اديني من ريدك ملاذ
وخليني من مطرك رزاز
ما إنت أصلك لي برأي
همس ارتعاشات الحروف الجاية من وتر الكلام
لما البسيمات والبروق يتلا صفن وسط الظلام
ساعة السحر..
لما الطيور الراحلة في زمن الخريف
تحرن تقيف تنشد لماك
لما القمر بي طلتو يمسح نداك
من الجبين...النادي بي بسمة شفاك
الساعة ديك بسرح أنا
بي خاطري بالشجن الاليم
وأتملى فيك (روعة حضورك من غياب)
(ولوعة غيابك والحضور)....
صمت الرياحين والزهور
وعبق النسا يم والعطور
قبال اراك وقبال لقاك عشمتي في نفسي الامل
وأحيت في طيفي الوصال
ما انت اصلك لي برأي
معطونه بي ريدي وهناي
ومخلوقة لي سعدي وشقأي
اديني من ريدك ملاذ
وخليني من مطرك رزاز
ما إنت أصلك لي برأي
ما إنت أصلك لي برأي
اديني من ريدك ملاذ
واصلحي ما بين المطر والحراز
وابذري بذرة الامل الموصل للخلاص
وانتجي ثمار ترجع الناس العزاز
وكوني كما الروح في جسدي
كوني سكينة وارتكاز
اديني من ريدك ملاذ
واصلحي ما بين المطر والحراز
وابذري بذرة الامل الموصل للخلاص
وانتجي ثمار ترجع الناس العزاز
وكوني كما الروح في جسدي
كوني سكينة وارتكاز
اديني من ريدك ملاذ???????????
العرض العادي
