عذراً إذا تأخرت عنك أو ظروفى أنا عاكستنى
عذرى ممزوج بسامحك للعيون العذبنى
واسفى بالغ فى غيابى وبرضى عشمان فيك تحنى
غير رضاك مالى هم ونحيب عيونك ياهو فنى
وفى حنانك ذاتى طامع وفيض حنانك أصلو جنى
تدهش الزوار رياضو وفى مجالسك بحكو عنى
وعن قليب أدمن هواك وفى هواك عشق التمنى
يصحى فى عز الليل وينظمك شعر ويغنى
شعر فيهوو أسباب أساه وسر هواك الجد مكنى
وبى هواك أصبحت هايم وبى هواك هيجن جنى
وفى جنانك ببقى تايه وديل عيونك توهنّى
وما فى زول برشدنى ليك إلاّ نجمك يوم يصلنى
ويهدى قلباً بيك مجرّح
وديمة نبتهج بى غرامك وحبو ليك أصبح تجنى
حب بيسلب من حقوقك وحتى حقنا شايلو منى
عشق مبداه التجرد للعيون البسحرنى
وحب معناه التقابل فى معارك أعتى منى
بى اناس جادو الحروب وبى حروبك أصلى معني
عرفوا كيف يصلو للمنال وإنتى عندى أجمل تمنى
بس عيونك إنتى آمنه ومن حروبك بعتقنى
وألقى فيها حلم صباي جاى مقل لى يهنى
u`vhW
عذراً
العرض الشجري