بسم الله الرحمن الرحيم
الاخوه الكرام السلام عليكم ..
بعد ان نشرت موضوع اراضي ابوفروع والذي كان الهدف منه توصيل المعلومه للاخوه داخل المنتدي البعيدين عن ابوفروع حتي يكونو مواكبين للاحداث داخل ابوفروع لان هذا المنتدي يحمل اسم ابوفروع ويحمل هم ابوفروع ولا ينكر احد ما قام به هذا المنتدي من انجازات ملموسه داخل ابوفروع فاصبح هو المعين الذي لا ينضب عطاءا لابوفروع ..
في عدد من اعضاء المنتدي قالو انا بشكر في اللجنه الشعبيه ما اكتر من كده .. اولا ان قلته اللجنه الشعبيه بالتعاون مع شباب ابوفروع ثانيا انا واحد من الشباب القامو بعمل المنشورات وتنظيم المؤتمر الجامع لاهالي ابوفروع وعمل اللافتات للحافلات ودا واجب علينا ما دايرين شكر ولا زول يقول فلان عمل ..
وثالثا ودا الاهم نحن في ظروف ما بتتحمل الخلافات ولا التجزءات فلا صوت يعلو فوق صوت ابوفروع ابوفروع بتواجه مشكله من الخارج عشان كده لازم نتوحد داخليا لانها ما بتتحل الا باتفاق الناس ووقوفهم مع بعض فاذا في مشكله في اللجنه الشعبيه ولا في زول عنده راي فيها في دا ما وقت خلافات ولا مواضيع جانبيه فا الاهم ابوفروع واراضيها ..
الوالي لغي قرار الخطه السكنيه ولكن ما زال الموضوع محتاج للمتابعه الجاده منا فقد راي الكثيرين تكوين لجنة لمتابعه موضوع الاراضي تتكون من اللجنه الشعبيه وما يرونه الناس مناسبا من الكبار والشباب ..
وختاما وفقنا الله واياكم لما فيه خيرا لقريتنا الحبيبه
gh w,j dug, t,r hf,tv,u
لا صوت يعلو فوق صوت ابوفروع
العرض الشجري