راكـــوبة المنتدى

شايفاك فى فاتحت حميد الله يرحمو . والله عبدالمنعم سعيد حزين عليهو جدا ربنا يلزمو الصبر

حببنا فيهو وان كنا ما بنعرفو . وقت الضهريه جاء . واتخايل لى دا انسب وقت . نفسى اسال سؤال

واحد محيرنى ومجننى . المكيفات ما تركبت مالها لحدى هس ؟ السخانه شدت والله يا معتز كدى

شوفوا الحاصل شنو . وربنا يجعلهم فى ميزان حسناتكم .

الله يرحم شاعر الشعب حميد ، ويتولاه برحمته ومغفرته

====
لو جينا لموضوع المكيفات ح نعرج على موضوع اللجنة بالداخل وموضوع الأخت إسراء ولا بد من تكوينها للإشراف ومتابعة زي المواضيع دي.
وعشان الناس تعرف تخاطب مين وتتابع مع مين في الداخل ، وناس بره ما بقصروا


طبعاً هنا في غبار ما عادي ومرة برد ومرة سخانة
الله يلطف على الجميع إن شاء الله

والله قلت واوجزت بس معاى يا معتز عايزين طريقه نعرف الموجودين من ناس المنتدى عددهم كم

من الجنسين . لكن محتاره فى طريقة لمهم . وكمان عندك موضوع تكريم العشره الاوائل من الاساس

مقترح اخونا الطيب سعيد . اكيد كلنا لازم نساهم فيهو بس برضو واقف ع الموجودين من البورداب

الفى الداخل . لازم نلقى طريقه نعرفهم بيها ونكلفهم تكليف ولا انت ما معاى

أكيد معاك
بس مشكلة المنتدى بقى موسمي ، والناس تدخل وتطلع بدون مشاركات
إن شاء الله الجبنة دي تلم لينا الناس

فى ناس كتيييييييييير خرمانه . وشايفاهم اظهرو ا اعجابهم اتمنى ريحة القلوة تجيبهم . وحصل اتصلت على الاخت اسراء لمناقشة امر هذا المنتدى وكيفية تحريكو . وانا والله يا معتز مشتركه فى عدة منتديات
بس حاسه بالانتماء لحبيبتنا لننا هنا بنقدر نقول راينا ونحققو مع مجموعتنا الما ساهله . وصدقنى باقى المنتديات اعضائها مافيها المتميز اكتر من الفراعه بس الفراعه ما فاضيين والمصيبه انهم ملموميييييييين فى الفيس بوك . شباب والله يا معتز لو انضمو لينا .ما فى منتدى يتجراء يكون افضل
من اى ناحيه . ان كان اعمال خيريه او تكاريم او اى غرض قصرت عنو الحكومه .

سلامات يا أهلنا ريحة البن جابتني من نص الشماسه مع إني مابحب القهوه بس عايزه من حقتكم دي.

والله يا غاليه اشهد عليكى بت حلال جيتى على السيره . خبرك شنو وما لك اوف لاين . قربى البنبر دا جاى وتعالى ورينا عملتى شنو . ومقترحاتك .واتمنى فى قعدتنا دى تجى ساره والله طولت شديد . واظنو بعد
كدا الليل دخل الفهوه خلوها البقدمنا منو . معتز شايفاهو عزل بدرى .

أول حاجه أنا شايفه إنو بعد يتعمل كرنفال التكريم للطلاب الإقبال ح يذيد بطريقه ملحوظه في المنتدى
^تاني حاجه نحن نعمل إعلان في الفيس في القروبات اللامه شباب الحله ونقول عايزين نحصر ناس المنتدى وأكيد ح نلقى تجاوب^
ثالث حاجه لازم نحن نتحرك عشان ياجماعه الباقين يظهرو.
كدي ياكوثر زيدي لي العرق دا^_^

ياكوثر كبي القهوة بس ماتجيبي سيرة التبرعات تطفشينا منها

الغالية كوثر والاخوه المتداخلين منورين راكوبتكم
واسفة للانقطاع ..وقديطول لاسباب في الشغل
اه يا كوثر والاخوه اتوصو بي الراكوبة خير
وي كوثر عدتها بره لافيها دولاب ولا مفتاح
بالمناسبة مفروض العدة تتخت في دولاب ولا (سحارة) تبع الثرتيات
وهي كصندوق يحفظ فيه الاشياء بس ما متاكده كدولاب هدوم ..او عدة
ودي صورة السحارة

بخصوص التنسيق لتكريم الاوئل ولقاء اعضاء المنتدي وغيرو تلفوني معاك
جيتي للحلة شهر اربعة ان شالله