النسي قديمو..تاه..(من الامس.اشياء .واسماء)

غلبتني يامجدي
بس خليني افتش واتزكر شويه واجيك

ابوحميد كيفك ان شاء الله تمام ومروق
امسك :
داكن ليلة :تلك الليلة
عمن اول: العام الماضى
اول عمن اول : السنة قبل الماضية
قُت: قُلت
دحين :
الغزاااااااااااااااااااااااااااااااااااااااااااااا ااااااالة : للتعجّـُب
عووووووووووووووووووووووك : للنداء
لبد ، اتدّسى: اختفى
ابو حميد حك راسك بتلقى حاجات مدسوسة
لنا عودة باذن الله

اغاني واحاجي..المتزكر يواصل

يا ام احمد دقي المحلب في توب احمد .احمد غائب في الركائب جانا كلب سنونو ..حلب الناقه بيض بتحبي امك ولا ابوك
مشكور محمد صالح للتزكره

تعالو لعالم الالعاب شليل وينو اكلو الدودو وشليل وين راح اكلو التمساح
والرمه وحراسه وسكوكية( لعبة الميس ) ولع كبلة والكار ولين البلي
ويلا قولو المزيد

مرحبتين شباب والله ثقافتكم القديمه جميله وثريه تحديدا اخوي مجدي بس افتش واجيكم

حكاوي الامثله..(لحق امات طه)

أسطورة تروي عظمة الخالة عند المجتمع السوداني طلاسمها تحكي عن اليافع طه الذي كان له اربع خالات وتوفيت والدته وأحتضننه خالاته الأربع وحبنه حبا شديدا حتى اصبح يقال لهن أمات طه ( أمهات طه ) ترعرع طه في حنان خالاته ونضج وفي مرة خرج طه ولم يعد فسهرن الخالات خوفا من مكروه قد يلم بطه وبدأن رحلة البحث عن طه ولم تثمر جهودهن في ارجاع طه لبيته وجلسن مرة واتفقن على تتجه كل واحدة منهن على اتجاه بحثا عن طه وذهبت واحدة شمالا والثانية جنوبا والثالثة شرقا والرابعة غربا على ألا يعدن إلا وطه .....
ولكن كان ذلك يوم الفراق بينهن ولم يجتمعن مرة اخرى

فاصبحت هذه الاسطورة مضرب مثلا فيقال ( لحق أمات طه )..(منقوله) ..

شكرا ساره علي القصه الجميله وعلي فكره (طه ماراح ) كان نايم في شجرة وسط البيت والخالات افتكروه هرب..

المشاركة الأصلية كتبت بواسطة احمد دياب

شكرا ساره علي القصه الجميله وعلي فكره (طه ماراح ) كان نايم في شجرة وسط البيت والخالات افتكروه هرب..

مشكور يا احمد..ودائما سباق للتوضيح.
شفت حنيه الخالات كيف..كلهن مشو يفتشو

واتفقن على تتجه كل واحدة منهن على اتجاه بحثا عن طه وذهبت واحدة شمالا والثانية جنوبا والثالثة شرقا والرابعة غربا على ألا يعدن إلا وطه..معهم

لما حبوبتك تقول ليك : تعال يا ود بطني

ولما تدعو ليك : إديك السعادة والزيادة

ولما خالتك أو عمتك تقول ليك : إزيك يا ود بطني

ولما واحدة تقول ليك : عارفاك زي مصارين بطني

ولما تكون حبوبتك ولا خالتك ولا عمتك في الأراضي المقدسة وتشوفا في التلفزيون أو الإذاعة تقول : الحجة سليمة ونحن في مكة ( وشايلين ) المدينة

حاجة تقول لأي واحد فيكم ( الله يسلمك يا وليدي ) .

مفردات سودانية عامية حنينة بصورة غير عادية وتدخل القلب ( بدون ..استاذان
(منقولات).

قالوا اهلنا الطيبين

الخيروه حيروه : من خير بين امرينمتساويين
اوقعوه في حيرة لان المتساويين يصعب
التمييز بينهما

الخيل تجقلب والشكر لحماد : الخيل تجري
بين كر وفر في الحرب والنصر ينسب لحماد
وحماد هذا من اولاد عبدالله جماع كان رئيسا
لمنطقة العبدلاب

سرارة اللعوت تتلاقي يوم الموت : قرابتكم
كقرابة شجر اللعوت ما تلتقي اعواده الا
عند حرقها بعد قطعها كذلك انتم لا تلتقون
الا عند وفاة احدكم في الصلاة عليه
يضرب في المبالغة في الجفا

بخيت شكروة قال داك هلال تاني :
قيل ان عبدا اسمه بخيت رائ بين جماعة
من الناس هلال رمضان دون غيره واراهم
اياه فشكروه وشهدوا له بقوة الابصار
فاغتر بالشكر وقال ليهم داك هلال تاني

الراجل افجخي بصلة قبل ما يبقي اصلة

والجمرة بتحرق الواطيها