بعض من الاقتصاد

وداعة الله يديك العافية
مالو شكلك كده زينا انتا عندك علاقة بي رفاقتنا الزمان ديلك و لا شنو ؟
طبعا الاستعمار اسس لي بنية تحية يستفيد منها مش في القطن بس
في القطن و في الصمغ العربي و الحبوب الزيتية
الما معروف انو السودان اكبر مصدر لاهم مادة خام في صناعة الادوية و هي السنمكة
ديل كلهم الاستعمار كان لازم يبني ليهم خطوط مواصلات و محالج و نقاط تجمع انتاج و ميناء تصدير و نظام تعليم يسد الاحتاجات الوظيفية البتساهم في ادراة الاقتصاد و بي عقلية استعمارية قحة و خدمات كمان .
طبعا الخدمة المدنية بتاعة الاستعمار هي زاتها كانت منهارة لانو بنيت علي عقلية استعمارية يعني تعليم لخدمة الاستعمار نعم
لكن تعليم لبناء سيادة وطنية و نظام تخطيط و اقتصاد وطني لا
انا ما حا اتكلم كتير لكن و بالرغم من راي المضاد جدا لمنصور خالد في مسائل كتير لكن بعتقد انو كتابو النخبة السودانية و ادمان الفشل كتاب مهم وضح فيه عقلية المتعلم و المثقف السوداني الما مرقت من النظرة الوقتية السطحية لجميع المسائل الوطنية و الاقتصادية و الاجتماعية المستقبلية
يعين بعد داك يا وداعة جات عليها
الصالح العام بتاعة نميري اولا و بتاعة الجماعة القاعدين اسع ديل تانيا و زادات الطين بلة
بخصوص الخدمة المدنية دي انا بعتقد انو الخدمة المدنية الاسع و معاها النظام التعليمي الحاضر الان مش حيسببو مشكلة لا
ديل و الله عملو كارثة ما يعلم بيها الا الله
انا بالواضح متوقع انو بعد 6 سنة نبقا اكعب دولة في العالم من ناحية الخدمية المدنية
ده كلام مهني و فني و انا لا خايف منو من الحكومة لا من كيزان الشعبي و لا المؤتمر
الخدمة المدنية دي و مش الله حيسالكم منها علي وزن لو تعثرت بقرة في الشام لسؤل عمر
غايتو الخدمة المدنية دي ان شاء الله يعاملوكم فيها معاملة كتل الرقبة عديل. لانو الجماعة ديل كتلوها و كتلو معاهو ارزاق ناس و ياما في السواهي دواهي .
شوفو من سنة 1989 الاتعينو علي اساس مهني كم
لافي تدريب لا تخطيط لا انصاف
يعين كلها ولاءات . و اسع هي زاتها انقسمت بين الشيخ و المشير
ما علينا
المهم برجع تاني لانك قومتا نفسنا بي جيب السيرة دي