راكـــوبة المنتدى

تشكري يا كوثر

وأخونا محمد عثمان ضاااارب الفيس مع الشباب

ياريت يرجع من جديد
تحياتي يا قيصـر

ماشالله ان شالله مجتمعن في الحرم والله ي كوثر فاقدنك وعايزة اتصل عليك وهالة ويييييين؟
لسة ي هيفاء كمبيوترها بايظ وتيسير ...وكل الغائبين
انا مشغووولة جدن في البيت وفي الشغل وشكلي كده ما اح اقدر اكون متواجدة الا فترات متقطعه
مواضيعكم جميلة ..توزيع اراضي ابوفروع والخط السكنية ان شالله ربنا يهيئ لها الاقوياء الامناء من ابناء الحلة لو تابعوها ما بيضيع حق وراءة مطالب..
الزواج الجماعي/تيسير تكلفة الزواج في عدة مقترحات اتقالت زماان فتشو ي اسراء في صفحات المنتدي بتلقيها اظن بعضها تككل بالنجاح ممكن الناس تعيد التجربة تاني..
رائئ شخصي بحبز الزواج من خارج الاسرة / لتكن قرابة بعيدة شوية يعني ما في مشكلة بنات ابوفروع يتزوجو من الحصاحيصاء /البطاحين او الصداقة والعكس..وكل قرئ الجزيرة اهل تربطهم حاجات مشتركة..
عيد الام وما ادراك ما الام....احس ان كبار السن هم اكثر احساسا وتاثرا" من الاطفال ان تعرضو لظروف صعبة ادت ان يودعوهم دار العجزة..عكس الاطفال في دار المايقوما..بيلعبو ويضحكو في عيونهم براءة وان كانت حزينة..بس في عيون الاباء والامهات في دار العجزة (دمعة متحجرة في المقل واخري تنساب بطول النيل او تزيد) احساسهم بالحزن مضاعف لانهم عاشو حياة وسط اولادهم شريط زكراها دوما" امامهم..ام الاطفال فلا زكريات تنقص عليهم حياتهم وان كانو الاثنين ضحايا لحاجات كثيرة..
في قلب النص:سالت صديقتي باستغراب كيف يسمح قلب ابن ان يترك والديه في دار العجزة مهما كان السبب؟
فاجات :التربية...اساسة خطاء او فيها جفاء...وعدم احساس بالمسؤلية
ثم اردفت ,اسة الامهات البيود اطفالهم من عمر شهور للحضانة...بعدين اولادهم بيودهم دار العجزة طواللي
لانهم مااخدو حنان كافية ولا ارتبطو بامهاتهم واباؤهم مقارنة بارتباط أجدادهم بوالديهم
استنكرت الملاحظة..وان كانت فيها شئ من الحقيقة ..ولا رايكم شنو؟؟

مرحبتين سارة
وما شاء الله مذاكرة مواضيع المنتدى والراكووبة في الفترة الماضية

طبعاً ، حكاية دار العجزة دي أصلاً ما قادر أستوعبها ولا تدخل رأسي
وين الحنيييييية وين الطيبة ، البيت بشيل كل الناس والبأكل اتنين بأكل عشرة
ليه الناس بقت قاسية كدا؟؟ والله لما أقرأ موضوع زي ده ما بتخيل الكلام ده في السودان

بس للأسف ده الحاصل ، والحمدلله ما وصل للقرى ومحصور في الخرطوم

ربنا يديم التواصل والرحمة بين الناس

سلام وتحايا بالمليون سلام لأعز ناس في الكون
يسعد نهاركم ياناس ياأحلى من الشهد ياورد

=

،
اهلللين ي معتز ..متابعة شديد الجهاز مفتوح موجودة زميلتي وبمش وبج اعاين )
حكاية دار الضوء حجوج للعجزة ما كلها مشاكل مادية..ولامن عدم الاكل البكفي في البيت وأن كانت غالبيتها كزلك.بس في حكايات اشخاص وضعهم المادي كويس جدأ..والاجتماعي ممتاز من اسرة كبيرة وفي شخصية معروفة لها علاقة بالسياسه ايام مايو..(وقاعد في دار العجزة بيجو يزوره اولاده وناس معروفين وفناين)
وحكاية واحد قضي اكثر من ربع عمره في الغربة..واولاده أتربو حتي دخلو الجامعات هناك
حينماوصل الاب سن المعاش ونفسيا" ما قادر يعيش/يشتغل في برد وجليد الغربة رجع السودان اولاده حاول يجو معاه شهر بس غلبهم يقعدو وارتباطاتهم بي بلد المهجر اقوي واتزوجو واولادهم ارتبطو بالدراسة هناك لازم يرجعو ..اه الجد حاول يمشي مسقط راسه في (القرية) .قابلوه بي ترحاب وحفاوة اهل الريف وقالو ليه( :نعم بنتزكرك صاحب جدي فلان خال امي واخر قال ليه :وسمعنا بي ابوي قال انتو قريتو مع بعض.ويمشو يتركوه براه في البيت القديم.ماعندهم بيه ارتباط شديد لان ما كان عائش معاهم.)يرجع لي بيت الخرطوم الكبير اولاده بيزوره شهر كل سنة او اثنين..قال بدل يقعد براه احسن دار العجزة علي الاقل يلقي ناس يتونس معاهم.لو احتاج شئ يلقي شخص قريب

ناس الراكوبه سلام . والله يا ساره الموضوع دا مهم وحساس لابعد الحدود . يمكن زمان الواحد ما قادر يتصورو حتى . بس بعد عشتا وشفنا . وياريتنا ما عشنا لحدى اللحظه دى . لانو دا قمة الامتهان قمة الفسوة وقوة القلب مهما كثرت المبررت . لاتعطى اى فرد الحق بهذا العمل الاجرامى . لايمكن ينسى الفرد مرارة شهور الحمل والاام المخاض والتربية . ويا لها من كلمة ( التربيه ) تتجلى كل المقاييس والعبارت والتضحيات . والله يا ساره ختيتى لى ملح ع الجرح . ربنا يهدى الكل ويحنن القلوب . ودى طبعا من الاشياء الدخيله ما حقتنا . ياريت الليله يكون موضوع الراكوبه . قلبى دا وجعنى ادينى معاكم جنزبيل حااااااااااااااااااااااااف

إذيكم والله مشتاقييييييين الاخبار والجديد؟

مافى اى جديد . لكن كان نقعد فيها انا وانتى ما بنقفلها . وعندى احساس بعد تكريم ناس الاساس

الناس دى ما ح تلقى حته تقعد فيها زى راكوبتنا دى . سمعتى الشمار دا قالو ابو محمد جايى الحله

ربنا يوصلو بالسلامه .

والله ما بنسيب الراكوبه لكن كدي وريني أبو محمد منو ؟

أنا زاتي ما بسيبها
وبرضو عاوز أعرف شمار أبو محمد !!! وحبااابه ألف