اها كويس جدا انك وضعت لي اجندة اكتب علي اساسها
من اعلاه انا لسع في حكاية عدم وعي المسلمين بمخططات الكفار. انا طبعا اتفقت في عدم الوعي بس عدم الوعي علشان انتقل لي وعي ايجابي لا بد من بديل .
يعني من الحاجات المحرجة جدا انه تنيمين من الاخوان المسلمين مسكوا السلطة في العالم قبل ما يسمي بالربيع العربي و هم في السودان و في فلسطين . كمان طالبان حسبت علي الاسلام السياسي.
ده لاعقته بي كلامنا شنو؟
علاقته انو الناس ديل حسبوا علي الاسلام و ثلاثهم عجزوا عن تقديم مشروع الدولة الاسلامية
للاسف الشديد، الشيعة بكل تحفاظتي نحوهم كان اكتر دولة تدعي الاسلام و تمكن من بناء نظامي اقتصادي فيه كثير من الايجابيات بس انا اعتقد جازما بفساد عقيدة ما يسمي بمرجعياتهم
و علشان المسالة تكون واضحة
تنظيمات الاخوان في السودان و فلسطين حاولت تخلي الحاكمية لتتنظيم و التنظيم في يد مجموعة يعني نفس التجربة الشيوعية في الاتحاد السوفيتي في مركزية بغيضة اتحولت لادارة نظام الحكم في السودان و فلسطين و بالرغم من سلبية النظام الاشتلراكي الروحية الا ان ادعاء اسلامية النظم في فلسطين و السودان أدي الي انهيار نفسي واسع. ما يجي واحد يغالطني في ده لانو خروج و انشاق الدولة عندنا و انقلابها الي نظام امني بحت دلالة واضحة في حاكمية التنظيم بدل حاكمية الدولة و الفرق كبير جدا لانو لمن تكون داير تبني دولة بكون كل شي مبني علي مصالح الدولة و التنظيم بكون اداء لتطوير الدولة بانضباطة بنظم ومرجعيه يكون اساها تطوير الدولة بخطط وبرامج استراتيجية في الاقتصاد و التعليم و الصحة
الحكاية في تنظيم الاخحوان قديمة و بوادر الانشقاق الاول بين ناس صادق عبد الله عبد الماجد و محمد صالح عمر و الطالب جعفر شيخ ادريس من جانب و الترابي و عبد الرحيم حمدي حول مفهوية و ضروية التربية للافراد كان شي اساي ظهر عدمه مؤخرا
المهم
انه ما يسمي بالاسم السياسي عجز حتي عن طرح اسلامي شامال و اكبر حاجة الجماعة ديل لغاية الان ليهم 23 سنة و ما قدموا نموذج اسلامي للحكم لغاية اسع التخبط واضح
اسع هم بقوا ديمقراطية طيب هل هم بلعوا كلامهم عن الحاكمية؟؟؟؟؟؟؟؟؟؟؟؟؟
غايتو الواحد عايز يقول ننحا محتاجين اولا نفهم نفسنا و نفهم الاسلام علشان الناس تفهنا يعني علشان مسالة العمل السيسي كده نحنا ما بنعرف او نقول ما يسمي بالاسم السياسي ما بعرف
طيب ممكن واحد يقول لي انتا طرحك شنو و ين روح الاسلام فيه
انا بقول بكل وضوح انهالدعوة الي سبيل الله بالحكمة و الموعظة الحسنة ما ممكن تتم الا في وجود حرية تتسع و تستوعب كل الناس و خاصة انه بعد الانفصال اصبحت الاغلبية مسلمة.
بس الاسلام النحنا ببنادي بتطبيقه هو الاسلام كما نزل و بدون روشتات
انا بعتقد المهدي قال كلام مهم عن الاجتهاد و الان الترابي و الصادق المهدي ماشين في نفس الخط
محمود محمد طه كان متقدم في التفكيلر في مسائل الاقتصاد و ادارة الحكم بس للاسف كلامه السمح نسفو لانه ابتعد في مسالة العقائد و شوش شديد بخصوص الصلاة المفروضة بحديثه عن صلاة الاصالة.
طيب انا بقصد انه الاجتهاد مفتوح فيما ليس فيه نص.
النصوص شكلت مناحي الحياة بوضعها لخطوط عريضة لادارة الدولة و تنظيم الاقتصاد لانه في فهمي المولي عزه و جل في كلامه و في معرفته المطلقة و في تقديره السرمدي كان يعلم التغيرات التي سوف تحدث و من ثم مجالات التحولات و كيفية النظر اليها .
يا جماعة انا كلامي محاولة لفتح افاق جديد
اعتذر لابن عمي الامين لو امسكت بعصاه لتحسس بعض ما في داخلي و السلام
اعتذر عن متابعة النقاط الاخري لانها ضمنا تداخلت
و شكرا .
الامين ان شاء الله عايز تكون ما عندك شي خارج الخرطوم بعد شهر ان شاء الله