سلام يا وداعة يا رائع
بالواضح الواحد بعتز بيك عديل كا احد افراد الاسرة مش الابوفروعية و بس .
كلامك عن شيخ عبد الرحمن اثلج صدري و قلنا احسن تسمعنا من درر الكلمات و تستمع الي صمتنا المباح
كلامك عن جدي احمد اغلق مناسم الصمت و فتح مجاري الكلام المباح ايضا
احمد ود عبد الحليم و الده عبد الحليم ود حمد من عائلة عبد القادر و هو من احفاد ملوك السدرانة و اخوة عبد الحليم هم حاج محمد بالحلاوينن والد عبد الله و قرشي و اخته شنة بت حمد والدة جدي والد امي عبد الدافع ود مضوي اما بقية ابناء حمد حجازي و دفع الله و لا اعرف اسماء الباقيين فقد استشهدوا بالقلابات مع اجدادي الحسين ود سعيد جد والدي لابيه و جدنا عبد الكريم عميد عائلة عبد الكريم بالصداقة.
اما امه فهي من عائلة شوبلي فهو خال عن طريق امه لوالدي و اخوته و لي اولاد جلي = يا سارة هو خال عمتنا حسينة مش اخوها = و عم الشيخ ود قونيب و عم ابناء المرحوم محمد بشير .
نشا الجد احمد نشاة صوفية بحتة و قد لازم الشيخ الطيب ود الشيخ القرشي و الشيخ الزين ود الشيخ الطيب و الذي ارتبط به برباط النسب لان الشيخ الزين متزوج من المتن بت بشير ود أحمد ود شوبلي و امها عائشة بت الحسين. لذلك فان الشيخ يكون جد لكل خلفاء الشيخ القرشي من ابناء الشيخ الزين
جدنا الشيخ زول خدمة فقد خدم في مسيد الشيخ القرشي فترة طويلة كما كانت تربطة خوة و محبة مع نسيبه جدي الشيخ محمداحمد الحسين و كان ذلك سر حزمه معي شخصيا في كثير من الامور لانه كان يراني من خلال شخصية جدي الشيخ محمد احمد الحسين و كان كثيرا ما يذكرني بان انتبه الي ذلك
شي غريب انه قد اصر علي ان اتعلم الوسار = وسار العناقريب =منذ ان كنت طفلا و قد تكسبت من هذه الحرفة كثيرا ومنذ بداية المرحلة المتوسطة حتي ترقيت الي طلبة بناء في الثانوي .
كنت لا ابرح منزلهم و هم في مكان منزلهم الاول شمال منزلة الشيخ عبد الرحمن و حتي حينما انتقلو الي منزلهم الحالي و الذي كان يسكنه جدنا دفع الله .
حول قيامه الليل اتذكر ان احد الرفاق بجامعة الخرطوم في نهاية السبيعنات اتاني و هو في غضب شديد و قال
يا اخي ما تلم جدكم ده يا ايا اخي الراجل ده يوم الخميس بيمسك مايكرفون جامع طيبة الشيخ القرشي = مسجد مسيد الشيخ القرشي ود الزين =للاذان في طيبة من بعد صلاة العشاء و لي صلاة الصبح و ما بخلي زول ينوم يا اخي انتا ما عندكم جامع.
و طبعا جدنا الشيخ احمد كان بيهتم بالنباه ايضا للقيام لصلاة التهجد و طبعا ده كلام عالي خالص خالص
طبعا دي محاولة مشاركة بس و بعتقد وداعة ما خلا شي
بالمناسبة يا وداعة تلفونك كم و عايزين نلاقيك في عمرة رمضان لو ما ماشي السودان
المواضيع المتشابهه
العرض الشجري