هل عيب ان نبوح بمشاعرنا

هل عيب ان نبوح بمشاعرنا

هههههههههههههههه سوداني كابي الجرسه لقيته في مكان جبتها ليكم عشان الما اتزوج اتزوج سريع ....

فيها حاجة يا ناس لما الراجل يقول واااااااااااااااااااااي
عيب لما الراجل يبكي ويتجرس ويرقد في الواطة دي

غايتو ما عندي شغلة في اي زول راجل ولا مره

مرتي سافرت اجازة السودان ... ليها اسبوعين وكمان ح تقعد اسبوعين

وانا والله وااااااي ما بتكفيني .. لو في جرسة اكتر من واااااااي و ووب علي واحييييي بقولا

غايتو يا ام يوسف وام لينة والعفاف ونفرتيتي وبت ابوها ويارا وقطرة الندى وكللللللللكم

فرااااااااااااقكم قاسي .. وحااااااااااار ..

بالجد يا ناس ... اول مرة افارق زوجتي حبيبتي وام عيالي كل الفترة دي .. بس بالجد النسوان ديل نعمة

بعدها نعمة ... هم الحياة .. هم كل شي .. والله كل شي ونحن من غيرم .. ولا شي

والله المفروض كل راجل فينا مما تصبح الواطا .. يطاطي ويبوس رجل مرتو .. ويقول ليها سلي تجابي

وآمري تطاعي .. لانو البعملو لينا دا .... كتير كتير كتير والله ..

ياااااااااه ما تتخيلو انا مشتاق قدر شنو ... لنفس مرتي في البيت .. طلعتا ودخلتا .. بعيدا عن كل الأشياء

الأخرى ... فقط حضورا جمبي وفي بيتنا ..... دا بس بالدنيا حتى لو ما عملت اي حاجة .

دعوة والله صادقة وقوية لكل المتزوجين ...

خلونا نحترم نسوانا اكتر .. ونعزهم ونبجلم اكتر .. خلونا نطاطئ روسنا احتراما لهم .. وتقديرا للبعملوا لينا ..

خلونا نشكرم كل يوم وكل لحظة .. ببسمة جميلة وبهدية حلوة وبكلمة لطيفة وبحركة حميمة

تعالوا نقول ليهم .. انتو عظيمات .. عظيمات جدا .. ونحن مدينين ليكم بكل لحظة جميلة في حياتنا ..

خلونا ما ننسى انهم أمهاااااااااات عيالنا .

مرتي .. فرحة .. اموت كل يوم الف مرة وانتي بعيدة عني .. بحبك بقدر اتساع كون الله .... ومن غيرك انا اتعس من ابليس

ربنا يردكم لي سالمين .... يا اعز الناس

ههههههههههههههه والله عجبتني الجرسه والبكاء علي المكشوف وكشف الحال يعني الواحد اتزوج عشان احس باحساس زي ده ولا دي مبالغات ....

المصدر: :::: منتديات أبو فروع :::: - من قسم: منتدى الحوار العام

---

ig udf hk kf,p flahuvkh

اولا اخي مرتضى الف مبروك الزواج وثانيا حمدا لله على السلامه
والله يامرتضى من اختيارك للموضوع اظنك كاااااااااااااااابي الجرسة
لانك مبسوط من الراجل البقول في وووووووووووووب واحيييييييي
وتحياااااااااااتي لك ياود الشام

الاخ امين ابرهيم لك من التحيه والتقدير وشكرأ ليك على ردك الجميل وانشاالله نسمع بدخولك القفص الذهبي قريب وعقبال العزابه