النسي قديمو..تاه..(من الامس.اشياء .واسماء)

المشاركة الأصلية كتبت بواسطة محمدالزين حاج الامام

والله الصومال دي مشاكلها كترت والناس شايلين حاله اليومين ديل لكن مصيبتك التانية دي غلبتني عديييييييل..

محمد ذين منور بوستنا
بس نحن ما ناس سياسه...هنا بنفتش لحاجتنا القديمه ماتروح مننا في ذمن العولمه

المصدر: :::: منتديات أبو فروع :::: - من قسم: منتدى الحوار العام

المشاركة الأصلية كتبت بواسطة sara kamal

محمد ذين منور بوستنا
بس نحن ما ناس سياسه...هنا بنفتش لحاجتنا القديمه ماتروح مننا في ذمن العولمه

صدقيني انا مابحب السياسة وعارف انو الناس في الصفحة دي بفتشو للتسلية والمعرفة لكن حبيت انو اجابتي تكون بطريقة غير مباشرة علي غلوتية الاخ سفيان ..ولك الشكر

ياشباب..قابل للتعديل:
حاجات مرتبطة بالخريف وفصل الخريف لسه في بدايتو
العينة:فترة من فترات الخريف
الرشاش:بداية الخريف وعادة كمية المطر بتكون بسيطة
الخيرسان:العينة البعدالرشاش وبكون فيها الرعد والبرق اكتر من المطرة الصابة
الطرفة:وبقولو الطرفة البكاية عشان المطرة بتكون فيها مستمرة لفترات طويلة
النترة:وبسموها النترة النداية لانو المطرة بعد ماتقيف بتكون لسه بتنقط موية لفترة طويلة..وبكتر فيها نمل ابريش..
الهمبريب:الهوي البارد البجي من بعيد من مكان تكون صبت فيه المطرة
الدعاش:الهوي البكون في الصباح بعد نزول المطر بالليل..

بسم الله الرحمن الرحيم
مبدأ كل شئ عظيم

الاخ محمد يارائع ياولد الزين
التانيه دي مساطيل اتنين
كانو قاعدين مفرفشين
دايرين يسرقو خروف جارهم المسكين
وهم ما عارفنو قاعد وين

وشكرا علي مرورك الكريم

بسم الله الرحمن الرحيم
مبدأ كل شئ عظيم

خمسة لم نستفيد منها ميه الميه
1/شوارع لم تخفف الاختناقات المرورية
2/الفنيون والكوادر الطبية
3/لاعبون نالوا الجنسية السودانية
4/اراضي معظمها مروية
قيل ثم ماذا؟قال:
5/كوبري يربط الجريف بالمنشية

اتفاقية ال....... اصلا كانت جنا سبعة
لان حركات كثيرة لم توقع عليها
وجنا سبعة ممكن يعيش وممكن ما يعيش!!!!

بعد ان التهم اكثر من (700) الف فدان في الشرق
المسكيت يزحف بقوة نحو ولاية الجزيرة
فاوضوووووووووه

نقلب في صفحات
كي نوثق لاشياء وزكريات من الامس

ما هو :
الديناب- الكابدلو - البقرة ( بضم الباء وتسكين القاف ) - الحدبة - النجاض- السينات

والي المزيد إنشاء الله

المشاركة الأصلية كتبت بواسطة حنفي

ما هو :
الديناب- الكابدلو - البقرة ( بضم الباء وتسكين القاف ) - الحدبة - النجاض- السينات

والي المزيد إنشاء الله

مرحبا حنفي
الوحيده العرفتها ..(البقر)..نوع من نبات يؤكل
البقيه الا نسال فكي قوقل
او يجينا احمد دياب..له التحيه

شكرا على هذا الموضوع نعم هنالك تشابه بين السعن والقربه ومن الاشئ التى تعلق فى الراكوبه المشلعيب وهو يحفظ الاشيا من الحشرات الزاحفه
ويعطى تهويه للطعام الذى يعلق فية

المشاركة الأصلية كتبت بواسطة البطحانى

شكرا على هذا الموضوع نعم هنالك تشابه بين السعن والقربه ومن الاشئ التى تعلق فى الراكوبه المشلعيب وهو يحفظ الاشيا من الحشرات الزاحفه
ويعطى تهويه للطعام الذى يعلق فية

متشكرين ..للاضافات الجميله



[URL=http://www.arb-up.com/][/url