راكـــوبة المنتدى

مويتكم سمحة واحلى من عصير القصب ..بتشيل الهم وبتروح التعب.. ومع جبنتكم الامتحانات جات ساهلة ومافى شى صعب.. وربنا يبعد عنكم كل مكروه وشئ كعب
انا ود هاشم ود حاج الطيب اختى استاذة هويدا وهانية

هاكو الفنجان دا واشربوه بالهنا والشفا
( إذا أغلقت الشتاء أبواب بيتك
وحاصرتك تلال الجليد من كل مكان
فانتظر قدوم الربيع وافتح نوافذك لنسمات الهواء النقي
وانظر بعيدا فسوف ترى أسراب الطيور وقد عادت تغني
وسوف ترى الشمس وهي تلقي خيوطها الذهبيه فوق أغصان الشجر
لتصنع لك عمراً جديداً وحلماً جديداً .. وقلباً جديداً )
رايكم شنو فى الفنجان دا

فنجـــان كارب يا الطيب

والله يا الطيب فنجاااااااااااانك خطييييييييير كدي تني لي

فنجانك يا الطيب جميل بلحيل
فيه امل وجنزبيلو يشد الحيل
لون البن يحاكي ام طرف كحيل
تني لينا منو ما تكون بخيل

لك الود والروعه
واصل يا مبدع

ابوسفيان الطيب حبابك والله خش لىىىىىىىى جوه . غبت كتير كانت جبناتك كلها هنا غيرت ولا خليتا

ما ينقطع ليك حس . كدى ادينا شوية جنزبيل وهبهان . خلى الراكوبه تعمر .

بت يوسف حفيدة جدنا عبدالصادق
الجبنه ما بتتخلا وعشقنا ليها صادق
فنجان من راكبوتك للرقبه يصبح عاتق
يفتح للضرير والابكم يرجع ناطق

اولا الاخوه والاخوات في منتدي ابوفروع العامره بيكم الواحد لو غاب من اخوانه المفروض علي اقل تقدير الناس تفقدو الحاصل عليهوشنو وهذا من سمات التواصل في المنتدي ولكنكم اخواني واخواتي طبقتم ‏‎ ‎المثل القايل البعيد عن العين بعيد عن القلب انا طولت من المنتدي حوالي4 سنين واول ماجيت قلت امشي علي الراكوبه القي لي زير بارد اشرب منو وبعدها اشرب لي فنجان جبنه والله دخلتي للراكوبه الازيار فاضيه وعده الجبنه مجدعه ووسخانه بيني وبين نفسي قلت الجماعه ديل فاتو هجليج ولا شنو

العزيز عماد حفيد حاج الماحي
الزير مليان وتوي معبي اقداحي
وفنجان بت يوسف بخليك صاحي
رجع العمده يا نفسي روقي ارتاحي

مشكور اخي سفيان تسلم علي الاستقبال الرايع وهذا من اصلك