النسي قديمو..تاه..(من الامس.اشياء .واسماء)

المشاركة الأصلية كتبت بواسطة ابو سفيان ابراهيم

بسم الله الرحمن الرحيم
مبدأ كل شئ عظيم

هاكم دي
حب حبحاب حبوب حبة زمن يا جماعه
النار واقده فيكم زي لهيب ولاعه
البوست العجيب ما تم ليو كم ساعه
أتملا بالدرر ناعمه وحروف لماعه
انفجرت قلوب طفحت تقول بلاعه
من كتر الكلام طاقاها نقص مناعه

اهلييين بامير الشعراء..بمروك بوستنا نور ..والله نور كلو زينه

الماعندو قديم ماعندو جديد

اللتيبه
الشرايه
اللبنه
تطلع علي مراح نضوج الذره ( العيش))
__البٌقٌٌره__
تطلق علي المزرعه النيليه الصغيره
__الجدَعه__
نوع من المقايس القديمه

المشاركة الأصلية كتبت بواسطة احمد دياب

اللتيبه
الشرايه
اللبنه
تطلع علي مراح نضوج الذره ( العيش))

ولمن القنقر ينضج خلاص بقولو فريك وقاوى

لو صرت شويه لحدي ماينجض

تاكل الحمت رمت
الويقود
القُشقُش
الطاراى
البرينسة
العتّاب : الجراد الصغار
سرقة الفول من الحواشات

الورده ___ هي الحمي الشديده

الكبكابه __ الحمي مع البرد

ام دواهيج ___ ايضا نوع من الحمي

قضًف ___ استفرغ (لا مؤاخذه)

التويًر ---- خروج الاسنان للاطفال(التسنين)

(يلا يامجدي)

ساره كمال افتقدناك والله

سلامات..اخي احمد..مشغوليات..اجبرتنا علي الاختفاء..ورجعنا..
..ود الواطة
كائن فطري يسمى عش الغراب ويسمى والمشروم .
الغريبة عندنا في السودان بسموه ود الوِرِدة . لانه حسب المتداول لو لمسته بسبب ليك وِرِدة يعني حمى او سخونة..

السلام عليكم ورحمة الله وبركاته

يفلّى : يلقط حاجات (صغار) كده من الشعر
يفنجط: يجرى وينطط
عارت الحمارة:هربت
قرم: قضم باسنانه
مدوعل :
لِتيّت :قصير وقوى
كُضم كُضمين :
تلاليش : حاليا تسمى شفاه
بنضورة : طماطم
الهبّود : الرماد
الكرّاشة : لهرس الطماطم
الكِشكة : طبقة جافة من الجلدالميت تكثر فى القدمين والمرافق وناس فى وشهم عديييييييييييييييييييييل
نواصل ان شاء الله