راكـــوبة المنتدى

والله ياسارة من ما راكوبتك فرزت العزابة من المتزوجين وعملتي فيها مجلس محاسبة الناس كبت الزوقة؟كدي لمى باقي الاعضاء من البنات وخليهن يعملن معاك الجبنة و شوفى اللمه كيف الما غلطان بقول أنا غلطان والماعندو عندنا حساب بقول عايز يتحاسب والبتاوق بدخل علينا، والجبنة عليك براك صعبة والناس كتار اللهم انعم وبارك.

المشاركة الأصلية كتبت بواسطة عادل علي يوسف

والله ياسارة من ما راكوبتك فرزت العزابة من المتزوجين وعملتي فيها مجلس محاسبة الناس كبت الزوقة؟كدي لمى باقي الاعضاء من البنات وخليهن يعملن معاك الجبنة و شوفى اللمه كيف الما غلطان بقول أنا غلطان والماعندو عندنا حساب بقول عايز يتحاسب والبتاوق بدخل علينا، والجبنة عليك براك صعبة والناس كتار اللهم انعم وبارك.

سلامات ياعادل
فرزنا العزابه عشان نشوف مشكلتهم شنو ونحلها..(النيه خير)
بعدين ..(المادارك..ما لامك) عشان كده بنحساب الاخوه المتكاسلين ومتغيبن.وبعدين يكون فيها موضوع موش تشربو قهوه وتجرو ساي.
وفعلا وجودي وحدي من غير ما تجي اخت تساعدني يهدد (بتشليع الراكوبه..؟)

سلام عليكم يا الزينين والله انا لي كم من يوم بجي فوق الراكوبه علا ماني قادر اقعد علشان كنت مشغول بالحيل المهم انا جيتكم وطبعا انا زول عريبي وبحب الدوبيت والشاشاي والجابودي ببداء ليكم بي نمه انشاء الله تعجبكم عشان الجبنه تبقه حاره والبعرف دوبيت يرد لي بمربع ولا مربعين اها انا بديت
--------------------------------------------------------------------------------



الليلة البلد أصبح معاي متقفل

كل ما أقوم صعيد انا بلقى روحي مسفل

عيني سنقدن والنوم بقالــى تجِفِــل

الميزانو بعد الرحجة جابلو تِنِفِــل



البارح بعد ناس الفريق ما هجـــعوا

عقبان صادنى طاعونى المنوسر وجعوا

البــدو والبنـادر والعريب النجــعوا

ما ببقــولي متل القدمــوني ورجعوا



بِريريبة البساتين والعُلو المتسايف

ممطور برقو يلهب همبريب وعسايف

بطارية اليمني .. الضميرك هايف

دغسة وفرَ وشامك خلى نومي جسايف



أبكَن يا الـ بقيتن للغبينة مساكِن

عليكَن طال .. ظِبَيْ ناس بت فلانة فَرَاكِن

حسس الديمة قمْحان منّهِن شرَّاكِن

زي ما بْتَرْكُن النار في الحجر .. فِيْ راكِن



نسيمِك يا ام هَبَج شفخانة الـ متألّم

حُقَنِك سيف.. وسَلْفِك راس حصان متكلّم

أكان كتّم سماكي وليلِك أمسى مضلّم

ما بْشُق بيكي طالْب الجامِعة المِتْعلّم

بعد السلام....
انشاء الله الراكوبه دايما عامره ....عندي صداع والله ....وسهره طويله الليله ....فاتمني ايكون في جبنه في كوبايه وتقيله وسكر خفيف...(عزابي يا اختي ساره والله عارف حاقعد في حتت العزابه)...لكن بنعرس قريب ...كلها كم سنه كده....ودمتم

اختي سارا يديكي العافية ..
فكرة اكتر من رائعة
وشكرا على الدعوة
شايفاااااااااكي براكي وين باقي البنات ؟
اتمنى اني اقدر اساعدك في عمل الجبنة وانشاء الله تعجب الناس الكييفييين

المشاركة الأصلية كتبت بواسطة nicy nicy

اختي سارا يديكي العافية ..
فكرة اكتر من رائعة
وشكرا على الدعوة
شايفاااااااااكي براكي وين باقي البنات ؟
اتمنى اني اقدر اساعدك في عمل الجبنة وانشاء الله تعجب الناس الكييفييين

مليييون مرحب ياnicy nicy

يا اهلنا ..صفاء.. انشط بناتنا ..لو انا غبت هي مسؤله ععن اي حاجه..
وعندها اقتراحات جميله منها (عدم الانغلاق علي الحله فقط...ومحاوله اشراك الاعضاء خارج الحله بالمواضيع والاهتمام)
الليله بخليها معاكم. يلا يا صفاء انت صاحبت بيت..جيبي اخوانك واخواتك كمان

سلاامات


ساره والله ما شا الله راكوبتك عااااااااااااااامره


بس كتروي الجبنه والشاي والمويه الباااااااااااااااااارده....عشان الصيفيه وكده


بس ما محظوظ عشان الايام دي مشغول وما بخش الراكوبه كتير...



ولكم الود

هلاّ هلاّ ... جيناكم ...
فنجان جبنة بشمالوو .. يسوى الدنيا بحالوو

صبي الجبنة يا بنية .. صبيها ...

*************

عندي موية في الحواشات وبجيكم صادي ، وخاصة الناس ما شاء الله كتيرة ، لكن شايف سارة أستعانت بصفاء ودهـ مبشر جيد إنه الخدمات تكون كويسة والفنجان ما بتأخر...

اتفضل .... يامعتز الجبنة جاهزة
انشاء الله تعجبك ...

واهلا ومرحبتين بكل الموجودين ...

اذا سارا ما موجودة احنا نقوم بالواجب
مرحبتين حبابكم .....

بعد السلام
يا ناااااااااااااااااااااااااااس الركوبه هوووووووووي .....عاوز لي جبنه في كوبايه في طريقه لو .....!!