مطارحة الاغنيه السودانيه

يا الاوصفوك لو بالبدر او بالزهر هم ما انصفوك
كيف يجهلوك و كيف يجهلوك و كيف و يجهلوك
و علي الجمال العادي راحوا يمثلوك
ولو بادلوك عين الحقيقة و بالبصيرة تاملوك
بالنور او بالنار او بقدر ما صاغ الخيال ما انصفوك
كوكب منزه في علوك
سحرك غريب و شخصك بعيد, بعيد او كان قريب انوارو آخذة بدون سلوك
يبرق ثناك في غيهب الليل الحلوك
اغرب شمايل زاملوك و هم اكملوك
ادبك هبة و فيك موهبةو شبه الظبا و طبع الملوك يا حليل

المصدر: :::: منتديات أبو فروع :::: - من قسم: منتدى الشعر والشعراء والأدب

ليه بنهرب من مصيرنا بنقضي ايامنا في عذاب
ليه تقول لي انتهينا نحن في عز الشباب

بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا