الاخوه الكرام في المنتدي السلام عليكم ورمضان كريم تصومو وتفطرو علي خير انشاء الله. ليكم التحيه والاحترام علي العمل الكبير البتقومو بيهو والمجهود المادي والفكري والبدني في تقديم الخدمات للقريه.. اما بخصوص الاحتفال بالطلبه الناجحين قبل كده نحن قمنا بتكريم اوائل الشهاده السودانيه كم مره وكرمنا دكتور الصادق وكان التكريم باسم ابناء ابوفروع ونحن كلنا في حدود عشره اشخاص وكنا مجموعه مرتجله ما جهه منظمه ورغم عددنا القليل وامكانياتنه البسيطه كان الاحتفال بطلع جميل ما بالصوره المطلوبه لكن علي قدر امكانياتنا. فما بالك انه منتديات ابوفروع جهه منظمه وامكانياته كبيره جدا وعدده كبير داخل وخارج السودان بتلقي انه الاحتفال من السهل انه يطلع بصوره مشرفه جدا بس المطلوب التنظيم المبكر. فانا بقترح انه بدل الآراء الفرديه دي الناس الفي الحله باعتبار انهم الاقرب اجتمعوا براهم والحاجه البتفقو عليها يعكسوها لناس المنتدي الخارج السودان باعتبار انه في حاجات بحكم بعدهم هم ماعارفنها وعلي آرائهم في الآخر الناس بتطلع بي رأي يمثل الجميع. بس اهم حاجه تحديد الزمان لانه ايام العيد فترة مناسبات الناس بتحجز الصيوانات والساوند من بدري وانا بقترح انه الاحتفال يكون بعد المدارس تفتح من عطلة العيد لتسهيل الدعوه لانهم الطرف الاهم وانا مع اقتراح الاخ محمد احمد سعيد في حتة تكوين اللجان لتوزيع الادوار واقتراح الاخ احمد امام لاجتماعات الناس الفي الحله لانه هم البكونو اللجان وبتفق مع الاخت اسراء في تحديد النسب والمجاميع. وانشاء الله يطلع احتفال اجمل والناس تعالج فيه سلبيات الاحتفال الفات..
وربنا يوفق
العرض المتطور
