4nekrb23.gif
نجم السعد
انوارو هلت في البلد
مريخنا عالى ومعتمد
وقالو الهلال في الخط رقد
والحظ همد
وبقت حكايته حمد لبد
بالفرحة ما طال الامد
ايام قليلة بلا عدد
يوم الخميس جاه النكد
لم ينتظر يوم الاحد
جمهورو جقلب ما صمد
ومرق من الاستاد شرد
قالوا الثقاة اهل البلد
شافوه في حلة حمد
مريخنا دائما معتمد
تاج النصر
بطل البلد
ما جاب حكم بيهو انسند
وابطالوا في الميدان سند
ما بخلي تاروا الى الابد
ويفوز على الخصم الالد
بالقوة بالفن والجلد
جمهورو يهتف كالرعد
ثابت معاهو وما ابتعد
اما الهلال قام او قعد
مريخنا بالاصرار صعد
فوق الجميع
والكل بعد
مريخينا بالقمة انفرد
ساب الحسار لي غيرو
للافراح ورد
واصحابنا شوف حيلن برد
وكان الدرس قاسي
ما اب زرد
من بدري ناديكم هجد
فتشنا واحد ما اتوجد
مريخنا طول تاريخو جد
وراكم الفن الاجد
شا ع فرحكم اتوصد
خسران حسابكم واترصد
وفريقنا حقق ما قصد
في اخر الموسم حصد
مريخنا زينة دفاعه سد
وهجومو اشبال الاسد
يازيكو تسلم يا ولد
قونك مؤكد معتمد
مافيه سرقة ولمس يد
العرض الشجري