النسي قديمو..تاه..(من الامس.اشياء .واسماء)

اهلى الزينيــــــــــــــــــــــن الســـــــــــــــلام جاكن

الرحـــــــــــــت اشبه الاسكيـــــــــــــرتى بلبســــــــــــــــهو العروس يوم الصبحــــــــــــيه(قطع الرحت)


الكامشــــــــــــــه بغرفبهـــــــــــــــــا الملاح

الكابــــــــــــــــدلو مابعرف اوصف ليكن

القطـــــــــــــــــــــيع زى المخـــــــــــــــــــزن

مشكــــــــــــــــــــــــورين على التراثيــــــــــــــــــــــــات

يذخر مجتمعنا السودني بالكثير من الحكم والامثال ولو تمعناها جيداً نجد فيها كثير من القيم
والعظات والعبر التي تبصرنا الي مدارك في حياتنا نجهلها بدأت بجمع حكم وأمثال سأوالي سردها تباعاً .
1- عيب الزاد ولا عيب سيدو
2- الما ضاق ايدك ما بقة رفيقك
3- بليلة مباشر ولا ضبيحة مكاشر
4- التسويهو بايدك يغلب أجاويدك
5- تعيس الحظ يلاقي العظمة في الفشفاش
6- الراجل أفجخي بصلة قبال ما يبقة أصلة
7- رزقاً تكوسلو ورزقاً يكوسلك
8- الما شاف البحر تخلعو الترعة
9- الراجل أمسحيلو خفو وأمليلو نفو كان قال شئي الله بيكفو
( فاليحزر الجميع من مما ذكر في رقم 6 )
الاخوان /مجدى ابوفروع/ابوسفيان/الصديق/حنفى/احمد دياب/البطحانى /والهيثمين /والجد محمد الزين
حقيقه المنتدى نور حانعتبر اليوم دا تاريخى لانو اجتمعت فيه الفكاهه وخفت الدم والثقافه بى تراثنا والتراث جزء من حاضرنا
نتمنى انكم كل يوم معانا عشان نستفيد من ثقافتكم وخبرتكم وتدخلوا الفرحه والسرور والبهجه فى نفوسنا كما فعلتم اليوم ............صدقونى المنتدا اليوم بىدخلتكم الجميله كان ليهو نكهه خاصه
الليله يامجدى شهيتنا ملاح القرع بالكسره وباقى السلطه والشطه وتخمجه بايدك فى ضل العصريه ومره مره يجيك الهواء بارد يجفف عرقك والباقى تمو براكم.................

سروره الغاليه والله منوره الليله
دخلت قبل شويه ولقيت الونسه الجميله دى وشكلها مدوره من قبيل وفاتتنى
مشيت سويت لى فنجان قهوه وجيت عشان اعرف اركز
فى حاجات دايره ليها زول ينطقه عديل كدا
ياريت نفتح قسم للتراثيات عشان نوسق العمل الجميل دا
والناس الرائعين الدخلوا الليله ديل ياريت تناشديهم نيابه عن اعضاء المنتدى عشان يحيوا المنتدى الذى يحمل اسم ابوفروع الحبيبه واكيد مداخلاتهم القيمه ستنور سماء المنتدى.
مشكوره ياغاليه

المشاركة الأصلية كتبت بواسطة تيسير محمد عوض

سروره الغاليه والله منوره الليله
دخلت قبل شويه ولقيت الونسه الجميله دى وشكلها مدوره من قبيل وفاتتنى
مشيت سويت لى فنجان قهوه وجيت عشان اعرف اركز
فى حاجات دايره ليها زول ينطقه عديل كدا
ياريت نفتح قسم للتراثيات عشان نوسق العمل الجميل دا
والناس الرائعين الدخلوا الليله ديل ياريت تناشديهم نيابه عن اعضاء المنتدى عشان يحيوا المنتدى الذى يحمل اسم ابوفروع الحبيبه واكيد مداخلاتهم القيمه ستنور سماء المنتدى.
مشكوره ياغاليه

تيسير ي حبيبة .فاتتك من سنييين.شكلها قهوتك ما كانت مضبوطة تمام ..وما ركزتي ان تاريخ ونسة (التراثيات ) دي كانت من سنة 2008مارس ده ليها اربعة سنوات.

عرض أول مشاركة غير
06-03-2008, 05:08 PM

ايام كانت الناس متواجدة باستمرار..
]

والله ياساره انا قريت الكلام دا اليوم . وبجد كان بوست لس ما اتولد زيو . والناس الكانت فيهو جميله بجد
تمنيت لو قلنا للزمن ارجع يازمن وجونا نفس الكوكبه الجميله دى وصراحه استفدت كتير ومن هنا انا بفتح بلاغات فى الناس دى احمد دياب وابو اصطفاء وابوسفيان ومحمد الزين والبطحانى وبقية الجميلين بمواد ثابته باسمى واسم تيسير من هنا بحييها واحى ساره نتمنى ان يرجعو ياريت

QUOTE=كوثر يوسف عبد الصادق;17985]

والله ياساره انا قريت الكلام دا اليوم . وبجد كان بوست لس ما اتولد زيو . والناس الكانت فيهو جميله بجد
تمنيت لو قلنا للزمن ارجع يازمن وجونا نفس الكوكبه الجميله دى وصراحه استفدت كتير ومن هنا انا بفتح بلاغات فى الناس دى احمد دياب وابو اصطفاء وابوسفيان ومحمد الزين والبطحانى وبقية الجميلين بمواد ثابته باسمى واسم تيسير من هنا بحييها واحى ساره نتمنى ان يرجعو ياريت

[/QUOTE]
الغالية كوثر ان شالله بخير..رقتي بعد زحمة (تخريج الرياض) وبالتوفيق ان شالله طبعا انا موضوع الاحتفال بتخريج الروضة (ده قدر ماااا حاولت روحي غلبني اهتم وافرح بيو) لعده اعتبارات مع انو ولدي صديق تخريج يوم 14/3
اه موضوع (التراثيات ) والناس الاختفت شوفي ليه حل انت وتيسير ومن استطاع معكم.
مشاغل الدينا زي ما بعدت الناس وقل التواصل والزيارات الودية بين الناس قلت /او انعدمت اسفريا"..ونتمني التوفيق للجميع..وادناة راكوبة جميل من الامس برضو

http://abofru.com/vb/showthread.php?...referrerid=109


][/url]

من شده فرحتى بالناس ماانتبهت للتاريخ..........
لكن برضو فرصه عشان يتزكروا الماضى ويحنوا للمنتدى ويرجعوا
وتحياتى لكى ساره والاخت كوثر والغايبيييييييييييييييين

الود والتحايا لجميع بناتنا واولادنا الكاتبين فوق والبيقروا وكل ناس الحلة من حلة بخيت ولحدى الحلة الجديدة شمال

البوست جميل جدا وذكرنا أشياء جميلة اندثر معظمها .ومن الاشياء التى أشتاق ومشتاق ليها جدا اللبة ( وهو حليب الغنم ) بعد الولادة مباشرة بى يوم يومين ادوهو النار ويطلع حاجة الذ واجمل من اى قشطة . للاسف كثير منكم لم يتذوقة .

الأخت سارة حقيقه البوست أكتر من رائع والأخوان ماشاءالله ماقصرو وورونا حاجات انا شخصينا اول مرة اسمع بيها . وأديكم كم كلمه كدة واتمنى انى ماكون كررت حاجة
الحمار: شماعة الهدوم ( بكسر الهاء)
الهدوم: الملابس
التبروقة : المصلايه
التكل : مكان لعواسة الكسرة
التكية :الخلوة
وهاكم معاهو المثل دا" التسويهو كريت تلقى فى جلده"

كمان اهلنا قالو:
المشتهي الحنيطير يطير "والحنيطير هو بذرة الورق"
والما لقى شبهو الله قبحو
ياحافر حفرة السوء وسع مراقده و التسويها لابد من تقع فيها
والما بتلحقو جدعو
والمابتاكلو لحمو
والفيك بدر بي
ودقاني بكى وسبقنى إشتكى
وبالمناسبة شكلكم نسيتو ام تكشو:خدرة الخلاء
ويقولو ليك فلان زى ود الموية" ولد الضفضع لما يفقس من البيضة بيكون لونة اسود وصغير وسريع وصعب جدا تمسكو