راكـــوبة المنتدى

منذ /05-25-2008, 10:03 AM

جَبنتكم عينه والله

منذ /05-25-2008, 02:05 PM

السلام عليكم....شنو يا اختي ساره ....الراكوبه فاضيه ....شكلي ما بلقي لي فنجان قهوه طاير.....العم الطيب اولا لك تقديري واحترامي....نحن وين العرس وين امكن الشباب الزكرتهم ديل قربوا ...وانشاء الله نفرح بيهم قريب....بس انا بعيد...ودمتم

منذ /05-25-2008, 03:22 PM

الابنة سارة تحية وتقدير وعساك و عيالك بالف خير وتقبلى سلام خالتك فاطمة موصيانى من يوم الجمعة بان ابلغك تحياتها الحارة

والتحايا لكم جميعا الابناء والاخوان وما قصرتوا ابدا لكن نحن المقصرين وما بيدنا حيلة المعايش واليومين ديل الامتحانات وربنا يوفق كل ممتحن وبيكم المنتدى بقى ليهو نكهة جميلة جدا وبس تنتهى زرة الامتحانات دى وبنجيكم ومعانا الناس الممتحنين ذاتهم وربنا يوفقكم واستمتعوا بالجبنة

منذ /05-25-2008, 03:28 PM

دي اول مشاركة لي بعد ما اعدل راسي بفنجان جبنة واجيكم جري ، راكوبتك دي رشيها بالمويه من الكتاحه. اها ودعتكم الله.

منذ /05-25-2008, 05:10 PM

مرحبتين باهل البيت
محمد يوسف مشكوور علي العده الجديده بس الفناجين دي شويه والناس كثرو
===============
يوسف اسماعيل الخال الطيب فتح ليكم موضوع تاجيل الزواج..ناقشوه نشوف مشكلتكم الماخراكم
=================
تحياتي خالي محمد احمد وبلغ سلامي لخالتي فاطمه..ماتاخره للجمعه الجايه
===================
عمر النقي..وصلت متاخر لاي اسه دي البركه..مامشكله بنعمل ليك تاني
الراكوبه دي مقسمه في قسم نساء ..وظلاله كديوان للرجال.(المتزوجين).وفي مظله للعزابه .انت تبع ياتو ناس
==============
الراكوبه مرشوشه ..الكتاحه دي الا جاته مع عرباتكم دي