في محراب هواك؟؟

في محراب هواك؟؟

في محراب هواك؟؟
باريت جميع طرق الهوى
وكل الدروب الممكنة
وساهرتا بي ريدك سنين
مشتاقة عشه تضمنا
معتكفا في محراب هواك
حاضنا الزهور والسوسنا
وطاوعت إحساسي النبيل
وطوعت كل الأزمنة
نسيرو ..مشوار الفرح
في غرفة واحدة تضمنا
وتسقيني من شهد ألهنا
الكان بيشهد حبنا
وأنا كم رخيت حبل الصبر
راجيا الأماني تلمنا
لكن لقيت ريدك سراب
تاركني للأسى والضنى
وعرفت بعض الحب خداع
مليان نفاق و فيهو الضنى
وقفلت باب الريد خلاص
ومنعت عن قلبي ألهنا
ورجمت شيطان الهوى
الساقني لي ريدك هنا
وكذبت إحساسي البقول
انك متيم بي أنا

المصدر: :::: منتديات أبو فروع :::: - من قسم: منتدى الشعر والشعراء والأدب

---

td lpvhf i,h;??

مرحبا الاستاذ هاشم عوض الكريم

غاية في البساطة والسلاسة والجرس الموسيقي في قمة التعادل
اما المعاني فجزالتها وتلقائيتها تكاد تقفز من بين السطور
حيالك الله وابقاك
وتحيات لك زاكيات

المشاركة الأصلية كتبت بواسطة أبوذر جلي

مرحبا الاستاذ هاشم عوض الكريم

غاية في البساطة والسلاسة والجرس الموسيقي في قمة التعادل
اما المعاني فجزالتها وتلقائيتها تكاد تقفز من بين السطور
حيالك الله وابقاك
وتحيات لك زاكيات

التحية والود اخي الدكتور وهي مجرد خواطر من الزمن القديم خرجت من تلافيف الذاكرة

تحياتى ليك الاستاز هاشم وقد اعجبتنى القصيده المليانه بحق وحقيقى . بارك الله لنا بك . واسمح لى

ان اجعل منها البوست الجامع لكل قصيده جميل بنفس نغمة تلك القصيده . انا لا اكتب الشعر ولكتى

اتزوقه واحب هذا النوع منه . فاتمنى من الجميع التداخل بما يقع على العين من قصائد واشعار

وما يؤثر ايجابا بالنفس . وهذه ومن الاشعار التى عجبتنى .

مالينى لحد العشق
لمتين بتتوارى وتبين
لاتصفا لا يوم نتفق

انا كل مااعتب عليك
من شوقى بالشوق بنحرق
يسبقنى درويش الغرام
والقاه فى ريدك غرق
امرق من الوهج العلى
وادخل عليك ذى البرق
تدخل متل ضل الضحى
وبالراحه تمرق منسرق

فاض الحنين والريد بحر
واشواقى من شوقك فرق
فرق المشاعر المانست
قدر الحبيب لا شمتت فيه الخلق
فرق الحنين من زول بريدك بصدق
كل ماطراك بالفرحه يشهق وينشرق
وانت الهناك لا حنه قلبك لاشفق

لو توهك وهم الظنون
من ياتو سكه بتتلحق
وياتو عشره تهون عليك
ما تسوى حاجه وتستحق
وانا ماحدقتك من زمان
كان اصلو هو الريد بالحدق

امرق هداك باب المروق
لو مره نقدر نفترق
وادخل بدسك فى العروق
مااصلو دساس العرق
يامالى عينى باليقين

شكرا الاخت الماجدة كوثر واليك هذة اعتقد انها قريبة منما اوردت مع التحية

قال نفترق!!!!!

كان الهلال عشق النهار ولا الغروب بقى في الشرق

كان الجبل شالوا النسيم اوحتى نهرالنيل غرق

مابنفترق

كيف نفترق وانا قلبي من نارك حرق

ناظم غلاوة الريد عقود عاشق اسير رمش الحدق

فارش طريق الشوق ورود طائل وراك كرز الشفق

لو جف من عيني الوميض في اللحظة ديك بنفترق

ولو شفت زهره بلا رحيق في اللحظة ديك بنفترق

كيف نفترق وانت الافق وانا ليك شفق؟

كيف نفترق وانا قلبي بي ريدك خفق

لوقلت ليك بنفترق ياريدي يبقى داهو المحال

بطل غرورك والصدوداناقدري اعشق فيك جمال

واهم تكون لوقلت لحظة بنفترق .....

لك التحية شاعرنا الرائع هاشم الرزقابي وانت تتحفنا باشعارك الجميلة الرائعة

لك التحية شاعرنا الرائع هاشم الرزقابي وانت تتحفنا باشعارك الجميلة الرائعة
شكرا الاخ الكريم دمت ماجدا

يالملكه ماك متزعمه
ياساريه فى الزمن النحل
ياضل على البلدات رمى
يالكادحه من أجل الوليد
شان راسو إصبح فى السما
ويالفوقا ماف غير الله شئ
وحتى الله زاتو معظما
والجنه أيه تصبح معاك
أرخص وأقل من مقدما
ودايساها بين كرعيك حبت
فى قاع مدايسك مرغمه
ويايمه شوق قطع حشاى
واوجعة الدمع الهما
إشتقتا لى مطر الخريف
وكتين حفايرو إحزما
وبهيمنا فر تال التبر
أماتو واردات الضما
كوعتا فوق العنقريب
بتشرف العيش اللتيب
والعفرا تتقاطا الرحل
منظر دواخلى يأزما
مرصوص متل عقد الكنار
منضوم على جيد السما
إتحكرتى فوق بنبر حطب
قهوة ضحا وجلسة لما
خيلانى وأعمامى الكبار
خالاتى والجد العمى
ونسه وصراحه وقرقراب
متفائله بالضل الرما
والتايا بت عوض الكريم
المالكا قلبى مقسما
منصره فى طرف الصعيف
نادتنى هيي أصبحتو كيف ؟؟
بيناتنا شاشاق الحطب
همساً دقاق مو همهمه
قالولكن
الليله أمى مكرمه
طرزتا ماراعيت كبير
عاد تايا كيف ؟؟ وإنشاالله خير
قاتلى شديده وإلا عيب
وسط الرجال بتناغما
وتب قبلت ماشفتا غير
كفلاً رطن كاجر الطريحه محشمه
إلا إمى واضيعة رجاك
من ولدك الطشطش عما
أنداح تبع زخم المدن
ضيّع بداوتو وحطما
وسلام من البلد السجم
سموها يمه العاصمه
ويايمه ولدك ضاع خلاص
تايه مبارى العولمه
ماياهو ضرغام الرجال
الكان قبيلتو معظما
وياحليلو روبك والسمن
ياحليل لذايذ الأطعمه
ضوّق لسانى طعم جديد
بيرغر .. وجامبو المفرمه
ومعدتى ذاتا إطوطوت
ما أظن عصيدتك تهضما
خدعتنى كندشة الوهم
حمام وريحه وهندمه
راجيانى فوق النار أقع ؟؟
وأنا هالشمس مابلزما !!
دايرانى فوق دلوكه أهز ؟؟
راجيانى أسل سيفى وأرز ؟؟
وألعب مع التوم ود حمد
صقريه درقه محكمه !!
وأنا داك بقيت سيد الرقيص
مرات قرد ..مرات كتيفتى أبرما
دايرانى بى سوط العنج
أركز مع السر وادما؟؟
إنفره سروالى البجر
أربط بتينتى وأحزما
شبال من التايا وأهز
طاقيتى شنقا وأقرما
وفوق ضهرى داداب العنج
وأصفاحى نازفات الدما
أيمه ولدك ضاع زمان
زمان
وحكايتو بقيت مؤلمه
باريت لؤى وقصى ومى
وين تانى كاكوم وادما !!
ضهرى الممسح بتلصف
راقد لحايفو منعمه
ما أظنو بتحمل لبع
والخرشه ماأظن بلزما
سروالى ماياهو القبيل
سديريتى جكه مجضمه
حاجات مجبصه كلها
وطاقيتى كاوبوى وإنما
والكاوى قلبى وشاوى شى
كان شفتى واحدى مقرضمه
لابسه البناطلين زينا
والله ماتفرزيها تب
كان فارده شنبه تبرما !!!
لكنو مهما الزول بعد
حكايتو القبيل مابهدما
جاييك وشايل بقجتى
جواها ورقه مختمه
أياهو حلمك وجبتو ليك
داك جمه ريقى من الظما
بتمنى من الله الكريم
إمد أيامك وإقدما
وتحجى فى كل عام إهل
وتعودى سالمه وغانمه
يايمه
وتعودى سالمه وغانمه

والجنه أيه تصبح معاك
أرخص وأقل من مقدما
ودايساها بين كرعيك حبت
فى قاع مدايسك مرغمه

الماجدة كوثر لك التحية وكلمات حد صادقة وندية

اتمنى ان تكون لك.....مع الود

والله يا استاز هاشم ما بحب الكلام فى السياسه لاننا بجد فترنا لكن القصيده دى حبى ليها جاء من حب الوطن وعجبتنى كلماتها من قصائد طارق الامين الثورويه فتفحصها معى

نمشي وين والدنيا عتمة
يا حكومتنا العزيزة ؟
كل احاديث المدينة
... قصه اليخت اللذيذة ..
والتعرفو من مصيرنا
كلو تحت الطربيزة ..
وكل صباح الامة تصبح
بي مزاج ناس كونداليزا ..
ونحن صلعنا وكبرنا
وتاني ما بيدونا فيزا ..

*****
والقصة ما قصة يخوت ..
القصة قصة شعب
جايع دار يموت ..
قصه البلد المكتح
وباني فوقو العنكبوت ..
قصة الايدز والملاريا
القالو ازمة بنكنوت ..
قصة الكلى لما تفشل
من شراب موية البيوت ..
قصة السيل البيطفح
فات خلاص حد السكوت ..
قصة الوطن المجرح
وكل يوم خاشيهو بوت ..
وايه الفرق بين فرح الوطن
وفرح الحبيبة وبسمتا ؟
وايه الفرق بين الرفد
وبين الضياع والشلهتة ؟
وايه الفرق بين الرسم
في الامتحان والشخبتة ؟
وايه الفرق بين الرسوم
وبين القلع والهمبتة ؟
وايه الفرق بين المقابر
والضماير الميتة ؟
وايه الفرق بين موتة دايمة
وللا موتة مؤقتة ؟
وايه الفرق بين العرس
والقرمصيص والكبرتة ؟
وايه الفرق بين البري
وبين الكلام العكلتة ؟
هل جينا في الزمن الخطأ ؟
هل جينا في زمن
الضجيج والسلبطة ؟
هل جينا بالشعر الطوال
خشينا عهد الزعمطة ؟
هل نحن عاجزين عن
مواجهة المصايب والمحن ؟
هل نحن اكوام من
هلافيت الزمن ؟
هل نحن كالابطال
بندفع في الثمن ؟
أم نحن اذيال الحكاوى الانتهن ؟
هل نحن إنسان القرون الانتهن ؟
أم نحن اصحاب المباديء
ويا أم ضفاير قودي الرسن ؟
هل نحن جادين في الوطن ؟
هل نحن اخوان في الوطن ؟
هل نحن سيان في الوطن ؟
هل نحن اخوان في المحن ؟
هل نحن انسان الوطن ؟
ام نحن من جان نمتحن ؟
من نحن.. يا هذا الزمن ؟
يا ام مصايب قودي الرسن ؟
واهتفي... يا سيدي الحسن ؟

_________________