اقتصاديات

الأخ عبد المنعم "أبوسعيد"

تحيات زاكيات ،،

بالجد سعيدين بالمشاركة وبهذه التحليلات الاقتصادية المهمة والتي تعتقت بخبرات وتجارب.

والمشاهد لواقع الاقتصاد السوداني يظهر جلياً التخبط وعدم الاستقرار في الناحية الاقتصادية وضعف موارد الدخل ، وهاجس الانفصال الذي يؤرق السياسيين الشمالين بصفة خاصة وفقدانه لمصدر دخل (عائدات البترول في الجنوب).
والملاحظ أيضاً ارتفاع سعر صرف الدولار/ الريال بصفة كبيرة جداً

يعني الناس ما تدخل في أي مشاريع استثمارية خلال الفترة القادمة والاستثمار الأمثل والأنحج هو العقار (الاستثمار الجبان)

وربنا يلطف بالسودان وأهله ،،
..
.

المصدر: :::: منتديات أبو فروع :::: - من قسم: منتدى المال والاقتصاد

مشكور معتز علي المرور و كلامك صاح بس الايام دي حتي الاستثمار الجبان في العقار الناس تأخروا شوية لانو لو اصلو الجنوب حيتفصل مفروض حوالي 200 الي 300 الف قطعة سكنية لمتوسطي الدخل تتباع في الخرطوم اذا افترضنا انو حيحصل انفصال و مفاصلة يعني اي زول يمشي اهلوا. لانو واحدة من الاشياء الخلت العقار يرتفع بعد 2005 شراء التنفيذين الجنوبين لي عقار في السودان.
طبعا لو قارنا الجنوبين العندهم عقار في الخرطوم و خاصة في بحري و امبدات و جهة ابو سعد و الفتيحاب و الكلاكلات قبل اتفاقية نيفاشا و قلنا الجماعة ديل كلهم حيبيعوا تلاقي انو المناطق دي مهددة بناهيار تام في اسعار العقار فيها للمستثمرين,
المهم ارجع و اقول اني لم اتمكن من الحصول علي ترجمة الكتاب لكن المضمون العايز اقولوا انو بالوثائق اليهود و الاقباط سيطروا علي تجارة السودان الخارجية من زمن التركية ده خلاهم انو يكون عندهم توكيلات بيع و امداد اللمشترين النهائيين او مستفيدي التصنيع لي سلع زي الحبوب الزيتية و الجلود و الصمغ و القطن و الاعشاب الطيبة ( تحديدا السنمكة )
معظم التجار السودانين داروا في فلك اليهود بكل احزابهم حزب امة و اتحاديين و جبهة اسلامية
طبعا انا بقول الكلام ده و عارف انو خطير لكن ده الحقيقة و في ما يدعمه
اغرب حاجة كنا بنتكلم في الموضوع ده و قلتا لاحد معارفي و هو من المحسوبين علي تيار الترابي الان
قام قال لي تعرف انو ناس حكومتنا اسع قاعدين ينزلوا في فندق نوفا هيلتون بتاع جنيف في سويسرا
و طبعا الفندق ده بتاع غاوون اليهودي السوداني و الذي كانت له شراكات مع عثمان صالح و مع الرجل الاسمو الطيب بتاع نيجريا و قالوا كمان عندوا علاقات مع ناس الواحد الان هو و حبيب كوهين
المهم في الامر نحنا علشان نطلع نفسنا من حتة انو يستفيد مننا غيرنا لازم نفكر بي جدية في اقتصادنا الداخلي و تجارتنا الداخلية بافق وطني محض
و علشان كده التفكير بتاع تطوير الاقتصاد مفروض ينظر لفائدة المنتج قبل التاجر

الأخ / عبدالمنعم
أولاً أسمح لي أن اهنيك على هذا الطرح المميز لمرحلة اليهود في السودان وتأثيراتهم على الاقتصاد السوداني ، - هذه الجالية ومن وجهة نظري .قد ساهمت مساهمة ايجابية في في اخراج الاقتصاد السوداني من الظلمات الي النور، وفي توفير الكثير من مجالات العمل للأيدي العاملة المحلية كما اضافوا لهذه الايدي مهارات عملية في مختلف القطاعات التي انشأها اليهود ،سواً في مجال التجارة أو الصناعة أو الخدمات .نعم هم دخلوا السودان وهم معدمين ولكن خرجوا وأعطوا الكثير .
في الاقتصاد الحر الحشاش يملأ شبكته . انظر الى حال أفراد بعض الجاليات الاجنبية في الخليج ( غير السودانية ) وكيف استفادة منهم هذه الدول وكيف استفادوا هم كذلك .قرأت في أحد التقارير الاقتصادية وجود حوالي 400 مليونير هندي في دولة الامارات .
في الختام أرجو أن تنظر لما آلت اليه حال الشركات الاجنبية في السودان ومنها بالطبع الشركات اليهودية خاصة في الفترة التي أعقبت طرد هذه الشركات