منذ /02-21-2010, 12:16 PM
|
#1
|
عضو مميز
|
رقم العضوية :
338
|
|
تاريخ التسجيل :
May 2009
|
|
المكان :
السعودية الرياض
|
|
المشاركات :
601
|
|
العودة
شايف فيك فعايل والدك الكانت عندو
ستار للعروض وديما القرش بتفندو
الحصحاصة في المثل الضرس بتسندو
والاجوادغناهو وفقرو واحدعندو
#####
البيناتنا عبداللة وكلو محنة
ابوالبشير اخوي انشاءاللة ماواهو الجنة
حاشاك القصار لكن مجرد سنة
تارك لي بنات لاتهملن ياالبنا
#####
امنتك بناتي الستة خض تسليمهن
باكر يكبرن ويسمح ويقودهضليمهن
كان ماصانهن الراجل البفشش ضيمهن
شن الفايدةياابو البنا في تعليمهن
#####
باب السوس بقددوفي العضم نخار
في كل المجالس بيك عز وفخار
صينهن صاح واعبدالمولي واسجد خار
من طين البنات بتكسرن فخار
#####
أنا كان متا إت إياك وكيل الأسرة
لاتهمل بناتي إتقددن بالحسرة
وقت العيش يعز شلبي وبتدي الكسرة
إيدك وابل العينا البرقها استسري
#####
أمرك أسندو للمولي الكريم بتيسر
ياود حواءعركاي قواريح وكسر
أصلوا البنت قزاز إن ماحفظتو إتكسر
علمها صاح عليك لابتتقي ولابتتجسر
#####
أديها النصيحة وكلمها وصارحها
بتدس شينتها دايماوتفتخربي سمحها
أخطي المرمي إن ماضر مابصلحها
لي ود الفراش بي هين تمر صافحها
#####
وقدر ماتنبلي وتعاكسك الايام
لاتقرب حقوق العادم الإكرام
حذراك ياالاصم ماتخالط القرام
قروش المفلس أبو مخآعقيقة حرام
#####
ماإقولك وحاتك واللة إقولك ردتك
بيسوي عليك فعايلا بيها بيهري كبدتك
أبوعرضا مشرط منوأرجل بنتك
بعدعشرين إن عاتبتو بيهن إنتك
#####
وفيهن داير ارباح ماهوداب رأس مالو
أصلو بقدس الربا يالطيف من حالو
في اللوم والعيوب فات الوراء وقبالو
وكسبو حرام وكذبودوام وبيسمع قالو
#####
منقول
hgu,]m
|
|
|
|
العرض الشجري