راكـــوبة المنتدى

اولا سلام وبصراحة قهوتك الظاهر
موضوعها قوي شديد ومع اني طوات
ماشربت القهوة لكن الدعوة مقبوله منك
يلا منتظرين التني ... ودمتم في امان الله

والله حتي الان مافيها موضوع محدد
منتظرنكم اطرحو موضوع للنقاش.
بس ابعدونا من الكوره والسياسه

جبنتك وراكوبتك الله يكفيها شر الكتاحه وجد جوها جميل وقعدتها احلي بس القهوه اجمل ما فيها القطيعة والنميمة يالله نقطع في منو،وشايف الراكوبة عامره ، وانشاء الله دائما عامرين وجد خرجتي بنا لجو احلي وخففتي علينا غربتنا شويه بهذا الموضوع الشيق وسرحتي بنا لجو السودان الجميل.

شايفاك لسه قاعد ياعادل
بتشرب البركه كمان

نبداء بي منو (نخفف ذنوبو)
خالي محمد احمد سعيد هو اول زول وراني درب المنتدي...وفكاني فيه وزاق طولت ما شفته مره جاء تاوق و.مرق.بلا اي مشاركه..ياربي مالو...

يلا ياساره منتظرين طرحك للموضوع ونحن فوضناك بتوكيل موثق من ادارة المنتدى لتديري دفة الحوار مع الاخ محمد احمد سعيد واختاري الموضوع
حتى تكون المناقشه متاحة للجميع وارجو ان تسرعي لان قهوتك الظاهر
حتكمل والناس حاتمشي لذلك ارجو الاسراع في طرح موضوع حيوي
ودتم في امان الله

ا بجهز الجبنه..والبن كثييير..وبشارك في النقاش في البعرفو
خالي محمد سعيد انا سالت منو نظام (فاقدنه ) عشان بقي مابجي
الحوار معه ح نجهز له كرسي ساخن قريب انشالله اصلو هو في اللسته معاك ياامين...؟

احتمال جبنتك ما عجبته عملت ليه حرقان ، احتمال متعود يشرب الجبنة مع الحبوبات وجبنة الشباب ما راكبه ليه في راسو؟

والله صراحة راكوبتكم جوها رهيب....بس يا جماعه ما العم محمد احمدسعيد ...براه المختفي ....كتارررررررررررر من الشباب وهم عارفين ..... اخي عادل قال امكن جبنه الشباب ماجيبه حقها مع العم محمد احمد.... بس يا اخي عادل في شباب برضوا كتاررر قا عدين اشربوا جبنه في سوق ...ناس ما عاوزه جينا ....ما عارف الحاصل شنو ؟

الابنة سارة
لك ولاسرتك الكريمة اجمل التحيا
طبعا خفت ادخل راكوبتك واجد هنالك امطار غزيرة فى تنزانيا والراكوبة مبتلة وغير صالحة لشراب القهوة ولكن اطمنيت لوجود الشباب يشربون فى القهوة بس انا ماعارف اقعد جبن منو لهذا قررت ان اقسم الموجودين الى متزوجين وغير متزوجين ووجدت الغير متزوجين امين-عادل على يوسف -يوسف طبعا لسعة طالب ومع فنجان القهوة نقول لهم متى يكون الزواج ياشباب حتى نشرب القهوة المرة الجاية فى رواكيبكم

السلام عليكم ورحمة الله

راكوبتكم عينه ... والحاله النيمه القدامه.... والبنابر كتيره ..... بس ناقصه رش الواطه بجردل مويه .... عشان الترطيبه ..... ما محظوظ نهائيا التني ما حصلتو ..... بنطزر القلوه الجديده

ياناس رايكم شنو داير اعمل مشروع جنب الراكوبه---- قدرة فول وبووش شديد جدا وصحانه كبار ؟؟؟!!!

بعدين محمد أحمد سعيد بشرب قهوه تركيه ساي