راكـــوبة المنتدى

سارة وصفاء لسانكن طويل ساي وفصاح
عدم موضوعكن جميل بس ليهو ما مرتاح
بتطبخن في حاجه في الظلام بهدو تام وارتياح
صفصف الاستاذة بتجمع فيكن الليله الصباح
وانت ياسارة جيتي الراكوبة شايله قفة الملاح
موضوع ولدالزين شردكن حقيقه ولا ما صاح ؟؟

المصدر: :::: منتديات أبو فروع :::: - من قسم: منتدى الحوار العام

ناس الراكوبه هاكم الجديد

اعرب جملة ( مرض جنون البقر )

مر : وتعني طعم الجبنه المر اذا ما فيها سكر ( ولد الزين ما جابو)
ض : زائده ولا محل لها من الاعراب
جن : وهل يخفي القمر (الجن معروف )
ون : كلمه افرنجيه وتعني الرقم واحد
الب : اي جبال الالب مرتفعه وكمان فيها ثلج
قر :مشتقه من قرنفل وهو نوع من الزهور
والجمله تعني (ان الجني نمبر ون هو من يطلع جبال الالب ويقطف زهرة القرنفل في عز السقط)

( صفاء امسكي الناس ديل انجليزي وخلي لي العربي)

صفاء انت وين..وعدتي وغبتي؟انا عندي مشكله شبكه
اتفقنا امس يكون موضوعنا..(نقه النسوان) المتهمين بيها نحن..برانا
كده قبل ما ندافع عن نفسنا..انتو الرجال لما يعلبو كوشتينه.او ضمنه..او احيانا" بكون قاعدين ساي في الشوارع او الميدان.زوتلقي واحد ماسك ليه عود ويشخبط في الواطه.
ياربي بيكون بقولو في شنو؟؟بصلو علئ النبي (ص) بس؟
قالو النقه للنسوان بس..
راجعه

ناس الراكوبه هاكم الجديد

اعرب جملة ( [جاء القطار متاخرا )

ج : جاءت في البدايه عشان كده بتبقي مبتداء
اء : اختصار لكلمة آآي وهي تعني الموافقه بلغة اهل السودان
القط : حيوان وليف وهو كان عدو للفار زمان
ار : حرف انجليزي ادخل للجملة للحنكشه وكده يعني
مت : فعل امر بمعني اتلحس
اخرا : فعل صفه مجرور وتعني اخر الجملة
والجملة تعني ( نعم القط يموت اخر شئ )

اولا الناس البتلعب كوتشينه
اكيد شارد من مرتو الشينه
وثانيا الرجال البتلعب ضمنه
زهجان من مراتو وعفنه
وثالثا الرجال البتقعد في الشوارع والميادين
ميه في الميه مرتو ملتو بالفقر والدين
رابعا الماسك عود ويشخبط في الواطه
مليون في الميه مرتو نقناقه وكمان مشاطه

المشاركة الأصلية كتبت بواسطة ابو سفيان ابراهيم

اولا الناس البتلعب كوتشينه
اكيد شارد من مرتو الشينه
وثانيا الرجال البتلعب ضمنه
زهجان من مراتو وعفنه
وثالثا الرجال البتقعد في الشوارع والميادين
ميه في الميه مرتو ملتو بالفقر والدين
رابعا الماسك عود ويشخبط في الواطه
مليون في الميه مرتو نقناقه وكمان مشاطه

يعني كلهم قاعدين بينقو..ويقطعو.
خلاص ما برانا..والنقه ما حكلرا" علينا بس

اسع ياسارة عليك الله الكلام
دا كلو فيه كلمة نقه واحده

لا طبعا ما صح ..
بالعكس ادانا دفهة حقيقية عشان نبدا النقة بالجد
يااااااااا اللي خلاص بعيدين عن النقة

ياسارا انا جيت الصباح وما لقيت زووووووووووووووووووووول وطلعت
والنقناقين فتحوا الموضوع وراحو وين ما معروف
ياشيخ ابو سفيان انا الانجليزي مااااااااااااااابجي جنبوا تاني عشان الاساتذة ما يزعلوا مني ....
وراكوبتنا ما بتحلى الا بي لهجتنا ... الا اذا كان في اخونا يوسف جا وبدا الكلام ؟

[QUOTE=nicy nicy;7160]ياسارا انا جيت الصباح وما لقيت زووووووووووووووووووووول وطلعت
والنقناقين فتحوا الموضوع وراحو وين ما معروف
ياشيخ ابو سفيان((((((((((((((((((((((( انا الانجليزي مااااااااااااااابجي جنبوا تاني )))))))))عشان الاساتذة ما يزعلوا مني ....
وراكوبتنا ما بتحلى الا بي لهجتنا ... الا اذا كان في اخونا يوسف جا وبدا الكلام ?

الاخت صفاء محمد : السلام عليكم
ارجو ان لا اكون قد كرّهتك الكتابة فى الانجليزية . عموما انا سحبت مشاركاتى من المنتدى(الترجمة )

I am sorry 4 the psychological effects I'd made so if u accept, please continue writing
we are waiting .or will go