي واجهتها ولكن هذا ما يجعل للنجاح طعما خاصا

على قدر أهل العزم تاتي العزائم وتؤتى على قدر الكرام المكارم

ألف مبروك وتحية للأسرة بشمبات

الاخوة الاعزاء ميرغني /معتز /الخال ابوز
لكم التحية علي تهانيكم الجميلة وعقبال اولادكم..

الف الف مبروك ياساره والله فرحته من جوه قلبى
ونتمنى ليها التوفيق فى باقى المراحل
والله التعليم فى الغربه مشكله كبيره وماعارفين الحل شنو؟

الغالية / تيسير والله الدراسة في الغربة دي تحدي كبيير خصوصا لناس الدولة الاروبية والافرقية..عنكم علي الاقل اشكال اللغة محسوم..من تجربة بنتي ممكن الناس توفق بيت الاثنين بالتركز علي (الاساسيات من المنهج السوداني) والحرص علي امتحان الصف الثامن في المنهج السوداني..بيضمن فرصة الجلوس للشهادة السودانية من غير ما ينقصو نسبة كما هو معمول به لاي شهادة..عربية/اجنبية حتي لو كانت احسن من الشهادة السودانية
كما حصل مع اخي ابراهيم هو يدرس نظام مدارس كامبيردج في الامارات وما شالله متفوق اجتاز امتحان igبتقدر a لكل المواد..وقدمت له في طب الخرطوم رفضوه..الا قبول خاص (بالدولار) ونقصو من نسبتة 12% فسافر الي مصر

ياهاله مشتاقققين شدييييييد وين انتي ده كلو جهاز بايظ اخبارك..نجاح احمد ود تهاني عجبنا شديييد طبعا اماني سكنو جنبي في الحلفايا..

اجمل التهانى والتبريكات للابنه سحر بمناسبه تفوقها وقبولها التحدى وانشاء الله فى امتحان الشهاده السودانيه من العشره الاوئل يارب العالمين ومزيد من التفوق والنجاح انشاء الله