بسم الله الرحمن الرحيم
في حياتنا اليومية نسمع من اجدادنا وحبوباتنا وأقربائنا واهلنا في السودان بعض الحكم والأمثال
الجميلة وهي لم تاتي من فراغ بل لها مناسبات حدثت فيها كما انها لها مناسبات تطلق فيها وهنالك
كثيرون من الجيل الجديد لايعرفون معاني تلك الحكم والأمثال ،،،،،،،،،
وفي هذه المساحة نود التفاكر حول معاني ومدلولات هذه الأمثال والحكم الجميلة ومناسبتها ونرجو
المشاركة في شرح تلك الأمثال للمحافظة علي تراثنا :
* البيتو من زجاج مايجدع الناس بالحجارة
* شوكة الشقي في الكبدة تتلقي .
* المجبور بجيب موية بروده .
* جارك القريب ولا ود أمك البعيد .
* الزاد كان ماكفي ناس البيت حرام علي الجيران .
* الحسنة في المابسواها اذية للسواها .
* المافيهو خير لي نفسو مافيهو خير للناس .
* التسوية بايدك أغلب أجاويدك .
* درب السلامة للحول قريب .
* الباب البجيب الريح سدو واستريح .
* الماشفتو في بيت أبوك بخلعك .
* الماشاف البحر تخلعوه الترعة .
* جنا الفار حفار .
* الكحة ولا صمة الخشم .
* الماعندو كبير يشتري ليهو كبير .
* تاباها مملحة تكوس ليها قروض .
* المراة لو فاس مابتقطع الراس .
* الخيل تجقلب والشكرة لي حماد .
* الطشاش في بلد العمي شوف .
* الشينة منكورة .
* المراة بدقوها بأختها .
* السواي ماحداث .
* كلام الطير في الباقير .
* من خرج من دارة قل مقدارة .
* الواضح مافاضح .
* السترة والفضيحة متباريات .
* ضربني وبكي سبقني واشتكي .
* عيب الزاد ولا عيب سيدو .
* حبابكم عشرة ماكشرة .
* بليلة مباشر ولا ذبيحة مكاشر .
* سيد الرايحة بفتش خشم البقرة .
* الجمل مابشوف عوجة رقبتو .
* البباري الجداد بمشي الكوشة .
* في الوش حبايب وفي القفا دبايب .
* الدين درهمين يسود الخدين .
* راحت شمار في مرقة .
* العود لو مافيهو شق ماقال طق .
* القعاد مع الخواجات مابغير اللون .
* النسيبة عين شمس .
* الزول كان أباك من غير سبب ماتسكو
أمسح أسمو من خارطة ضميرك حكو
* زريبة المك البره داير يدخل والجوه داير ينفك .
* كراع البقر جيابة .
* الموز بجيبك ياقرد .
* الجاياك مابتختاك .
* حساب ولا كوار .
* إن غلبك سدها وسع قدها .
* تجري جري الوحوش غير رزقك مابتحوش .
* البحر فايق والضفدع ضايق .
* القرد في عين أمه غزال .
* قلبي علي جناي وقلب جناي علي حجر .
* القارصو الدبيب بخاف من جر الحبل .
* ارع بقيدك .
* امسك لي وأقطع ليك .
* أكلوا أخوان وأتحاسبوا تجار .
* صاحبك كان سبقك بالزراعة أسبقو بالحش .
* أب سنينة يضحك علي اب سنينتين .
* البحر من قومتو والعريس من حومتو .
* المطر من رشتو والعريس من بشتو .
* الفيهو بخور بنشم .
* الصديق وقت الضيق .
* النوم بجيب اللوم .
* ماكل القاري متعلم .
* أبعد عن الشر وغنيلو .
p;l ,Hlehg s,]hkdm
حكم وأمثال سودانية
العرض الشجري