محمد :والله ياخوي الكلام البتقول فيه دي خطا
علي : والله كلامي دي صح
محمد: كيف يازول مش المفروض انك تواضل الناس بي جيبك وبي رايك
علي: راي شنو. ديل ناس ، ياخي يوسف بيقول لي كدا ليه، ويسب لي اهلي
محمد: أنت ناس أخوان وجمعنا البيت الكبير دي عشان نتفاكر في أمورنا ونحل مشاكلنا كان بالمال كان بالراي وبعدين الخلاف في شنو نحنا حابين نحل مش نربط
علي: كلامك صح لأكن بالبقنع الزول دي شنو عامل فيها ابو عرام وفاتل عضلاتو والله صح ذي ما قال المثل ( الخيل تجقلب والشكر لي حماد)
محمد : كدي اصبر عشان عين أكرم مئة عين وعشان الأهل وأهل الحلة الطيبين ديل الراجننا نحل مشاكلهم ونحيي ليهم بلدم وهي بلدنا في النهاية ، عشان كدا أرح يااخوي علي الزول دي ونعتزر ليه عارف أنت ما غلطان لأكن خليك أحسن منو والحديث واضح في معناه وخيرهم الذي يبدأ بالسلام وأنت جمايلك كتيرة وفوق الرأس ونحنا حافظنو ليك نحنا ما بنكفيك
علي : والله يا اخوي كلامك علي العين والرأس وأنت ما هين علينا أبو الكرم كلو عشانك وعشان ناس بلدنا الطيبين ديل اخلي الأمور تمشي
أرح ليه لأكن ناس حسن وشاكر ديل ما بعتزر لي واحد منهم
محمد: ما مشكلة أرح يا زووووول
محمد : السلام عليكم ورحمة الله وبركاته
يوسف : وكأنو ما حصل حاجة شوفو العقل كيف وعليكم السلام ورحمة الله تعالي وبركاته أهلا بالنناس العزاز ،علي مرحبتين حبابك ألف ومحمد كمان زارتنا البركة ، ها مرة اخوانك ديل جو تعالي سلمي عليهم وسوي القهوة ، كيفكم اخباركم انشاء الله طيبين
علي : والله خجلتنا عديل يالله خليه القديم عملت شنو في موضوع الموية
يوسف : والله جمعته طبرعات (2) مليون ومني مليون ومنك مليون ومن محمد لانو ظروفو (100) الف
علي : والله يا اخوي ما قصرت وانا ظلمتك معاي اقبل عزري وخلينا ننسي الماضي وكددي خلينا من الخلافات الما بتودي ولا بتجيب وخلينا نسعي ونخدم البلد دي بالمال والرأي السديد ولا شنو ياشيخ محمد
محمد : والله ريحتو بالي وأنت ناس أصحاب وسباقين للخيرات واتمني تتمو اجركم وتغشو ناس شاكر ديل وتصالحوهم هم صحيح ناس جهله لاكن عشان تسير الامور بصورة طيبة وما تكون في خلافات بين الناس وكلو دا لصالح القرية دي ولا رايكم شنو
علي: ويوسف : بصوت واحد ارحكم بأسم الله الواحد الاحد
دي العايزنو أكون ، نكون يد واحدة وممتدة لي للجميع ونحاول نسعد بعضنا ونخدم بعضنا ونخدم اهلنا الراجنا ديل ونؤكد للناس اننا يد واحدة وممتدة للجميع وقادرة علي تحويل الحلم الي حقيقة وممكن تساهم في تطوير غيرها بشتي السبل اذا:
فلنساعد بعضنا لكي نرتقي ألي الأفضل والنقف جمبا ألي جمب في السراء والضراء بدون محسوبية ولا قبلية وبدون مهاترات ومشاكل والنعش اليوم وبكرة بسعادة وطيب خاطر وفي قمة الرفاهية ونعلم اننا قادرين بأذن الله علي ذلك .
دعونا نعيش اليوم عيد... ولنلبس الثوب الجديد.... والنغني للحب أروع نشيد...... وننثر باقات الورود.... ونرحب باليوم الجديد....... يمكن الحياة تجود..... ونعيش عيشا حميد.
p;hdm hgpgm uahk
حكاية الحلة عشان الحلة
العرض الشجري