حواء السودانية ما لها وما عليها

حواء السودانية

اشتقت اليك فعلمني ان لا اشتاق
تنقل لبنات جنسها ان الرجل قيمة وكنز نادر الوجود ان يعتني بة وليس مفرخ عيال وكفي.

المصدر: :::: منتديات أبو فروع :::: - من قسم: منتدى الحوار العام

---

p,hx hgs,]hkdm

طرح جيد وشييييييييق جدا والتناول للموضوع من الفاتح نجده أصدق وحاتم محمد دفع الله راس حربه
والدفاع عند الفاتح عبدالله والهجوم مع الحبيب عبد السلام ونحن فراجه ونشجع اللعبه الحلوه وساكتين
على كثير وأسالوا الغالي ياسين عبدالعزيز

عليك اللة تواصل يا الفاتح

مصطفى سعيد كما يحلو لى ان ادعو عبد السلام متمرد على كل شئ .واصلو وانا شايف اى تداخل معاكم يفسد هذا الحوار الراقى والجميل جدا فعليكم اللة واصلوا

تحيات طيبات. وموضوع جدير بالنقاش من كل الجوانب برجع برواقه .وعزرن لانقطاع بدخل متاخره بي موبايل .(ضريبه الاستقرار ف البلد) ي خال محمد احمد الموضوع بمسنا.مطرين نقطع حبل النقاش الجميل إنشاالله .راجعه

بعد الاذن من الاستاذ/ محمد احمد سعيد ,لانه يريد مواصلة المناظرة بين الفاتح و عبدالسلام
لا ادري ان كان( د. ود بادي ) يقف في صف الفاتح او عبدالسلام و لكني اقتطف جزء من قصيدته و لا ادري ايضا هل هي
في صف المرأة أو في صف الرجل ؟؟؟

د/ محمد بادي


ونحن ضهابة نحن تعابة لا نقدا ولا محصول
وعيشة تقول ضنيب ام سيسى عرض وطول
وجاز اللمبة فى غلبا وحق الفطرة للطلبة
ركوب التكسي بالقلبة
ولو ما الروح بقت سلبه نمص الصلصه من علبا
وكانت جاتنا فى الرقبة
دا كلو كوم والوليه ام العيلة كوم
بت اللذينة عايزة تعمير القبائل
واب شنب تعبان وعرقه يسيل جداول
يلحس الكوع رغم انفه وكان مزاول
وديمه يشبع فى البشاتن وديمه يشبع فى البهادل
شايله فوق الصفحه سوسو واحد الله
باليمين مقيوده سيسى مالو تانى
اب شنب شايل أمانى تلاتة بركه
وكل حركة معاها بركة فى البطن بنجوسها فرفر
والقطر بوراها صفر والله يستر
عينى باردة ومانى حاسد وربنا يتم المقاصد
والله ما شقالو حنكا ضيعو
والله ما سوالو طفلاً ماسقاهو ورضعوا
الا الرباية خشم بيوت والمعايش ماها توت
والمعذب اخير يموت
الوليد اكان مبرجل شن بسوى
زى كليب جربان يعوى يصبح والمصران مهوى
ويمسى والمصران مهوى لا يبهرج لا يضوى
الوليد كان يربى قوى عمله استرلينى سايره
يبقى صاروخ ارضى جوي
النجاح مو من كتير والبيطير من ارض جاعت كان اخير
والليلة جيتكم بى بشارة وقولوا خير
ربنا يخلى الخواجة عشان ما تقيف قدامو حاجة
إلا يرطن فيها حاجة
يا خلق يا عقل صبه تشربو الويسكى المعبا
وتلحسو الرز بالمربى
تبلعو عروق المحبة وتلدو كبه وراها كبه
شيخنا ود الشايقي خريج الخلاوى يكتب البخرة ويداوى
يعشق الماحى وطارته والمدائح وأبوكساوى
قافل اضانو من البلاوى إلا فى عرس وطلق
قد يجيب بعض الفتاوى ...
حالته ساتره ونص ُكم بيعه فى سوق السماسره
بيعه رابحه وبيعه خاسره
وهو حامد متشكر ليس ملحد منكر
يمشى ما بين السرارى ونساوينه الحوارى
لا تغيب عن قلبو ابداً
حاجة سعدة لجنة خردة حاربت فى المهدية
ثم آلت لجلافط وكراضم عن قريب ستزور الأبدية
وأحيلت للمعاش فاراحت واستراحت
ثم تأتى سعدية وهى رهن الخدمات
ومفاخر ومباخر وعيون فاهمات
آخر العنقود ليلى اصغر الزوجات ليلى
شيخنا ودالشايقى افلح اشترى ليلى مكعكع فتصلح
وتصبين وتنحنح وهو شيخ فى هجيع الليل يمدح
يا ليلى ليلك جن معشوقك أوه وانى
وتجيب المدح ليلى وتغرود غير هدنه
وتزيد الشيخ قرباً قاب قوسين أو ادنى
أنها دنيا المطالب بأسم ليلى من يطالب
ذات مره والممرات كثيره
شيخنا صلى الشيخ الصبح نافلة وبآيات قصيره
وتحوقل وتعوذ ودعا الله بأن لايتجوز
وتشهق وتمنطق وبراس السبحه طق طق
ومضى يتلو الكتاب ...
مر بالمال والبنون فتبسم وترنم
وبآيات الطلاق تجشم وتعثم
وإذا مالاقى مثنى وثلاث ورباع
وقف الشيخ طويلا مثل فحل الضباع
وبكى وهو يرخى من حبال وتريه
وجرى دمع الزراعة المطرية
فى نقاء كبحيرة طبرية
ودعا الله عروسه ...
وخرج يحشش بعبايه وزناد وكدوسه
خطفها خطفها
جاب ضحية هايله ومذهله
جزار وفالح فى تجارة القرصنة
خلف الكراع فوق الكراع وكدوسو زى المدخنه
بالكفتين زى الخشب حرق شباب السوسنا
وتفوت سنه وتمر سنه وشيخنا عجز وانتنى
بقى فى الحرد والطنطنه وهو ذاتو عجز وانتى
شيخنا يا شيخ السجم خلف زرازير السجم
واحدين اساميهم عرب واحدين اساميهم عجم
بدأ بمحمد ثم زوجات الرسول العشرة
وكل الذين تجمهروا فى البيعة تحت الشجرة
طلحه الخير والزبير ثم سعد وسعيد
ثم ستة مبايعين ، كمل اسماء الصحابة والتابعين واتباع التابعين
ثم عبد مايشاء من البنين
عبدالرحيم عبدالمعين
ثم تفنن في القوافي وتبحر في تراكيب المضافي
سيف الين وسعد الين
شمس الدين وقمر الدين وقمر صناعي الدين
وعاد لامتين
ثم سمى فى الختام
عبد مالك الملك ذوالجلال والإكرام

الراجل تقول مسحور وما بخليلو مرةً بور
بقت الطلبات بالدست حتو درج الخزنة حت
الوليه تنبح كان أصبحت وان كان مست
خرائط ولفايف ومحزق ومنمق أنها نكبة روما والمتمه

سلام محمد احمد سعيد....
في القلب معزتكم التى تعلم.
لكنها شواغل القوت التى تمنعنى من المواصلة مع هذا المتمرد.
إننى أعتبرها إحدى ونسات خور حنين ع الهواء الطلق في ذاك الزمان الغابر ومبذولة للجميع.
وأكيد جدعاتك بتحليها اكثر... وبتخليها ونسة متعوب عليها.
اسع تاني جيت أهترش في آخر الليل بعد أن عز على كل شئ (حتى النوم ذاتو).
وربنا من حكمتو فجر لينا الانترنت دى من ثنائية (الصفر والواحد)
وبقت صديقى المفضل في الغربة دي لانو ممكن تدخل المنتدى تتونس في اي وقت
تقراء افكار الناس وأراؤهم على كيفك وبدون إستئذان منهم ولا إحم ولا دستور وتبقى مارق
وعبدالسلام دفق ايضاً هذه الونسة عن العلاقة بين ثنائية (الزوج والزوجة)- بقريتنا.
عشان كدا حا اواصل معاهو في المزاعم بتاعتي دي لانو نحن ابناء افكارنا المولودة في الحلة
والواحد ما عارف مين صنع عقولنا دى أهلنا أم الكتب ام المدرسين أم الحياة في واقعنا الأبوفروعي.؟؟
بنقول ليك.... ســــــــــــــــــم وحاضرين(بالسعودي)....فمثلك لا يٌرفض له طلب

كتب الاخ عبد السلام

يعني ي الفاتح ليديك اعتراف ضمني بان هذه المراءة السودانية لا يمكن اصلاحهابدليل العرج البادئ عليها ف هنالك حلان اما الهروب الكبير او اعادة التاهيل .

اخي عبدالسلام:
ما أود قوله هو:
أولاً: حواء حقتنا دى وحصريا ( النموذج القديم في الحلة) لا تتحمل وزر هذا العرج لوحدهـــــــــــا فمن باب الإنصاف إنت مسئول عنه أيضا بإعتبارك جد، وأب، وأبن، وأخ؛ وخال؛ وعم (أريتك عم اليابا والتابا).

ثانياً: عشان تكون منصف على الأقل أستصحب معاك المراحل المرت بيها في قريتنا: مرحلة الحواشات ومشروع الجزيرة؛ ومرحلة التعليم والإستنارة؛ مرحلة مصنع الصداقة والتوظيف؛ ومرحلة الاغتراب لحدى مرحلة العولمة الحالية.

ثالثاً: أري وهذا الرأي (يخصني) ولا اظن بأنه يستحق الإبداء ولكن لازم اقولو بأنو حواء حقتنا من (النموذج القديم ) والله تستاهل اكثر من جائزة نوبل؛ ولودة؛ ودودة؛ ومكافحة؛ ومُنتجة؛ وصامدة؛ وقوية؛ وصبورة وصادقة في تعاملها والأهم من ذلك على درجة عالية من التوحيد. وقد كنت اعيب على بعضهن عدم إعطاء الزوج الأولوية القصوي من حيث الاهتمام وخصوصا عندما يصل سن التقاعد الزواجية وإنشغالها باولادها وأحفادها وإجتماعياتها وغيره... ولكنى وجدت لها العذر فربما يكون ذلك ناتج إما عن جهلها أوحنقها على ذكريات الحياة الفظة التي عاشتها معه هذا إن لم يكن زوجها طفش أو هرب منها في مرحلة من مراحل العمر بعد أن حرقت المعائش روحو.

رابعا: إعادة التأهيل مطلوبة للجميع.

خامساً:ومعاك بحول الله سأتابع الاخت سارة (حبابك ألف واقطعى حبل النقاش بس ما تنقطعي)
سادساً: مشاهد ود بادى الحلمنتيشية الجالبها حاتم معبرة وبتختصر مراحل كثيرة من اللف والدوران

الفاتح عبدالله أحمد;15250]["]اخي عبدالسلام:

ما أود قوله هو:
أولاً: حواء حقتنا دى وحصريا ( النموذج القديم في الحلة) لا تتحمل وزر هذا العرج لوحدهـــــــــــا فمن باب الإنصاف إنت مسئول عنه أيضا بإعتبارك جد، وأب، وأبن، وأخ؛ وخال؛ وعم (أريتك عم اليابا والتابا).
ثالثاً: أري وهذا الرأي (يخصني) ولا اظن بأنه يستحق الإبداء ولكن لازم اقولو بأنو حواء حقتنا من (النموذج القديم ) والله تستاهل اكثر من جائزة نوبل؛ ولودة؛ ودودة؛ ومكافحة؛ ومُنتجة؛ وصامدة؛ وقوية؛ وصبورة وصادقة في تعاملها والأهم من ذلك على درجة عالية من التوحيد. وقد كنت اعيب على بعضهن عدم إعطاء الزوج الأولوية القصوي من حيث الاهتمام وخصوصا عندما يصل سن التقاعد الزواجية وإنشغالها باولادها وأحفادها وإجتماعياتها .
رابعا: إعادة التأهيل مطلوبة للجميع

.

‏ الاخ الفاتح.اوفيت وكفيت..هذا ماكتبته لارسله..خصوصا (رابعا) فحال حواء السودانيه تعاني منه هي اكثر. ورغم ذلك حبها وفاءها ليس بالقول امكن .لكن بالفعل اكيد. والان الحمدالله ف تغير كبير ف افكارها وأهتمامتها ظاهر. فلم تعد السمنه مفخره وانتشرت معاهد الرشاقه.وإحتياجات الاولاد.وتعقيد تعليمهم جعلتها مواكبه ومنظمه مقوله امسكيها بالاولاد (ماف زول بقولها اسه) التغير قادم..وراجعه لجوانب اخري..فالبعض يفضلها حواء الكلاسكيه بلا تعقيد .ولاتجدد
][/url]

والله الموضوع شيق وواقعي وجريء ..... بس طريقة الطرح ماعجبتني مش لاني امراة ولكن لانكم ركزتم علي العيوب وما زكرتو ولا محسنه واحده في حواء السودانىة.. الاصيلة كمان طلعتو الرجال لا لوم عليهم ؟اي ان آدم السوداني هو ذاك الرجل الرومانسي التي تحلم به المراة، والذي يهدي لها الورود في كل المناسبات، الصبور علي غضبها نتائج الضغط عليها لملازمة احتياجات الاطفال الدقيقه والدائمه ،المعاون لها في اعمال المنزل الروتينيه،الذي يصطحبها في نزهه بين الحين والآخرللترويح......ولقد جربت الحياة العملية وهي ليس بالعذر للرجل لينتطر منها كل شي ..ولقد عرفنا ان افضل الخلق رجل لاكثر من امراه ولكنة استوعبهن لفهمه العميق لماهية المراة دون تعليم او مدارس
فالمراه فطرت علي العواطف فانت يامن ترك لك الله حق القوامة القادر علي ادارة دفة هذه العواطف بالصبر والحلم والصدق معها هالان الاسره اب وام واولاد فكلما احست المراة باهتمامك بها زاد اهتمامها بك وباولادها وقدمت افضل ماعندها... ومن افضل ماربيت عليه المراة السودانية انها عندما تتزوج تتحمل فوق طاقتها للحفاظ علي اسرتها واولادها ....كل منا له عيوبه ومحاسنه يآآآآآآدمات السودان واروع مافي الحياة الزوجية ان يتقبل كل منا الآخر كما هو وان نسعي للتطوير معا لانه الحياة اقصر ممانتخيل فحرام نعديها كلها نكد...هذ مع ايماني الكامل بحق الرجل العظيم واجر ذلك عند الله ....وكلنا تربينا في نفس البيئة تقريبا ولكن لا يمنع ذلك من اكتسابنا لبعض الاشياء الجميلة لادارة دفة الحياة الزوجية في هذا الزمن الصعب.
صبر+حلم+حنان+تفاهم+صراحه+نقاش دائم+فهم للحقوق والواجبات+تواجد الاسرة مع بعض ام واب وابناء =حياة زوجية سعيدة باذن الله وللحديث بقية .

الاخ
عب سلام عب عزيز
لك والود والتحيا ونشكرك على طرحك القوى والجرى والذى احيا روح المنتدى
ولك هذة الشرحية عن ادم السودانى فى القرن الماضى
والذى عاصرناه جميعا وماذا كان دور حواء معة
اتى ادم فى المغرب وهو فى حالة عدم تتوازن وفى بعض الاحيان تاتى بة دابتة الى المنزل بدون ان يكون مدرك ماحولة
1-تقوم حواء بعمل كوب قهوة قوى لكى ترجعة الى الوعى
2-تقوم حواء بعمل وجبة عشاء لكى ياكل
3-تقوم حواء بجلب تبروقة وابريق لكى يودى الصلاة رغم مابة من سوء المنظر
4-فى غيابة طول اليوم تقوم حواء بالرعاية بالبيت والاطفال وواجبات الدراسية لكل اطفالها بدون كلل اوملل
ومثل هولاء النساء الذين حافظن على بيتوهم واطفالهم يجب ان نوجه لهم الف تحية واحترام
تخريمة
كيف تتوقع ان تقول حواء كلمة حلوة لمثل هولاء
والشريحة القادمة مع جيل الفيس بوك