اليوم ح اطرح ليكم موضوع وعايز رأيكم فيهو بالجد
زواج السودانية من رجل عربي او اجنبي اذا كان انسان محترم ومتعلم وعلى خلق ودين
ايه المشاكل الممكن تقابلها
هل يمكن ان تفشل كم نسبة الفشل وكم نسبة النجاح
واذا مشت عاشت معاهو في بلده
ايه المشاكل الحتواجهها هناك
وكذالك السوداني اذا ماتزوج بأجنبيه
ما تنسوا انه السودانيين عايشين في الغربة
وامكن تحصل في اي وقت وسف تحصل عندنا في
مكة يوم الخميس المقبل الموافق 17/4/2009هـ
بنت سودانية من قبيلة ليه مكانتها في السودان
من شاب سعودي
وما ننسي رائعة المبدع ابو آمنة حامد
********
بنحب من بلدنا ما برا البلد
سودانية تهوى عاشق ود بلد
بعيون المفاتن شي ما ليهو حد
****************
التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
****************
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا
**************
في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
***************
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة
*****************
في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
****************
في سنكات بنعشق بت سمرة وأبية
ترتاح في الضريرة خصلاتا الغنية
عاشت في شعوري أحلى هدندوية
***************
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة
***************
لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
***************
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
**************
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو
fkpf lk fg]kh lh fvh hgfg]
بنحب من بلدنا ما برا البلد
العرض الشجري