انا راسي جاط ما بين هواك والدبرسه
الفت سبعين الف بيت
وسبعين قصيده موسسه
شان اقدر الفت انتباها
ومرة اقدر احسسه
ياحلوة يا بت هندسه
ياحلوه يا زينة البنات
يانجمة الليل والمساء
انا رغم اشكال الشتات
حاضن عواطفك حارسه
انا في هواك بقيت فتات
ودخلت عشرين مدرسه
جنيت مع كلمات هواك
وبقلبي قاعد اتنفسه
ياحلوه يا بت هندسه
اكان شفتي يا بت هندسه
خطواتي دائما بالغلط
واموري ديمه معكسه
يوم داك مساهر في الهدوم
وكويته جت شان البسه
لقيته الصباح حقت اخوي
وهدومي قاعده مكرفسه
كان للهدوم ما مشكلة
بشوف لي مصيبتا البسه
لكن هواك اعملو ايه
دشدش عضامي وهرسه
داير لي فرصه اكون قريب
طبلة قليبك افلسه
عشان تشوفي هواك كيف
بهدل عواطفي ودعبسه
كلماتي ليك اتبشتنت
ما زي زمان متهندسه
حتي الشعر الكان زمان
كلماتو حلوه مملسه
اسه اتلخم بقي كيف كده
ما فيه كلمه مهندسه
انت السبب في كل دا
يا احلي اسباب الاسي
انا ياخ بريدك اعمل ايه
قولي لي يابت هندسه
امشي واكورك في الظلط
ياناس بريد بت هندسه
ياناس بريد بت هندسه؟؟
كم مرة قلت اقوم براي
اقعد معاها واحدثه
لكن ما بقدر عديل
ما بقدر انضم اونسه
خليك من اشرح ليها حالي
وحبي ليك والدبرسه
ويا هنايه.....
داير اقول ليك كلام
اصلو السكوت فيه الوسوسه
انا يا ملاك انا بعشقك
وما اظن بلاك ارجا المساء
دايرك تكوني لي حبيبه
وابقي ليك حبيب قسا
اكسيك هواي وتلبسيني
نعيم هواك اجمل كسا
وياربي كل عاشق نبيل
تديهو زي بت هندسه
وترعاها من عين الحسود
وتوب جمالك لبسه
ويا ربي تحفظه لي براي
ويا ربي تحفظه تحرسه
fj ik]sm
المواضيع المتشابهه
بت هندسة
العرض الشجري