كوثر يوسف: اسمى ليس من بينهم فحزنت

كوثر يوسف: اسمى ليس من بينهم فحزنت

قائمة أثري اثرياء العالم لعام 2011/2012

المصدر: :::: منتديات أبو فروع :::: - من قسم: منتدى الحوار العام

---

;,ev d,st: hsln gds lk fdkil tp.kj

كما ورد في الاخبار:

1

احتفظ رجل الأعمال المكسيكي كارلوس سليم بالصدارة في القائمة السنوية لمجلة فوربس للمليارديرات في العالم بثروة تقدر بنحو 69 مليار دولار.

وجاء الأميركي بيل غيتس -مؤسس شركة مايكروسوفت لبرامج الكمبيوتر- في المركز الثاني بثروة قدرها 61 مليار دولار، يليه مواطنه وارن بافيت مالك مجموعة بيركشاير هاثاواي الاستثمارية بثروة قدرها 44 مليار دولار.

واحتل سليم (72 عاما) المرتبة الأولى في القائمة لثالث عام على التوالي استنادا إلي تقديرات لقيمة أصول إمبراطوريته للاتصالات.

وتصدرت الولايات المتحدة مجددا القائمة من حيث عدد المليارديرات فيها برصيد 425 مليارديرا. وتجاوزت روسيا الصين لتحتل المركز الثاني بعدد 96 مليارديرا مقابل 95 مليارديرا للصين. وتصدرت موسكو جميع مدن العالم حيث يوجد بها 78 مليارديرا، تليها نيويورك وبها 58 مليارديرا ثم لندن وبها 39 مليارديرا.

وبلغ متوسط ثروة كل من المليارديرات هذا العام -وهو الإصدار الخامس والعشرون - قدره 3.7 مليارات دولار لكل منهم.

وجمع سليم معظم ثروته كقطب في صناعة الاتصالات توسع إلى أنشطة التجزئة والتمويل والسلع الأولية والطاقة.

واستحوذ سليم في الأعوام السابقة على حصص كبيرة في الخارج وتملك أجزاء في ساكس لإدارة المتاجر وشركة نيويورك تايمز للنشر وبلاك روك لإدارة الأموال. وباع في يونيو/حزيران حصته في شركة برونكو دريلنغ للخدمات النفطية مقابل ربح كبير.

وقلص غيتس الفارق مع سليم هذا العام بعد أن هبطت ثروة سليم من 74 إلى 69 مليار دولار، وتشير تقديرات فوربس إلى أن ثروة غيتس ارتفعت من 56 إلى 61 مليار دولار.

المصدر : وكالات

(لو) وهي تفتح عمل الشيطان واعوذ بالله من الشيطان ولكن (لو) ورد اسمى من بينهم
لكنت عملت التالي:

أولا: اكبر شركة لرياض الاطفال في ابوفروع توفر مقاعد لجميع أطفال ابوفروع والقرى المجاورة وبأحدث المناهج في العالم واحدث الالعاب .. والشركاء المؤسسين هم:
1- روضة المنار النموذجية.
2- روضة المناهل النموذجية.
3- روضة الكواكب النموذجية.
4- روضة الكوثر النموذجية.
5- روضات نموذجية اخرى.

ثانيا: فصل مجاني لمن لا يستطيع دفع الرسوم

ثالثا: خريجي الروضات النموذجية لازم كمان يلقوا مدارس نموذجية اقوم أبداء ليك بالمدارس تصليح ما اخلى ليك مدرسة الامام أحمد ولا غيرها تكون مدرسة ما نموذجية وفي كل فريق أعمل مدرسة.
بس بكل اسف لم يذكروا اسمى معاهم

الاخ المبجل الفاتح تحياتى ليك

ربنا يديك ويدينا العافيه ونقدر نقدم الكثير البتحتاجو ابوفروع وانسان ابوفروع . وما اظننا محتاجين نكون واحد من المزكورين علشان نقدر نقدم حاجه لطالب ابوفروع فى جميع المجالات او المراحل التعليميه .ولو كتفنا يدينا او حتى سعينا بيدينا وكل ما نفهم علشان بس نكون واحد من المزكورين علشان نقدر نقدم شئ ما اظننا اخى الفاتح ح نصبو ولو للقليل مما نحتاج . ولكن ارئ ان الانسان يستطيع من الموجود يعمل البرضيهو . وكمان انا من هنا بتمنى ليك والله بس تكون صحيح معافى ما زيهم واكيد انت فاهم القصد . عندنا يااخونا الفاتح دراسات لبعض الطلبة النوابغ واهلهم ما قادرين يدفعو الرسوم . ياريت نبداء بديل وخلينا من النموزجيات الواردة الزكر .ياريت تزكر يارب بس اوع من تلوين القزاز

ياريت تزكر يارب بس اوع من تلوين القزاز

وربنا يعطيك العافية كمان يا اخت كوثر.. قزازنا والله ساطع البياض.
.

ولو كتفنا يدينا او حتى سعينا بيدينا وكل ما نفهم علشان بس نكون واحد من المزكورين علشان نقدر نقدم شئ ما اظننا اخى الفاتح ح نصبو ولو للقليل مما نحتاج

الناس ياكوثر تشيل وتدفع في الضرائب ورسوم محلية وعتب ورسوم ايه ما عارف ولجان شعبية وحتى ناس الكمائن الشغلهم حار ديل يدفعوا في الشى الفلاني للحكومة مقابل شنو؟؟ لا مدارس زي الناس والماعندهم رسوم ما لا قين لاولادهم مقعد في فصل ناهيك من العلاج.
اها كمان شغل التبرعات والدعم دا نتائجو بتجى بالقطارة عشان كدا لو كان الواحد من القائمة أعلاه
اكيد حا يريح الحكومة والناس من الدفع... بالمعالجات الفورية.

كل البتقول فيهو دا يا الفاتح وجع مثبت . ما بختلفوا فيهو اتنين . والله انا بكلمك من بيت كلاوى الوجع .ومصيبتنا العظمى ما تقدر تقول بقم بكسر الباء . ولو حبيت تعالجو الا تجى من فوق واظنو كلامى دا وااااضح . ما عايزه ادخلك فى نفسيات واقول ليك البلد دى ما عندها وجيع تراكا براك عارف . ولا مجرد عشم لانو كل البجى اسجم من اخوه . رافعين شعار انا والباقى الطوفان والبلقى فرصه وما يستقلها يبقى مغفل كبير لاحظ انو فى مغفلين صغار .ديل البدخلو فى الجك بالجنبه وبتكلمو يصبحو بكره براهو لانو ما اتبلت فى خشمهم فوله .حسره كبيره يا الفاتح ع بلد بينهبو فيها اهلها ومن دم الغلابه بيغدو ويتعشو .ولا البمسك ليهو طرف وظيفه والله مرات بتكون هامشيه يعمل ليك فيها مفوضنو وياكل بيها حق الحله اقصد البلد . خلونا ساكتين احسن . ياخى انا قلت ليك انشاء الله تحسب منهم علشان ما نحتاج لاى استقلالى او انتهازى شد حيلك وابقى منهم . بس لس الوصيه فى محلها خلى القزاز نضيف زى ما عهدتك

الاخت العزيزة كوثر يوسف عبدالصادق
سلامى وتحياتى

رافعين شعار انا والباقى الطوفان والبلقى فرصه وما يستقلها يبقى مغفل كبير لاحظ انو فى مغفلين صغار

بلد بينهبو فيها اهلها ومن دم الغلابه بيغدو ويتعشو .

خلونا ساكتين احسن .

عشان كدا نحن وصلنا كدا

شد حيلك وابقى منهم

الشدة لله كما يقال.. إن امد الله في الايام وبقيت منهم
ليك منى بشرى خاصة بس انا الان محتار لو انتهى
برنامج الروضات والمدارس والموية والصحة
دا بإعتبار ما سيكون وقطعا سينتهى في شهر
شنو حا يكون البرنامج التانى؟؟

اتكلم يا الفاتح ؟ وبكره كان انسندت عليك بتتعرف على ؟ الغلط كتير . وما اظنو يتصلح والايد الواحده

ماااااااابتصفق . الشعوب العربيه الشقيقه هتفت بتغيير النظام بعد ما طفح الكيل . ويمكن بعضهم حقق

حاجه بعينها كانو قاصدنها . نحنا نظامنا اساسو ما بطال . ما كعب يعنى . كعب متين . لما جو وانغزونا

نحنا مطلبنا ما تغيير نظام بحالو يا الفاتح اخوى . نحنا عايزين بس يختونا محل انقزونا . فهمتنى

اظنك . انت عارف اس المصائب وين ؟ ما من كبار الموظفين . البلى الحقيقى جايينا من صغارهم .

كان اتكلمت اكتر من كدا بلحقونى زوجى فى جوبا . بس الراجياهو انا يا الفاتح تحسب منهم .

والباقى نحنا قادرين عليهو . جمعه مباركه