ابداع اخر للرزقابي ( ابداع بلا حدود )
ويظل رباط
وافيني في لحظة تجلي وإنشراح
وافيني لما الليل يهاجر في مسارات الصباح
وافيني لما اللحظة تقدح لي شرارة ريدك الممزوج وهم
وافيني بي جُرح السنين الما إندمل
غدارة عاصية الظروف رويانة من وهم الظنون
آسراني فيك نون العيون
وأحلامي ليك راسماها كون
ويقيني فيك أصبح ظنون
والبينا كان لازم يكون
صدقني أنا ماإتنكرت لي عهدك معاي ولا السنين
لما أضحى الشك يقين
واللحظة في عُرفك سنين
وأصبحت سيد العارفين
ماكل خفقات القليب الليك تنبض بالحنان
والالفة والريد اللكان
ما أصلو عاشقك من زمان ماريدو ليك ضّل الطريق
للقيا وألأمل اللي كان لحظة حنان
جرعتو كاسات الهوان ونسيت معاه اللكان وكان
وشعاع سراج شفق المغيب الإنطفأ من بعد ما فات الأوان
وأظل أسيرة مفتونة هواك مأساتي عشت الريد جمال قُبال أراك
وسبحت في بحور الخيال أنشد رضاك
ماجيتني طالب المستحيل مفتون هواك
ماإنسد باب الريدة وإنسدل الستار
صدقني عشت الصيف خريف والليل نهار
مستور هواك الإنكشف وجرح السنين الليك نزف
وتاهت مراكبي بلا شراع
عشرين ربيع من عمري مرت زي سراب
من دون سحاب وبدون رياح
زي طيف حلم سافر بعيد مشتاق يعانق للصباح
حامل بشائر الفرحة يحلم بالنجاح
لكن عزاي البينا يبقى مع الزمن رغم المحن
عبر المساحات والمسافات والزمن ويظل رباط
العرض الشجري