تجهيزات خاصه ..وطعم اكثر خصوصيه

سلام
وكل عام والجميع بخير وينعاد عليكم بالصحة والعافية

بالله ركزي لينا على الشية واللحوم ،

المصدر: :::: منتديات أبو فروع :::: - من قسم: منتدى الحوار العام

الاخ /صديق شكرا لمرورك الجميل
( اظنك انت ياخوى اشتريت خروف العيد )
الجماععه المعاى قلوا عشان جهزتى الكمونيه والمراره من بدرى السنه دى خرفان مافى .
... وعيد سعيد يعود عليك وعلى ا سرتك الكريمه بالخير والصحه والعافيه...

الغاليه /كوثر يوسف
كل سنه وانت طيبه ،سعيده شديد بمرورك ،التحيه ليك ولاسرتك الكبيره والصغيره
طبعا العيد عندكم ليهو طعم ونكهه خاصه
الجماعه الطيبين قا لوا للنسوان /التوب ولا الخروف؟ انتى اسمعى كلامى قولى ليهو احسن لى التوب ،وبعد ماتضمنيهو بعدين حرشى ليهو الاولاد للخروف..
يوصل سلامك لام سلمى وهى حاتعيد معاكم فى الحله انشاء الله
بخصوص الشربوت ياريت تديتا وصفتو عشان لو مالمينا فى الخروف مايفوتنا الشربوت
لكى شكرى وتقديرى .

مليون مرحب ياناس الاداره

كل عام وانت والاخت لليان واعزائى الصغاروالاهل بالف خير وصحه وعافيه .
يااخوى قبل ما اركز ليك على اللحمه والشيه ركز لى انت على مشكلتى فىدخول المنتدى ،
رفعت ليكم شكوى من الاسبوع المضى واديتكم مهله يومين وبعدها حا انظم انقلاب .اعمل حسابك راجعه بعدين لى شيه الجمر والشطه0

الاخ/ معتز
اولا تحياتى لى دينا
بعدين انت شيه الجمر دى عندك ليها حوش ولاشنو
عشان مشكله الحيشان دى حانعمل معاها لحمه بالصاج