لله درك يا عمر

لله درك يا عمر

لله درك ياعمر ما أطهرك

يلا يا قاضى المظالم

حرك النية الدنية

نية تطمع في بلدنا

بالاجندة الأجنبية

وفى دهاليز المحاكم

سوّى من دار فور قضية ..

لملم أشباه البهايم

وجيبوا زى اوكامبو مية

برضو ما بنخزل بشيرنا

ونحنا حافظين الوصية ..

وهاك يا اوكامبو اسمع

أنت يا شر البلّيــة

نحنا شعبا جد مسالم

علاّ ما بنرضى الاذية

ولو تفّكر يوم تساوم لى مطامع أجنبية ..

بلدي عارف كيف يقاوم

بلدي أفريقي الهوية ..

وكل مواطن في بلدنا

سلاحو مصحف وبندقية ..

وهاك يا اوكامبو اسمع

والكلام بالابجدية ..

عندي كلمة اقولا ليكا

وكم سؤال بى عين قوية

كنت وين اوكامبو نايم ؟!

والجرائم أجنبية !!

قولّى وين عدل المحاكم

فى المجازر العالمية !!

لمّا جيش الاحتلال

بى صلافة وعنجهية ..

دخلوا بغداد بالنهار ..

ودكّو ابوابا العصيّه

والجراحات البتنزف ..

من صباح لامن عشيّه

كنت وين اوكامبو نايم

والجرائم اجنبية ..!!

لماّ شارون استعان

بى دعاة العنصرية

وقتّلو الاطفال صغار

فى فلسطين الأبية !!

كنت وين اوكامبو نايم

والجرائم أجنبية

والمجازر أجنبية

والمحاكم أجنبية ..

والمشانق أجنبية..

والضحية .. !!

فى فصول المسرحية ..

امة بتعظّم نبيّـا

الضحية ..

وحدة الوطن الابيّـــة ..

الضحية ..

شعب سودانى الهوية ..

ولك الله يابلادي.....
لك الله..
لك الله..

المصدر: :::: منتديات أبو فروع :::: - من قسم: منتدى الحوار العام

---

ggi ]v; dh ulv

قصيده...رائعه..
لك التحيه

لكي التحية سارة وشكرا علي المرور

الأخ ابو العزائم
لكل التحايا
وربنا يحفظ السودان وأهله