اخر تقارير صندوق النقد الدولي عن السودان

الاخ ابوذر سلام عليكم
و الله انا كنتا في السودان و جيت امس و لقيت موضوعك خشيت طوالي
الموضوع كبير و اعتقد انه المرة دي ناس القطاع الاقتصادي مجبورين يدخل راسهم في السياسة للطيش لانو مسالة المعالجات الاقتصادية براها ما بتفكنا من قيود البنك الدولي حول اعفاء الديون و فتح باب المساعدات الاقتصادية البتهدف الي دعم ميزان المدفوعات و تمويل اعادة هيكلة كثير من المشاريع الزراعية و الاقتصادية.
بقول الكلام ده لانو انا عارف كويس انو ناس صندوق النقد الدولي و بطريقة مباشرة و غير مباشرة حيدخلو اتفاقية السلام و حل مشكلة دارفور في الشغلانة
انا بعتقد انو وجود وزير المالية الحالي من دارفور مسالة محسوبة
و طبعا بالواضح انفصال الجنوب و بعد شهر سبعة امتلاك دولة الجنوب للحق السيادي في التصرف في اموال البترول ليه تاثير كبيرة علي مجمل الاقتصاد السوداني
البتعمل الان من برامج هو محاولة لامتصاص الانخفاض المتوقع في كل و مجمل حركة الاقتصاد
انا طالع الان و بتم الكلام لو لقيت فرصة
و لسؤ الحظ مشيت السودان و لقيت كل الناس في القطاع الاقتصادي مشوا اجتماعات الصندوق و بالواضح كده انا متأكد انو البنك الدولي و صندوق النقد حيربطوا كل مناقشاتهم بي اتفاقية السلام مع الجنوب و قضية دارفور

المصدر: :::: منتديات أبو فروع :::: - من قسم: منتدى المال والاقتصاد

أخي و ابن عمي اباذر
كل المؤشرات الواردة في التقرير و للاسف غير ايجابية
لانو هنالك انخفاض في جملة الناتج القومي المحلي و في نقص في نسبة النمو حتي بالاسعار الجارية يعني بدون اضافة عامل التضخم و في نسبة النمو في كل القطاعات نفطي و غير نفطي و في توقع لزيادة في التضخم و النفاق الحكومي و توقع لانخفاض في الايرادات .
كما في توقع لزيادة في العجز في ميزان المدفوعات و طبعا اي عجز في ميزان المدفوعات بنعكس سلبا علي اسعار الصرف و قيمة الجنيه لاي عملة و ده براهو عندو انعاكسوا علي الاسعار.
المهم في الامر و حيزيد الطين بله حكاية الاتفاق الذي تم معه الجنوبيين بهدف التفاوض من اجل اعفاء الديون و طبعا السودان تم اضافته الي دول (hipc) و هي الدول الفقيرة البتعاني من مديونية ثقلية . و البرانمج ده حتي اسع فضلوا فيها اربعة ما قدروا يخشوا المرحلة التانية يعني في اربعة دول ما تأهلت هي السودان و ارتريا و معاهم دولتين منسيات
السودان كلوا في واشنطن لتاهيل السودان للمرحلة التانية من اجل اعفاء الديون و اتمني من كل قلبي انهم يتأهلوا بالرغم من انه ظاهر البرنامج اقتصادي لكن كما باطنه كلوا سياسي .
البنك الدولي في تقريره الموظفين بكونوا شبه محايدين بس القضية انهم بعتمدوا علي معلومات بروقراطية و بيضعواليها نسبة اخطاء كبيرة و دي بيؤدي الي كتير من المشاكل لانو حسب معرفتي بالقطاع الاقتصادي انوا المعلومات بتطبخ بطريقة سئية مما يؤدي الي رفضها من موظفي البنك و اعادة تشكيلها بطريقة تؤدي ايضا الي مفارقتها للحقية خاصة و نحنا جهاز الخدمة المدنية اصبح عديل غير مؤهل.

الأساتذة الأفاضل
د أبوذر وعبدالمنعم
والأخوة المتداخلون
السلام عليكم ورحمة الله وبركاته ولأسرتكم ..
تسجيل حضور ومتابعة لحين عودة

الاخ العزيز عبد المنعم

الحمد لله انك تدخلت وعقبت على تقرير الصندوق وتساؤل حاتم. واويد كلامك تماما أن الموضوع لم يعد أمر اقتصاد ولكنه ولو أحسنا الظن يكون اقتصاد سياسي غير مجرد من أهواء السياسة والضغط والا فلننظر إلى مجلس الامن وقراراته الاقتصادية حول تجميد الاموال وبيع البترول وخلافه بحجة ارتباط الامن الدولي بهذه المعطيات.
ولكن في حالة السودان فان انكشافنا على المسرح الاقتصادي السياسي كبير ووضعنا الاقتصادي السياسي سيضعف خاصة بعد تحقق الانفصال وانتقال ورقة البترول الضاغطة الى الجنوب وما يتبع ذلك من تراخي الصين في الوقوف إلى جانب السودان.
ومع أن الزراعة كان يمكن ان تمثل تعويضا بارتفاع اسعارها الكبير الحالي والمتوقع الا ان سياسة اهمالها في الفترة السابقة ستفقدنا دورة ارتفاع الاسعار الحالية والمرتقبة. ففي ظل تناقص الدعم البترولي لن نستطيع تحسين الوضع الزراعي ولو توفرت الارادة السياسية.