الاخوة الاعضاء
لكم مني كل ود
لقد ذكر الاخ معتز انو انا كتبت حشو موضوع البشير انا كتبت ثلاثة مواضيع الاول عن اوكامبو واتهاماتة للبشير والثاني عن اختطاف الصينين في السودان والثالث عن الانتخابات الامريكية الاصلا اثارت هذا الموضوع. وتم حذف الثلاثة موضيع واتصلت علي يسن قال ماعدو فكرة ن المواضيع دي اتصلت علي معتز قال والله ممنوع الكتابة في السياسة قد تعرض منتدانا للالغاء . قلت اوكي مافي مشكله همي ان يستمر المنتدي مااكتب في السياسة تاني. لكن حصل ماكنت متوقعة ، يوم الخميس وجدت نفس الموضوع الانا اتحذف مني ومعلق علية معتز صراحة زعلت، ليه طيب دي سياسة وديك سياسة، كان يحذف الموضوع لنفس السبب ، كل المنتديات ياناس تتكلم وتكتب عن السياسة هل قفلت؟ لا والله ماقفلت ولا حاجة، ثانيا موضوع الهكر .الهكر لايصيب المنتدي بل يصيب الموقع المضيف للمنتدي ، ومالنا نحن فيهو دخل ودي معروفة،الموقع هو البتجمل مسؤلية الهكر وقد يصيبة الهكر من غير منتدي ابوفروع،ونحن نتاثر باصابة الهكر للموقع لانه مستضيف منتدانا وكل المنتديات المستضيفة. اما ياادارة كلمة حشو ماكلمة مفروض تطلع من الادارة لان الادارة مفروض تشجع الاعضاء لكي يكتبو لكن لمت تقول الموضوع دا حشو اكيد باقي الاعضاء بعملوا حسابهم ومابكتبوا وبقولوا امكن الادارة تقول كتابتنا حشو ،زي ماوقفت الاعضاء من الكتابة من قبل بسبب كلام الادارة ان سعة المنتدي صغيرة، والاعضاء وقفت من الكتابة لذلك،رقم انو الكتابة لاتاثر علي سعة المنتدي بل الباثر علي سعة المنتدي الفيديو كليبات ودي كمان معروفة ، وممكن انا غلطان لكن دي الحقيقة الكتابة لاتاثر علي سعة المنتدي حتي الواحد لو قعد اكتب طول السنة.
لذلك الاخوة الاعضاء كل واحد تسالوا ليه ماقاعد تكتب يقول ليك الادارة قالت سعة المنتدي صغيرة ماتكتبوا الا المفيد.اما الان كتبات الاعضاء حشو اكيد الاعضاء سوف تاخد موقف لذلك الاخ معتز انت اداري شجع علي الكتابة ولاتشجع علي تكسير المقاديف .
ملحوظة
طبعا يااخواني لاتفتكروا بيني وبين معتز في شي معروف لكل الناس انا ومعتز اثنين في واحد اخوان واصدقاء بلا حدود . وكل منا بقدر التاني تقدير خاص وحب خاص وحلوين نحن مع بعض الي يوم القيامة لانو البنا اشياء كبيرة جدا ودي ساحة نقاش ليست الا.
ولكم مني اجزل الشكر والتقدير
العرض الشجري