سلام يا هيثم
لهذا الهيثم معزةخاصة منذ ان كان طالبا
لسبب بسيط انو استاذ الزين عندو دين في رقبتي
قضيت حوالي الاربعة اشهر بمدرسة الحصاحصيا الجنوبية قبل نقلي الي المحيريبة الوسطي و كان استاذ الانجليزي بتاعتنا استاذ الزين يوسف
كنتا لا اخلو من شقاوة و اهمال . بحسه التربوي تاكد استاذ الزين من ذلك و كمربي كان لا بد له من التصرف ابتدأ بالجلد - ما نفع - ناداني يوم في المكتب و كان زعلان
قال لي بالحرف الواحد انتا عندك شنو علشان تهمل و يكون مستواك كعب يا ها حواشات وراء الكنار دي ما تهتم بي قرايتك نص فصلك ده اولاد تجار - كان بقصد طبعا اولاد الحصاحيصا - اكان سقطو بمشوا الدكانين انتا تمشي وين الحواشات - و جلدني جلدة مدنكلة -
المهم و الله كلامو اثر فيني شديد و خلاني اول شي احاول شوية الاهتمام تانيا ربطني بي حواشة ابوي
المقدمة دي يا هيثم علشان اقول ليك انو دايما كما يقول المتصوفة انو ذكر الكرامات تقلل من مكانة الشيخ ليه؟
لانو المشايخة شغلهم مفروض يكون تربية و التربية تتطلب انو المربي يربي ليصل بالمريد الي مقام العبودية و العبودية تتطلب الذل و الانكسار بالنفس
تعرف مرة الشيخ ابونا كان قاعد و طبعا بلدو - الوادي الاخضر يقع غرب النيل - قاعد و مقبل لي قدام - النيل قدامو -و كان في كمية من الفقراء قام قال.
و الله اسع دي لو البحر جا بي وراي ما يهز فيني شعرة و لا اقول انا ولي بس اقول انو الامر من الله
تعرف يا هيثم
برضو مرة في فقراء قالو انو في واحد مريض جاء للشيخ ابونا و دعو الله و الرجل طاب - اي شفا - الفقراء الحاضرين الموقف ده فرحو و جرو لي واحد من الاخوان المشايخة امسو شيخ نصر الدين و ذكرو ليهو الحصل
اها اخونا شيخ نصر الدين ببرود شديد قال ليهم اسوي شنو يعني اصفق ليهو
المهم انا لاحظتا بانو مرات بتحصل حاجات مش عادية من الفقراء زاتهم بس شفتا انو معظم اخوانا بتعاملو معاها بعادية و ما بحبو اذكروها و الواحد لو ذكرتها ليهو يقوم يتغات عليك بكلام بعيد كل البعد عن الدين
المهم صعب جدا ذكر هذه الاشياء مباشرة و ممكن تجي في سياق الكلام ساكت
المواضيع المتشابهه
العرض الشجري