سمعتو اخر نكته

سمعتو اخر نكته

مسطول اشترى بي ام دبليو بمواصفات خاصة
فيها الكمبيوتر يصلح كل شي
دقش الباب اليمين

فرد الكمبيوتر:

يا أيها الباب ارجع كما كنت
دقش الباب الشمال

فرد الكمبيوتر:
يا أيها الباب ارجع كما كنت
عجبته الحكاية قام طار بالعربية من فوق الكوبري
فرد الكمبيوتر:

يا أيتها النفس المطمئنة

ارجعي إلى ربك راضية مرضية

المصدر: :::: منتديات أبو فروع :::: - من قسم: منتدى الحوار العام

---

sluj, hov k;ji

أُختي هناءألسلأمُ عليكُم ورحمة ألله تعالى وبركاتهُ

مسطولك مواكب ألعولمة

وناسي ألموت

وألله نُكتتك رأئعة فهل من مزيد؟.وأرجوكِ تقبلي تقبل منكِ ألله

بسم الله الرحمن الرحيم
قال ليك كان في جعلي راكب حمارو وماشي الخلا وفي نص الحواشات من كوم قصب طارة (فرهـ) ودي نوع من أنواع الطيور لمن تجي تطير بتطلع صوت يخلع قام الجعلي وقع إتلفت يمين شمال ما لقة زول قال والله كان دهـ شايقي كان مات من الخلعة

هههههههههههههههه


والله فكره نخلى للنكات ويتثبت لو امكن
واى واحد عندو نكته يكتبها هنا0

نكت القبائل السودانيه

ونبدا بالحبايب

الشوايقة:

شـايـقى واقـــف في بص شـاف بنت قـاعـــدة قـام عاين ليها .

عــاينت ليه أبتـــسم ليها أبتســمت ليه غمـــز ليها . غمــزت ليه.

أشـــــر ليها علي المحطة نزلت . . . قعـد محلــــــــــــــها !!!

=========
فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .

الشايقى حنين نط قدام الجعلى قاليهم انا عاوز أشـــوف أمى .

وأنت يا الجعلى داير شنو ؟؟

قاليهم الشــايقى دا ما يشوف أمــــو

========

شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟

=========

شايقى الحريقه قامت فى بيتو عمل مس كول للمطافى

=========
سته شايقيه غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو
==========

الحلفاويون:

حلفاوى قالو ليهو بكره عيد الحب قال ليهم ده بصلوهو كم ركعه

=========
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو

===========
حلفاويه راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه ملتدليها قالت ليهم سمح ياوليداتى والحاجه دخلت فى نومه عميقه واساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها لبن عشر الحاجه إستدركت قالت ليها سجمى دى أبوحمد البت قالت ليها لا دى أبوظبى

الرباطاب:

دار الحوار التالي بين الرباطابي وابنه:

الولـــــــــد : يابا يابا شوف الفار

الرباطابي : تقول لي الفار نان قايلني كديسي

الولــــــــد: نان يا يابا انا قلتا ليك اكـــــــــلو ؟

=========
رباطابي عندو جارة غنماية عايز ابيعة
بعدين في السوق دايرة تزووغ قام رفع لية ولدها
جات راجعه والرباطابي محمض الموقف كلة

قام قال لية ((اسمع ياصحبي جبتوة بي الريمووووووت)
========
قال ليك واحد دخل قرية الرباطاب وفي طرف الحلة كده
لقي لية واحد صغير قام سألة اسمع عندكم موية
قام قال لية نان شجرنة ده قايم بي التيمم
========
رباطاب عندهم وفاة بحفروفو في قبر مر بيهم جنوبي قال ليهم ياشباب

ان شاء ماعندكم عوجة قالوا ليه لالا بنفتش لنا في صارقيل
==========
رباطاب معزومين عشاء والسمك ريحتو ضاره بي شفقتم كلهم السمك طعنهم شوكو ابوهم قال لي سيد البيت انت عازمنا عشا ولافحص ملاريا
==========
رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن
==========
رباطابي لقى بنتو قاعدة سرحانة قالها :
يابت انتي عاشقة قالت لو : لا أنا 3310 عنيدة
============
الجعليون:
الجعلي شايل سيجارة وما عندو ولاعة شاف ست الشاي وكانونها جمروا ملهلب قال يمشي يولع السيجارة منها :
الجعلي : ممكن اولع السيجارة
ست الشاي شالت الجمرة بيدها وهي تقول : انا من جعلية المتمة .ومدهتها الي الجعلي
الجعلي شال الجمرة بيده وولع السيجارة ورجع الجمرة الى ست الشاي , وبحركة سريعة شال براد الشاي (الكفتيرا) من النار وقعد في نص الجمر وقال ليها قلتي من جعلية وين .؟
===========
حدث حريق في المنزل رقم 12 مربع 15بأحد أحياء مدينة سودانية ، اتصل صاحب المنزل بالمطافئ ولشدة ارتباكه ذكر لهم العنوان منزل 15 مربع 12 ، بالطبع ذهبت المطافى إلى منزل آخر ، لم يجدوا حريقا ، قرعوا الباب ، أتاهم صاحب المنزل وكان جعليا
مرحب حبابكم ، اتفضلوا ، عل ما في عوجة ؟

قال له رجل الاطفاء
في حريقة هنا ؟
أجاب الجعلي لا
فقال رجل المطافي : طيب نرجع و نشوف الاتصل دا منو
فقال الجعلي :

علي الحرام ماترجعو ... أدخلوا ... وصاح مناديا زوجته :يااااااامرة ............ أحرقي الراكوبة.
==========
وهاكم دى عن
الحلفاوييين :
قال ليك:
حلفاوى عصروهو عصرة شديييييييييييييدة عشان يمشى

صلاة الجمعة قام زولك مشى بدررررررى لقى ليك

ناس الدعوة شارين ملابسهم فى حوش الجامع وحلتهم

تقجقج جنب المزيرة بتاعة الجامع رجع ليك لجماعتو

قال ليهم أها الحمدلله الجامع زاتو أجروهو عذابة)
جنوبييين :
جنوبى راكب فى البص
يقرأ فى جريده

جارو قال ليهو الساعة كم؟
الجنوبى مارد عليهو
تانى سألوا
وبرضو مارد عليهو
قام الراجل لكزو
قال ليهو انت مندمج ولا شنو؟
الجنوبى قال ليهو لا من واو
=========

ادروبات :

ادروب لقى كرتونه مرقة ماجي...لم فيه بلع بس...ورمى الكرتونه...
مسكته قبضة من أبو كديس ديك...

مشى المستشفى

الدكتور سألوا...أكلت شنو يا ادروب...

قال ليه: (بسكويت أبو ديك أكلنا)
التحية ليك يا هناء لقد ازحتي عنا كدر الغربة وزحمة العمل

ههههههههههههههههه
ماقصرتا تب

بياع الفحم جنوا كضب على الزبائن
وأصلوا ما بسكت ساكت لازم يعلق على كلام الزبون
جاتو حجة كبيرة تشتري فحم
الحاجة : يا ولدي أديني فحم بي ألف
بتاع الفحم : اتفضلي يا أمي
الحاجة تعاين للفحم الكباه ليها في القفة وتقبل على بتاع الفحة
الحاجة : ما تزيدوا شوية فحم الياباني
بتاع الفحم : والله يا حاجة الفحم غالي وبعدين الفحم ده من سنار
لكن اللوري الجابوا ياباني

[SIZE="6"]مسطول اشتري bmw فتح الراديو المزيعه قالت هنـــــــــــــــــــــــــــــــــــــــا لندن؟؟
المسطول قال أنعل أبو السرعه زاتو!!!![/SIZE]

رباطابى مشى يفتح بلاق عشان مركبو غرقت
دخل لضابت قال ياسياتو انا مركبى غرقت
واحد جالس مع الضاب فى المكتب قال ليهو غرقت وين
قاله غرقت فى الزلط

قال ليك جعلي كان مغترب سألوهو
قالو ليهو الغربة حارهـ؟؟
قال ليهم شدة ما حارهـ يلاقيك
شايقي تسلم عليهو بالأحضان :::
**
وقال ليك ادروب مرق في مظاهرة ومسخن سكر مافي شاي مافي دقيق مافي وآخر كوراك
لمو ليك فيهو ناس الأمن أقرب بقاله فاتحة دخلوليك راسو جوهـ شوال السكر قالو ليهو ده شنو دهـ ما سكر وتاني دخلو ليك راسو في شوال الشاي قالو ليهو دهـ شنو دهـ ما شاي وتاني دخلوا ليك راسو جوهـ شوال الدقيق قالو ليهو دهـ شنو دهـ ما دقيق
وخلو ليك حاتو حاله بعد ما فكوهو وفاتو ناس الامن قال الحمد لله ما قلته شطه مافي ,,,