بسم الله الرحمن الرحيم
السلام عليكم ورحمة الله تعالي وبركاته
فريق الوحدهـ
معروف لي الجميع الفريق الصاعد من الثالثة لي الثانية لي الأولي ,,,
دي الوحدة البنعرفه وبعد المسألة إتطورت وجابت ناس
كبااااااااااار بعد ما كانوا اللعيبة بيدفعوا حق العربية لي الأستاد
وأكتر من كدة آخر ست ملك لي الوحدة كان جامعين ليهوا جلود الأضاحي
المستفاد إنو كان في غيرة علي الفريق والوحدة وابوفروع
عملوا سمعه حلوة دهـ غير انهم لعبوا بي طريقة الواحد إستمتع لمن يكون في مباراة ولو كانت مع هلال الحصاحيصا .
وبعد ماصعدوالي الدرجة الاولي جو الكبار والوعودات الطيبة ودخلوا في اللعيبة شي إسموا القروش مع إجتماعات إداريه مع اللعيبة والمسألة فكت ,
الكل بقي داير حقو الطالب طالب وماشي ولا جايي من الجامعه والعيان قال إعالجوهو والمسافر بعيد يدو حق سفرو وطبعاً مع حق المواصلات في شي للترضية وبدأو يفضلوا لاعب عن لاعب وشطبوا كل من محمد أحمد بابكروهارون وعمار عيسي والدهتن والنزير والباقيين سجلوا في فرق درجة أولي مراد في المريخ ومعاذ الأهلي وجلال الهلال وجادكريم الشاطي اربجي ثم العامل الحصاحيصا والطيب الشاطي اربجي يعني بي إختصار الفريق إتفرتق بنسبة100%
وآخر شي كورة المريخ مافي لاعب مشي الأستاد وهي كانت آخر مباراة في الدوري والوحدهـ هابطة ما في شك يعني مباراة آداء واجب ومنها يهبطوا لي الدرجة التانية وجاء قرار الإتحاد بهبوط الوحدة مباشرة من الأولي لي الثالثة مع تصريح اللعيبة
يعني بقت ميتة وخراب ديار؟؟؟
بعد الهبوط وتصريح اللعيبة العمم والكباااااااااااااار فاتو حتي ؟؟؟
وعملوا إدارة جديدة فيها بعض الإداريين القدام وسجلوا لعيبة دايرين زمن عشان ما يصعدوا خاصة اعمارهم صغيرة وما في أي خبرة لعب في الاستاد والله يكون في العون.
ونواصل...
الوحدهـ
العرض الشجري