يازووووول أقيف 1/2

يازووووول أقيف 1/2

يازوووول أقيف

ونحن في بلاد المهجر كثيراُ ما ينادوننا الاخوة العرب ب كلمة زول بعضهم مازحاً وآخر ساخرا ، ًومعلوما أن كلمة زول هي من صميم اللغة العربية ..إن كانوا يجهلون ذلك، فقدد أورد ابن منظور في الجزء الثالث عشر من لسان العرب ص407 في فصل (الزاي)تحت كلمة زول قال :زول الزوال الذهاب والاستحالة والاضمحلال ،زال يزول زوالاً وزويلا وزؤول هذه عن اللحياني ،و يقول ذو الرمة:
وبيضاء لاتنحاش منا وامها اذا مارأتنا زيل منا زويلها،وهو هنا يصف بيضة النعامة يعني انها لاتنفر منهم بينما اُمها اذا رأتهم هربت، وزال الشيئ عن مكانه يزول زوالاً وزُلت عن مكاني أزول زوالاً ،وازلت غيري إزالة كل ذلك عن اللحياني ويقول ابن الاعرابي ،الزول الحركة يقال رأيت شبحاً ثم زال اي تحرك ،وزال القوم عن مكانهم إذا حاصوا عنه وتنحوا،والزوال الذي يتحرك في مشيه كثيراً.وزال الُملك زوالاً،وزال زواله إذا دُعي له بإلاقامة،وازال الله زواله يدعو له بالهلاك والبلاء وفي المنجد للغة والاعلام ، وردأن الزول لغة تعني الخفيف الفطن الظريف يعجب من ظرفه وتعني أيضاً الجواد العجب يقال سير زول ، اي عجيب في سرعته وشتوة زولة اي عجيبة في بردها وشدتها جمع المذكر منها أزوال والمؤنث زولة ويطول الشرح بنا عن عبارة زول فقد ذكر صاحب كتاب العربية في السودان الشيخ عبد الله عبد الرحمن الضرير ، قال الزول في لغتنا تعني الانسان كأن تقول لالقيت زول مابعرفه جاني زول قبل كدا ماشفتو أهـ .
سئل أحد علماء الحجاز عن من هم اقرب الشعوب العربية تحدثاً با للغة العربية ؟ فقال: اهل السودان...والزول عندنا ، بتسكين الواولهجة الفناها وتعارفنا عليها كسودانين توارثناها جيل بعد جيل فقد عُرف بها إنسان السودان بمختلف طبقاتة الاجتماعية ،برغم تفاوت وتباين اللهجات واختلافها بين قبائل السودلن المتعددة ،فقد تمازج بها الصنوان الحزن والسعادة لتصبح جزءمن الهويه السودانية مثلها والثوب السوداني للمرأة والعمامة للرجل السوداني وإن شاركتنا بعض الدول في لبسهما وهي ايضاًمن أصل عربي فقد قيل العمائم تيجان العرب،فما ذكرت عبارة زول الا وعرف ان المخاطب بها سوداني وتأكيداً لخاصيتها فنحن نتخاطب بها عند التعريف والتنية والسؤال والارشاد ...شائف الزول داك...تعال يازول أقيف يازول...الزول دا قال شنو... الى آخر مايقتضيه سياق الحديث بتعبير ألأخوة القانونين .كما نتعامل بها في أشعارنا العامية والغنائية فهاهو خليل فرح يتسأل فيقول : مجلسك مفهوم شوفو رايق عدو ناقص زول ولا تام، أما زول العبادي فقد فات الكبار والقدرو ،ولعل ناس عبد الله قد وجدوا له العذر في عدم حضوره العيد معهم في مجالس انسهم وسمرهم في ذلك الزمان الندي يقول العبادي :
الزول السمح فات الكبار والقدرو كان شافوة ناس عبد الله كانوا يعزرو
السبب الحماني العيد هناك أحضررو درديق الشبيكي البنتو فوق صدرو

اما الشاعر عتيق فما كانت خدمة الاوطان والبر بها فرض كفاية في قاموس حياته بل إيمان مطلق وواجب مفروض على كل زول يحمل الهوية السودانية فيقول:
أخير الزول يكون للمكرمات سلطان
يتبع

المصدر: :::: منتديات أبو فروع :::: - من قسم: منتدى الشعر والشعراء والأدب

---

dh.,,,,,g Hrdt 1L2

يؤمن بي رسالتو وخدمة الاوطان
وقد تمور في النفس خواطر تغور في ثنايا القلب والوجدان تنكأ جراح القلب لتعلم مكامن النفس فيما تبطن وما تظهر حتى تستجلي معالم الاشياء ويتجسد لنا ذلك في هذة الابيات :



الزول إن أباك ياقلبي يقن منو
باطنومعاك تقيل ساكت يفربي سنو
الضحك البعد غلط النفوس كيفنو
كم لله من دفن الجنا وفات منو

زولك إن أباك من غير سبب لاتسكو
وأمسح إسمو من خارطت حياتك وحكو
جامل البجاملك والبزكيك زكو
ود البودك والبدكك دكو
ولعلنا نجد عكس هذا الفهم عند شاعر آخر يذكي الشئ نبضاً وروحاً نفساً وأريجاُ عبر ومضات الفرح ومشاعر الصدق والاخلاص فيقول :
الزول الصديق بي اسمو ماهو صديقك لكين الصديق الشاركك في ضيقك
في كل المحن تلقاه ديمه رفيقك الناس تتوهم تقول دا أخوك شقيقك
اما حينما تأتينا عبارة زول من الشمال فهي بلاشك وهي مدوذنة على أنغام طمبور النعام آدم وهي بلاشك تحمل بين طياتها وجوانحها ملامح الانسان السواني الوسيم الهادي ذي الطباع الرقيقة والاحاسيس والمشاعر المرهفة لنستمع للنعام آدم وهو يردد:
الزول الوسيم في طبعو دايماً هادي من أوصافو قول اطربني هات ياشادي
وقد تأتينا عبارة زول هذه المرة على صهوة خيل أهلنا في غرب السودان مضمخة بعبق التبلدي والهشاب ليقول حاديهم :
زولاً سرب سربا وخلى الجبال غربا
ويترنم بلبل الغرب الفنان عبدالحمن فيقول:
اتمنى يوم زولي القبيل يقطع معاي دربا عديل
مشورعمر مشوار طويل نمشيه في درب القويز في كردفان
أماعلى شواطئ الثغر الحبيب وعلى تلال البحر الاحمر وفي جلسة فرايحية، فلها طعم أخر ونكهة متفردة كطعم القهوة أو الجبنة كما نسميها ويأتي هذة المرة في شكل عتاب ذلك عندما يتنكر المحب لمن أحب والهوى لمن هوى وعندما تتحجر المشاعر وتتبلد الحواس وتتجمد العواطف خاصة إذا كان المغني في قامة مصطفى سيد أحمد الذي يحلق بنا في سماوات العشق والجمال فيقول :
غدار دموعك مابتفيد في زول حواسو اتحجرت
جرب معاك كل السبل ايدية ليك ماقصرت
رحم الله مصطفى سيد أحمد فقد كان بصمة متميزة في خارطة الغناء السوداني ورغم لا تخطئه عين.
وايضا نعيش الحظة ونتبتل في محاريب الجمال عندما نكون في حضرة ودالامين وهويشدو ب قلنا ماممكن تسافر دعنا نستمع وهو في حضرة من يهوى معاتباً للذي يريد أن يسافر دون علم من يحب وهو يردد: لو تسافر دون رضانا بنشقى نحن الدهر كلو ومابنشوف في الدنيا متعة واي زول غيرك نملو.
وهنالك بعض المواقف التي تترك بصماتها في حياة الانسان وتبقى نقوشها على جدار الذاكرة يتغنى بها الركبان هذا ماجسده لنا الفنان علي ابراهيم اللحو في ذلك المقطع القائل
كل زول في عمره غلطة تبقى محفوره في جبينه.
ويطو ل بنا الاستطراد لو حاولنا أن نبحر في محيط الاغاني التي وردة فيها عبارة زول فلما سمحت لنا إدارة المنتدى بنشر هذة الثرثرة. لا نها بالتأكيد ستأخذ حيز كل المشاركين ،لذلك نكتفي بهذا القدر.
وإذا تخطينا الاغاني والاشعار السودانية نجد ان عبارة زول قد تخطت الحاجز الجغرافي للوطن وتنقلت وبدون جواز سفر أوتأشيرة دخول لتبقى مع كل سوداني ارخى عصى الترحال في اي بقعة حل بها.
هذة العبارة مع حلاوتها وطلاوتها ونكهتها المميزه وحسها الموسيقي المميز من الفم السوداني نسمعا نشازاً ونستنكرها ونشتم منها رائحة النكرة والمجهول عندما يتفوه بها شحص غير سوداني خاصة على امتداد الوطن العربي ، لا ادري ربما لإفتعالها أو نطقهل غير المألوف لدى الغيرأو ربما لإدخال بعض الالفاظ غير السودانيه معها لتأتيك كالنغم المشروخ مثل إيش بك يازول؟ او شو بدك يازول أو قعمز يازول وقعمز عند الاخوة الليبين تعني أجلس وكما تميز السوداني بعبارة زول ايضا هنالك بعض العبارات التي تميز بعض الاخوة العرب مثل (زلمي ) عند الاخوة السورين(وقدع)عند الاخوة المصرين ورفيق أو صديق عند عموم اهل شرق آسيا وحتى نلتقي في سياحة أخرى أقيف يازوووووووووووووووووووووووووووووووىوووووووووول مع تحيات زول