منذ /05-16-2009, 04:04 PM
|
#1
|
عضو جديد
|
رقم العضوية :
217
|
|
تاريخ التسجيل :
Dec 2008
|
|
المكان :
المملكة العربية السعودية ــ الرياض
|
|
المشاركات :
24
|
|
نجمة مضيئة
كلمات/ البلبل الغريد
كُتبتها في العام 2004م حيث الإنطلاق في بداية عملي وكانت جهة العمل توفر أجهزة إلكترونية وبالأقساط لموظفيها وهنا أُشير لإحدى الحسناوات والتي لا بد من المثول أمامها لتعبئة إستمارة الطلب فمثلت أمامها لطلب جوال وكان حصيلتي منها هذه الكلمات البسيطة!!!!!
بكلمات بسيطة أكتُب وأعبِر فيها
صبراً يا أخوي ويا خليل
بالقسط حبيت إتملك ليّ جوال خطوة
أُولى أملأ إستمارة في البورسنيل
وبالتحديد في مكتب شوشوا
ست الإسم واضحة من بُعد ميل
سألت عن المكتب دلوني دخلته
الحلوة ناقصة تاج وإكليل
من شوفة الملاك جسمي بِرد
رجف القلب وأصبح ما فيني حيل
آه من شوشوا عز الطلب
وفي عُمرها أكيد من الجيل
وبنظرة من وجيهة مرة
تب تشفي الراقد علِيل
قالت ليّ ويش فيك سارح؟؟؟
أنا من قلبي أطالعك قلِيل
لا لا بس أقدم طلب جوال
ومن نظراتك أكيل وأكيل
آه كنت بطلُب زواجك لكن!!!
دربك مخاطر وأبعد من المستحيل
حتى لو وافقتي إنت أهلك
كيفِن بيقبلوا بالزول الدخِيل
داير أقول ليك أحبِك في الله
وأحبِك غرام لكن!! عقاب الحد تقيل
ومرة أقول أعمل حِسابي (السجن)
حروا أصعب من وقت المقيل
وباكر يعُم خبري الرياض
وفي البلد يسمع محمد ود إسماعيل
أحسن أمد رجلي قدر لحافي
وأرجع لي بلدي الفيهو نيل
أحبك يا (نونه) وزيارة لأرض
الشمال ونطوف وسط النخيل
فوق شجر بركاوي يغني قمري
وفجأة يرِك على القُنُديل
في جزيرة كومي المكسية خصرة
ومن النيل وحُبك أغرف أشيل
يا قلبي يا حُبي يا (نونة) لِحُبِك
بصمت بالعشرة أبداً ما بشوف لي بديل
(نونة) يا ظبية فيافي شمالنا
إنت شفاي إنت دواي يالمنك عسل بيسيل
في الغربة حُبك ساري في وجداني
إنت لي نجمة مضيئة ليل
نسأل ربنا في القريب يجمعنا
نحفظ للعهود البينا والحُب النبيل
تصبحي لي وأنا ليك
وحُبا من الأعماق ينهمر كالسيل
أنا بحُبك وعنتر بِحُب عبلة
من أجل الغرام شدينا الرحيل
*** *** ***
|
|
|
|
العرض المتطور
