يا ناس مافي مشكلة ولا حاجة العيب فينا نحن اتخيلو في ناس بيقولو((انا الشغل الفلاني ما بشتغلو)) طيب يا باشا انت مادام عندك خيار وفقوس في الشغل وعامل فيها (شيخ الغفر) كان تقعد في بلدك وتشوف اي شغل بسيط عشان تكون مع اهلك وناسك بدل المرمطة دي.
يا ناس اي واحد فينا في الدنيا عندو امكانيات وحدود للمعرفة، ممكن جدا يطور نفسه لو كان عايز.
لازم كل واحد قبل ما يتخذ خطوة السفر والغربة يعرفي امكانياته شنو وحدود المعرفة بتاعتو شنو حتى يسافر .عشان ما يغلط نفس الغلطة بتاعت القدامو.
والبيت والتربية كمان دة موضوع تاني. كيف الواحد ممكن يتعايش مع الغربة والناس المعاه في نفس السكن او العمل عشان يعكس صورة حلوة للبيت الكان عايش فيه في السودان.
وماتنسو (العايز يشوف فاطمة في البيت يشوف محمد في السعودية)
وفي الاول والاخر المسألة مسألة رزق وقسمة ونصيب في يد الله سبحانه وتعالى.
((انما امره اذا اراد شيئ ان يقول له كن فيكون))
المواضيع المتشابهه
العرض الشجري