[size="7"][/size
بكيت عليك **
غرستك في القلب فرحة
وزرعتك في دواخلي حنين
سافرتبيك عبر المدي
ورحلت ليك مع السنين
ماكنت فاكر انو يوم
ايدينا تتلاشا وتلين
والعلاقة البينا تخبو
وتبدل الاشواق انين
وبكيت عليك
بكيت عليك حد مابكيت
لما الزمن باعد وقسي
ولماالحنين البينا ودع واتنسي
ولما الدموع حفرت اخاديد الاسي
وبكيت عليك
بكيت علي عمري اللراح
وعلي احلي ايام الشباب
نجم الصباح من قلبي غاب
حتي الحنين الفيني انكتم
ومشاعري غطاها الضباب
وبكيت عليك
اناكنت بحلم بيك شموس
مابتعرف الخوف والغياب
واناكنت بحمل ليك شعور
مابيحتمل نظرة عتاب
ماكنت فاكر انوالحنينيصبح سراب
واللهفة والشوق والامل
في لحظة تتبدل عزاب
وبكيت عليك
في الختام نصيحتي ليك
ماتمشي في درب الظنون
واعملي حسابك ماتضيعي
بين المتاهات والظنون
بكرة السنين بتعلمك
انوالمدسدس في القلوب
لابد حيظهر في العيون
وانوالبريد انسان عزيز
يفديهوالكائن يكون
وبكيت عليك
f;dj ugd;
بكيت عليك
العرض الشجري