متي نخرج من هذه القوقعه

متي نخرج من هذه القوقعه

اخوتي واخواني في المنتدي وانا في تجهيزاتي للسفر للوطن بعد غيبه طالت 4 سنين ووسط فرحة ابنائى بالذهاب للبلد واستعادة ما نسوه من ملامح السودان والاهل طرا لي سؤال احببت ان تشاركوني فيه
هل كل ماتجو راجعيين السودان بتدخلو في دوامة الاسواق الانا فيها دي ?والله رغم انه الواحد نفسه اشيل كل السعوديه هناك بس والله الموضوع ده متعب بدنيا ناهيك عن ماديا...وانا اقترحت علي اسرتي الصغيره اني اديهم فلوس هناك كل واحد اشتري العايزه في حدود الامكانيات ولكن قوبلت بالرفض الشديد وانه الحاجات هنا اقيم واجود
فهل منكم من تجاوز هذه الاشياء واصبح عمليا؟.. اصدقوني القول ..وعذرا لاني ماشيه اكمل الوصايا والله ادي العافيه ال skype

المصدر: :::: منتديات أبو فروع :::: - من قسم: منتدى الحوار العام

---

ljd kov[ lk i`i hgr,rui

المشاركة الأصلية كتبت بواسطة hala mohammed

اخوتي فهل منكم من تجاوز هذه الاشياء واصبح عمليا؟.. اصدقوني القول ..وعذرا لاني ماشيه اكمل الوصايا والله ادي العافيه ال skype

ربنا يوصلكم بالسلامة ياهاله
(العملية) قدرت عليها لاني بديتها بي نفسي . برسل ليهم قروش قبل مااوصل اقول ليهم اشترو لي ثياب لان في تنزاييا مافي.
(البيرسل عشان يشترو ليه اكيد مافي زول بيقول ليه جيب لي حاجه)
ليس بخلا" لكن ظروف سكني البعيد من المدينه..وانشغالي بالدراسة.والاهم من ذا وذاك الحاجات مابتشبه اختيارنا السوداني اقمشتهم حااره لجو السودان/الوانهم صارخه والجهاز قصير .
ولا يلبسو ثوب سوداني .حاجه اسمها (كانقا) ذي الالو البلبسوه الجنوبين.
حتي بعدت انتهت جوطة القراية اتعودو علي الوضع ده..حتي لما اشتر بقول لي موضتهم انتهت.
اه من بدايتها ريحت نفسي من حوامة سوق الا لشائ او قهوة
.

url][/url]

إجازة سعيدة مقدماً أخت هالة
طبعاً نحن السودانيين (فقط) أكثر ناس بتصرف قروش في شراء الملابس والكماليات التانية وبالمناسبة معظم الأسعار هي نفسها في السودان بالإضافة لتكلفة الشحن العالية بالطيارة. وباب شريف مثال لذلك تجاره من اليمن والمشترين سودانيين.

وطبعاً المجاملات والعاطفة ليها أثر كبير فما ممكن الواحد ينزل وهو فاضي وباقي الريالات الفكة الواحد بخلصها في السوق الحر (حليب وعصير)
نرجع لموضوعك ـ، أكيد ما ح نقدر نستغنى عن الشراء والتسوق ، وبيني وبينك الحاجات من بره ليها طعم تاني

وتوصلوا بالسلامة

الأخت هاله
ربنا إوصلكم بالسلامة الي أرض الوطن الحبيب واكون في عونك قي تجهيزات السفر
أختي انا رائي لو اعطيتي كل شخص فلوس عشان إشتري الشئ العايزة فكرة جيدة
لأنه في السودان في حاجات أرقي وأرخص من سعر برة كمان لكن هدايا المغتربين لها قيمة
خاصة في نفوس أهلنا وكمان مافي حد حاإرضي انو تعطيه فلوس عشان اذهب وإشتري لحاله
حتي لو كان أقرب شخص ليك.
انشاءالله تصلوا بالسلامة وماتنسي هديتنا كمان

تحياتي لك اختي هاله محمد يوسف الحاج
بالتأكيد لاتستطيعي العودة للبلد بدون اغراض لأسرتك الكريمة
وهذا مادرج عليه السودانيون .
اما مسألة رخص الاسعار اعتقد ان السودان اقل بقليل من السعوديه
وربنا يعينك انشاء الله .
عودا حميدا واجازة سعيدة وسط الاهل

ربنا يوصلك بالسلامه اختنا هاله وليكم وحشه بجد . كل املنا نشوفكم فى السودان عامه وفى ابوفروع

بشكل خااااااااااص

من هنا من هناك بفرطق الفلوس انا عندي شدي حيلك يا بنت الأخ وفرحي الأهل والأولاد يعني أدخلي السوق برجاله وعشان كده ادخلي برجاله لا بعاطفه وحواء هي وطن للعواطف