الاخ صديق سلام
ما طرحته يمثل واحد من الحلول
نسبة الاناث الي الذكور اكبر
ثانيا الوضع الاقتصادي بطال
يعني معظم الخريجيين القاعدين في السودان الواحد يتخرج عمره 24-25
بعقد عاطل لو في طريقة يشغل بعد 5-10
لو قعد 10 سنة بيكون عمره بقا 35
اها اول حاجة يجيب قروش من وين يعرس
برضو البنات ممكن يكون مشكلتهم اكبر
لانو مرات في بيوت بتنفق في التعليم علي البنت دم قلبهم
علي الاقل عايزنها تساعد اخوانها و اخواتها في التعليم
البنت تجي تقعد في البيت و لقيط قطن زي زمان زاتو مافي و ما اظن لو في لقيط و تيراب بمشوا زي جيلنا
اها يعني المشكلة الاقتصادية ليها دور كبير
كمان الاولاد الواحد لمن عمره يبقا 35 و يشتغل داير ليه تلاتة اربعة سنة شغل علشان يوفر
اها عمرو يقرب للاربعين
ما بعاين لي ناس جيلو
و لو عاين للقدرو اخواتو زاتو ما بخلنو يعرس منهم
يعني يدخل الجانب الاجتماعي في الشغلانة
بعيدن انا بوافق الابنة سارة انو الناس توفق بين التعليم و الزواج
يعني البتلقا ليها فرصة زواج مبكر تعرس بس لو هي مصرة علي تكملة التعليم تتزوج زوج ممكن يتفهم رغبتها و حرصها علي التعليم.
تانيا و بالواضح حكاية البنت الخريجة تفتش لي خريج حقوا ننساها عديل كده
لانو الخريجين بقا انتظارهم مرهق و بدون شغل و مضيعة وقت و ممكن يكون مقلب
يعني ممكن يعرس بنت صغيرة
يعني الزول الكويس ود الناس اهم حاجة
بعدين برضو الناس العجايز ديل ممكن يكونوا بديل كويس حسب اقتراح الاخ صديق.
سلام
العرض الشجري