راكـــوبة المنتدى

في انتظار جديدك

المصدر: :::: منتديات أبو فروع :::: - من قسم: منتدى الحوار العام

قال ليك عربي اسمو عوض الله من اهل العوض جاء الخرطوم عيان
عايز اتعالج خشه العياده لقي فيها تلاته دكاتره ( د/ امين د/ سلوي د/ محمد)
د/امين : عندك شنو ياعوض الله؟
عوض الله : والله عندي بقرة وحمارتين وتلاته نعاج
د/ محمد: ياخي د/امين قاصد بتحس بي شنو ؟
عوض الله : بحس بالديوك ومره مره بي النباه حق الجامع الجنبنا
د/ سلوي : بي زعل ياخي انت الموجعك شنو ؟
عوض الله : موجعني قعادك وسط الجنوي دا

واحد وقع في الحب انكسرت رجلو

مسطول انجب سبعه اولاد سمي نفسو سفن اب

مزيع اتزوج مراسلة خلفوا ولد سموه خبر عاجل

مسطول عاوز يعمل فيها ارهابي طخ زوجته وخطف اولادو

علق جلابيتو قامت وقعت
قال: الحمدلله الماكنت لابسها*
$$$ $$$
** مسطول دخل المتحف وبدأ يلحس اللوحات
سألوه ليه؟
قاليهم: بتذوق فى الفننننننن ننننننن **
$$$ $$$
*** مسطول قالو ليهو رايك شنو فى المرأة العصريه
قال: ماتخلوها تمغرب شويه***
$$$ $$$
****مسطول قالو ليهو البانقو بأدى للموت البطئ
قال ليهم: انا ذااا اااااتى مامستعجل

السلام عليكم ....يا اختي ساره كيف الحال ....والله بالجد اشتقنا لجبنتك ....ولا خليتوها.....؟!

المشاركة الأصلية كتبت بواسطة يوسف اسماعيل

السلام عليكم ....يا اختي ساره كيف الحال ....والله بالجد اشتقنا لجبنتك ....ولا خليتوها.....؟!

سلامات
جبنتا موجوده ..ما خليناها بس انتو خليتونا؟؟
الايام دي (جدنا) ابوسفيان ماسك عصايتو البجي بدون موضوع بعاقبو
انا جيت لاني سمعت يوسف.بسال
اعمل حسابك وانت جاي تكتب الرد يكون فهيه موضوع والا (الدق)

اعوزو بالله السميع العليم
من الشيطان الرجيم
بسم الله الرحمن الرحيم
مبدأ كل شئ عظيم

الاسم :
ابليس الخبيث (عليه لعنة الله )
تاريخ الميلاد :
من زمااااااااان قبل ادم علي حال
الوظيفة :
خراب الارض يجيب عاليها واطيها
اننا نروح جهنم جماعة وياريت الدرك الاسفل من النار
محل الاقامة :
اي مكان فيه حاجة غلط يكون هو واصل قبلها بخمس دقائق
كل بيت لا يذكر فيه اسم الله ويهجر فيه القرأن
وفي قلب كل زول غافل موش خايف من جهنم
المؤهلات :
ماجستير في الوسوسه وكيفية قلب الحلال حرام
وجعله سهل وبسيط
دكتوراة في الجامعة الحمراء في اشعال الحرائق بكافة انواعها
وهو رئيس ادارة المركز الدولي لتحرير المرأة من كل شئ
وجعل الرجال سعداء بهذا

استعيزوا بالله من الشيطان الرجيم
واطردوه بذكر الله

بسم الله الرحمن الرحيم
مبدأ كل شئ عظيم

يوسف ولد اسماعيل
تاني الراكوبه ماتجي عديل
الا شايل معاك سكر وبن وهيل
ولا موضوع مهم بلحيل

عزيزنا سفيان ياودابراهيم
من قمنا عرفناك نشيط وهميم
وفي الحراسة قديم وشكيم
ومن غيرك مكنتنا مابتقدر علي التقسيم
والله مشغول شوية وراسي جايط
وماقادر اشاركم الترنيم
بالواضح في طريقة جبنة
ولا نتفكفك وناكل نيم
لقيتني كيف بالله ماجدعة..

مرحبتين بالاخوة الزينين ..
حبابكم عشرة اتفضلو في راكوبتكم واللي مشتهي قهوة احلى قهوة لاجدع ناس ...
يا اخ محمد هسة بالله موضوع (الابليس) ما عجبك والا شنو ؟ نستعيذ بالله من شره
خلينا في الموضوع لغاية ما تجي عمتنا سارا او اي واحد عنده موضوع ... وانا شايفة انه عدم الموضوع في حد زاتو موضوع ...

محمد ولد الزين يازين
نشاطك كحل في العين
وفيه ما بتغالطو اتنين
ومكنتك سليمه تودي لجوبا والضعين
ومشغولياتك مقدرنها بس عليك دين
وبدونك الترنيم ما بشجي الاضنين
وجبنتك قاعده ولو بعد حين
والنيم لعدوك وانت ليك المنقا
والتفاح والعنب والتين
بس بدون موضوع ما اشوفك حايم
جنب الراكوبه متفقين
وانت شاعر من زمان وشعرك سمح ورصين