تعظيم سلام ليك ياوطن

تعظيم سلام ليك ياوطن

تعظيم سلام

تعظيم سلام ليك ياوطن مليون سلام عبر الحروف

مليون سلام لبيك ياوطن للخضرة للنيل للجروف

تعظيم سلام من حلفا في أقصى الشمال لي نملي الجنوب رغم الظروف

تعظيم سلام للفولة في غرب البلاد لي كسلا دانية القطوف

ماهُنت أبداً ياوطن ريدك امُر خاطريطوف

رابطني بيك حبل المخاض شاديني بيك قلبي الولوف

جايك بي شوق السنينفارد شراع ريدك حروف

لوتدري ياوطني العزيز في بعدي كم قاسيتظروف

في اسفري كم لاقيت هوان في الغربة ياما شفت شوف

عانيت هجاير اغربة نارعدمانة ريد مليانة خوف

مافيها زي ناسك حنان مافيها زي زولك ولوف

فيك رزاز مطر الخريف ونسمة دعاش طين الجروف

وشادوف رفع موية البحر وباجور يدقدق ذي دفوف

تربال قرع لبق التُرع وفطومة ماشكت الظروف

وجريد نخيل جرتق فرح وحنة عريسنا على الكفوف

يانشوى زي زهر الربيع ماعهدنا فيك ياعازة خوف

مانحن من عينتك بروق ونحن من نبعك سروف

ونحن من أرضك شروق ونحن من إسمك حروف

مابنرضي فيك ذل وإنكسار ونحن لي عزك سيوف

مهما الدرب طال بالوصال تلقينا من زهزك قطوف

لو مالقيت مركب وصول يحملني ليك ياعزة طوف

ليك ياوطن تعظيم سلام رغم البعاد ورغم الظروف

المصدر: :::: منتديات أبو فروع :::: - من قسم: منتدى الشعر والشعراء والأدب

---

ju/dl sghl gd; dh,'k

ليك ياوطن تعظيم سلام رغم البعاد ورغم الظروف

******************************


والتحية ليك الأخ الشاعر الرزقابي

كتر الف خيرك الاخ اشاعر هاشم وربنا يديك الصحةوالعافية وتسلم وانت والوطن

تسلم وانت والوطن ايضا أخي الكريم صالح